Joshuwa 7:2 - Bhukhu la Kuyamba

² Joshuwa adatuma amuna kuchoka ku Jeriko achiyenda ku Ayi, pafupi na Bheti-aveni, chakumabveladzuwa kwa Bheteli, adati kwayiwo, “Yendani mukanyangane dziko.” Amunawo adayenda kanyangana dziko la Ayi.

Joshuwa 7:2 ပူးပေါင်းရင်းမြစ်များ

Kuyamba 12:8

Adachoka pamwepo nkuyenda kuphili, chakumabveladzuwa kwaguta la Bheteli, kwaadakazika matenti yake. Bheteli likhali chakumadokelo, guta la Ayi likhali chakumabveladzuwa. Kumweko Adamangila Chawuta mbuto yakupelekela ntsembe, adachemela dzina la Chawuta.

Kuyamba 28:19

Mbuto imweyo adayipasa dzina lakuti Bheteli, koma dzina laguta limwelo likhali Luzi pakuyamba.

Joshuwa 12:9

Wanthu wa Izraeli adakunda mambo waku Jeriko namambo waku Ayi, pambali pa Bheteli,

Joshuwa 18:12

Malile yawo yambali yachakudzulu yakhayambila pa Jorodhani yachiyenda nakumatelo yachakudzulu kwa Jeriko, yachipita nachakumadokelo kwadziko lamapili yachimalila kuchipululu cha Bheti-aveni.

Joshuwa 2:1

Joshuwa mwana wa Nuni, adatuma amuna awili kabisila, adachoka ku Shitimu achiyenda kanyangana dziko la Jeriko, iye adati, “Yendani mukanyangane dziko, maka-maka guta la Jeriko.” Nakutenepo iwo adayenda, nkufika panyumba pahule akhachemelewa nadzina lakuti Rahabhi, achigona pamwepo.

Joshuwa 7:3

Paadabwelela kwa Joshuwa iwo adati, “Wanthu wentse ngaleke kubzishupa kuyenda, ngakuyende wanthu masawuzande mawili panango matatu kamenya Ayi, lekani kuyendesa wanthu wentse, pakuti wanthu ali kumweko mbaang'ono-ng'ono.”