Kuyamba 28:3 - Bhukhu la Kuyamba

³ Mulungu Nyam'phamvu zentse ngaakudalise akupase wana azinji, kuti m'badwe wako uwande ukhale nawanthu azinji.

Kuyamba 28:3 ပူးပေါင်းရင်းမြစ်များ

Kuyamba 1:28

Mulungu adaadalisa, adati kwayiwo, “Balanani muwande, mudzadze dziko lentse lapantsi mulitonge, mutonge ntsomba zamunyanja, nambalami zan'dzulu, nabzilombo bzentse bzinfamba padziko lapantsi.”

Kuyamba 13:16

Nin'zachita kuti m'badwe wako uwande ninga pfumbi lapadziko, kuti peno munthu ankwanisa kuwelenga pfumbi lapadziko lapantsi, m'mbadwe wakombo un'zakwanisa kuwelengeka.

Kuyamba 17:20

Koma nkhani ya Ishimayeli ndayibva, iye nin'zamudalisa ndichichita kuti abalane awande, an'zakhala kholo laanemwanamambo khumi naawili, nin'zamuchita nshowo ukulu.

Kuyamba 24:60

Pamwepo iwo adadalisa Rabheka, adati kwayiye, “Iwe ukakhale amayi wamasawuzande yamasawuzande khumi, m'badwe wako un'zakulila maguta yaazondi wawo.”

Kuyamba 26:24

Chawuta adabziwonesa kwayiye usiku umwewo, iye adati, “Ndine Mulungu waapayi wako Abhurahamu, leka kugopa pakuti ine ndikukutsogolela. Nin'zakudalisa, ndichizachita kuti m'badwe wako uwande nathangwe lamulanda wangu Abhurahamu.”

Kuyamba 26:4

Nin'zawandisa m'badwe wako kulingana nanyenyezi zakudzulu, nin'zapeleka kum'badwe wako madziko yentse. M'badwe wako un'zachitisa kuti madzinza yentse yapadziko yadalisiwe,

Kuyamba 27:33

Isaki adayamba kutetemela kwene-kwene nkuti, “Ko mbani wasodza nyama yan'thengo yandadya iwe unati wabwela, ndichimudalisa? Ndiye an'zawa wakudalisiwa.”

Kuyamba 35:11

Mulungu adati kwayiye, “Ndine Mulungu Nyamphamvu zentse. Balanani muwande; mishowo mizinji yawanthu in'zachoka kwayiwe, namazimambo yan'zachoka kwayiwe.

Kuyamba 41:52

Mwana wake wachiwili adampasa dzina lakuti, Efulemu, bzichilewa kuti, “Mulungu wandipasa wana ndili mudziko lakushupika kwangu.”

Kuyamba 43:14

Mulungu Nyam'phamvu zentse, achite kuti mwamunayo akakuchitileni chifundo, akakubvumileni kukabwelela na Bhenjemani na Simiyoni. Ndikatayikidwa nawana wangu, ndatayikidwa.”

Kuyamba 48:3

Jakobho adati kwa Jozefi, “Mulungu Nyamphamvu zentse adabziwonesa kwayine pa Luzi mudziko la Kenani achindidalisa,

Kuyamba 48:4

adati kwayine, ‘Wona, nin'zachita kuti mubalane, muchizawanda, nin'zakuchita chipani chawanthu, nin'zapeleka dziko lino kum'badwe wako kuti ikhale nthaka yawo kufika lini nalini.’ ”

Kuyamba 49:25

na Mulungu waapayi wako uyo an'zakuthandiza, na Mulungu Nyamphamvu zentse an'zakudalisa, namadaliso yan'choka kudzulu. Madaliso yam'boo, madaliso yamasuku nayamimba.

Kuyamba 9:1

Mulungu adadalisa Nowa nawana wake, adati kwayiwo, “Balanani muwande, mudzadze dziko.

Nyimbo 127:1

Kunja kwakuti Chawuta ndiye wamanga nyumba, aniyimangawo am'manga papezi. Kunja kwakuti Chawuta ndiye wakhaliliza guta, akhalilizi an'khaliliza papezi.

Nyimbo 127:3

Wonani! Wana ninthaka in'choka kwa Chawuta, n'chelo wamimba nimpagalo.