Kuyamba 32:9 - Bhukhu la Kuyamba

⁹ Jakobho adati, “Mulungu waayavu wangu Abhurahamu, Mulungu waapayi wangu Isaki, imwe Chawuta ndimwe mudati kwayine, ‘Bwelela kudziko lako, kudziko laabale wako. Mudati bzinthu bzentse bzininfambila bwino.’

Kuyamba 32:9 ပူးပေါင်းရင်းမြစ်များ

Kuyamba 17:7

Nin'zachita chibvano changu pakati payine nayiwe, nakum'badwe un'zabwela pambuyo pako, pakuti nichibvano chin'khala kufika lini nalini. Ine nin'zakhala Mulungu wako mpaka kum'badwe wako wentse um'bwela.

Kuyamba 28:13

Chawuta akhadayima padzulu pamathambiko yamweyo, iye adati, “Ndine Chawuta, Mulungu waapayi wako Abhurahamu na Mulungu wa Isaki, mbuto yawudagona ndayipasa kwayiwe nawana wako.

Kuyamba 28:15

Wona, ndina iwe, nin'zakuchinjiliza kwentse kwawun'zayenda. Nin'zakubwezela pomwe mudziko lino. Nin'zakusiya lini mpaka ndachita bzandidalewa kwayiwe.”

Kuyamba 31:13

Ndine Mulungu waku Bheteli, kwawudadzodza mwala wachilemela namafuta uchilumbila kwayine. Tsapano sumuka, choka mudziko lino, bwelela kudziko lawudabadwa.’ ”

Kuyamba 31:29

Ine ndina mphamvu yakukupweteka; koma Mulungu waapayi wako adalewa-lewa nayine kutulo usiku walelo adati, ‘Chenjelela kulewa kwa Jakobho bzabwino panango bzakuyipa.’

Kuyamba 31:3

Pamwepo Chawuta adati kwa Jakobho, “Bwelela kudziko laapayi wako kwaabale wako, ine ndininga ndina iwe.”

Kuyamba 31:42

Ninga Mulungu waapayi wangu, Mulungu wa Abhurahamu an'gopewa na Isaki akhali lini kumbali kwangu, ninga mudandiyendesa manja-manja, koma Mulungu adawona kushupika kwangu nakukuphatilani basa kwandidachita, ndibzo bzachitisa kuti Mulungu akuchenjezeni usiku walelo.”

Kuyamba 31:53

Mulungu wa Abhurahamu na Mulungu wa Nahori na Mulungu waazipayi wawo, ngaawe atongi pakati payine nayiwe.” Nakutenepo Jakobho adalumbila nadzina la Mulungu waapayi wake Isaki.

Kuyamba 32:8

achikumbuka kuti, “Peno Esau anfika achimenya chipani chibodzi, chinango chipani chinthawa.”

Kuyamba 49:25

na Mulungu waapayi wako uyo an'zakuthandiza, na Mulungu Nyamphamvu zentse an'zakudalisa, namadaliso yan'choka kudzulu. Madaliso yam'boo, madaliso yamasuku nayamimba.

Nyimbo 50:15

Pomwe, chemela kwayine panthawe yakushupika kwako! Ine nin'zakupulumusa, iwe uchizandipembeza.”

Nyimbo 91:15

Paan'chemela kwayine, nin'zamudayila, nin'zakhala naye mukushupika, nin'zamupulumusa ndichimulemekeza.