Kuyamba 37:9 - Bhukhu la Kuyamba

⁹ Jozefi adalota pomwe yanango maloto, nkuwuza akulu wake, iye adati, “Ndalota pomwe maloto yanango, ndawona dzuwa namwezi nanyenyezi khumi nayibodzi bzichindikotamila.”

Kuyamba 37:9 ပူးပေါင်းရင်းမြစ်များ

Kuyamba 37:7

ise tikhali m'munda tichimanga mitolo yatiligu, pamwepo ndidawona ntolo wangu udayima kuti dzololo, pamwepo mitolo yanu idabwela kuzayima kuzungunuka idakotamila ntolo wangu.”

Kuyamba 47:12

Jozefi adapasa apayi wake naabale wake nawentse wanyumba yaapayi wake chakudya chizinji kwene-kwene kuteyeza kuwanda kwawanthu waakhafuwa.

Kuyamba 46:29

Pamwepo Jozefi adakonzeka ngolo yake nkuyenda kagumana na Izraeli apayi wake mu Gosheni, adabzipeleka kwayiwo, nkuwakumbatila achilila kwakanthawe.

Kuyamba 45:9

Kulumizani yendani kwaapayi wangu mukati kwayiwo, “Mwana wanu Jozefi wati, Mulungu adandichita mbuya wa Ijipiti yentse, bwelani kuno kuna ine, lekani kuchedwa.

Kuyamba 44:19

Mbuye wangu adabvunza alanda wake kuti, ‘Ko muna apayi panango m'bale?’

Kuyamba 44:14

Judha naabale wake adayenda kunyumba kwa Jozefi, adakamuwona aliko, iwo adamukotamisa nkhope zawo pantsi patsogolo pake.

Kuyamba 43:28

Iwo adati, “Mulanda wanu, apayi wathu ali bwino, achana moyo.” Adamukotamila achimulemekeza.

Kuyamba 41:32

Maloto yanu yabwezelewa kawili, pakuti Mulungu ndibzo bzawakumbuka kuchita. Mulungu an'zachita kuti bzichitike tsapanopa.

Kuyamba 41:25

Pamwepo Jozefi adati kwa Farawo, “Mambo, maloto yanu yentse yali mawili yanilewa chinthu chibodzi. Mulungu wakuwonesani imwe bzaanfuna kuchita.

Kuyamba 37:10

Koma paadawuza apayi wake naakulu wake, apayi wake adamutsimula, iwo adati, “Ko nimaloto yanshowo wanyi yamweyo? Ko ukulewa kuti chadidi ine naamayi wako naakulu wako tin'zakukotamila?”

Kuyamba 37:8

Akulu wake adati kwayiye, “Iwe unachadidi kuti un'zatitonga tentse? Panango kuti uzatitonga tentse.” Nakutenepo iwo adamuzondelatu nathangwe yamaloto yake namafala yake.

Kuyamba 20:3

Koma Mulungu usiku umwewo adafikila Abhimeleki kutulo nkuti kwayiye, “Uchafa nathangwe lankazi wamwen'chilo wawatakula.”

Kuyamba 42:6

Jozefi akhali nduna ikulu mudziko la Ijipiti yentse, iye ndiye akhagulisila wanthu wamudziko limwelo chakudya. Abale wa Jozefi adafika achimukotamila, adakotama patsogolo pake.

Kuyamba 43:26

Jozefi paadapita munyumba, amunawo adamutambila achimpasa mpfupo zawo. Adakotama pantsi patsogolo pake.