Joshuwa 7:21 - Bhukhu la Kuyamba

²¹ Pakati pasipodyo idapambiwa, ndidawona n'khanjo wabwino waku Shinari namasheleni yasiliva yakhalema mashekele mazana mawili nachigodo chagolidhe chikhalema mashekele makumi mashanu, ndidabzifuna nkubzitakula ndichibzibisa. Nakutenepo bzinthu bzimwebzo ndidabzibisa pantsi patenti yangu, siliva ndiyo ili pantsi pabzinango bzentse.”

Joshuwa 7:21 ပူးပေါင်းရင်းမြစ်များ

Kuyamba 10:10

Umambo wake udayambila mu Bhabheli namu Ereki na Akadhi, maguta yentse yamweyo yakhali mudziko la Shinari.

Kuyamba 3:6

Nkaziyo paadawona kuti mutiwo niwabwino kudya, pomwe kuti ukhawoneka bwino m'maso, ukhachitisa kuti munthu achenjele, adatola n'chelo wamutiwo nkudya, adapasambo mwamuna wake, iyembo nkudya.

Kuyamba 34:27

Wana wa Jakobho adayenda kukhana bzitanda, nkupamba guta, nathangwe lakuti nana wawo akhadapsipisiwa;

Kuyamba 6:2

Wana wa Mulungu adazawona kuti wana wawanthu wachitsikana akhabaliwa akhadakoma nkhope, adatakula waakhafuna nkuloola.

Nyimbo 119:37

Bwezani maso yangu pakunyangana bzinthu bzapezi-pezi! Ndipaseni umoyo munjila zanu!

Joshuwa 7:20

Akani adadayila Joshuwa, iye adati, “Chadidi, ine ndidatazila Chawuta Mulungu wa Izraeli, ndidachita tenepa.

Joshuwa 7:22

Nakutenepo Joshuwa adatuma atumiki. Adathamanga kutenti kukhadabisiwa bzinthubzo, wanthu paadafika kutenti adakawona bzinthubzo bzidabisiwa mutenti yake, siliva ndiyo ikhali pantsi.