Nyimbo 108:1 - Bhukhu la Kuyamba

¹ Ntima wangu wakhazizika, imwe Mulungu! Nin'zayimba ndichidumbiza namoyo wangu wentse!

Nyimbo 108:1 ပူးပေါင်းရင်းမြစ်များ

Nyimbo 104:33

Nin'zayimbila Chawuta, malinge ndina moyo, nin'zayimbila Mulungu wangu nyimbo zakudumbiza panthawe yakulalama kwangu.

Nyimbo 138:1

Ninkutendani, imwe Chawuta, nantima wangu wentse; patsogolo paamilungu ninkuyimbilani.

Nyimbo 145:21

Mulomo wangu un'zalewa dumbizo la Chawuta, pomwe lekani nyama yentse idalise dzina lake lakuyela, kufika lini nalini!

Nyimbo 16:9

Nakutenepo ntima wangu unkondwa, kukhala kwangu kwentse kukusekelela, nathupi langu lin'khala lakuchinjiliziwa.

Nyimbo 30:12

Kuti ndemela ikuyimbileni ichikudumbizani, ileke kunyamala, ninkutendani kufika lini nalini, imwe Chawuta Mulungu wangu.

Nyimbo 34:1

Nin'zadalisa Chawuta nthawe zentse, kudumbiziwa kwake kun'zakhala pamulomo wangu nthawe zentse.

Nyimbo 68:1

Lekani Mulungu asumuke, azondi wake amwaziwe! Awo animuzonda athawe patsogolo pake!

Nyimbo 71:15

Mulomo wangu un'zalewa bzakulungama bzanu, ntsiku yentse nin'zalewa bzachipulumuso chanu, pakuti nin'kwanisa lini kubziwelenga.

Nyimbo 71:8

Mulomo wangu udadzala namadumbizo yanu, pomwe nin'choma dzuwa lentse n'chikupasani mbili.