Joshuwa 24:14 - Bhukhu la Kuyamba

¹⁴ Joshuwa adati, “Tsapano imwe gopani Chawuta, mumutumikile nantima wanu wentse mwakukwana mwakukhulupilika. Chosani amilungu adapembezewa namakholo yanu, kung'ambu kwakamadzi ka Ufuratesi na Ijipiti, tumikilani Chawuta basi.

Joshuwa 24:14 ပူးပေါင်းရင်းမြစ်များ

Kuyamba 17:1

Abhuramu paakhana magole makumi pfemba napfemba (99), Chawuta adabziwonesa kwayiye nkuti, “Ndine Mulungu, Nyamphambvu zentse, teyela njila zangu, khala wakulungama.

Kuyamba 35:2

Nakutenepo Jakobho adawuza wanyumba yake nawentse waakhanawo kuti, “Chosani amilungu wachilendo ali pakati panu, mubzichenese, mubvale bzakubvala bzinango;

Nyimbo 111:10

Kugopa Chawuta ndiko kuyamba kwanzelu; kubvesesesa kwabwino kuna wentse an'gopa. Dumbizo lake lim'mala lini!

Nyimbo 119:1

Niwakudala awo njila yawo niyakukonkholoka, anfamba m'mafundiso ya Chawuta!

Nyimbo 119:80

Ntima wangu ngawukhale uli ngwilo pamalango yanu, kuti ndileke kunyazisiwa!

Nyimbo 130:4

Koma muna kulekelela mwayimwe, kuti imwe mugopewe.

Nyimbo 81:10

Ndine Chawuta, Mulungu wako, adakuchosa kudziko la Ijipiti. Yashama mulomo wako ndiwudzadze!

Joshuwa 24:2

Pamwepo Joshuwa adati kwawanthu wentse, “Chawuta Mulungu wa Izraeli wati, ‘Kholo lanu Tera nawana wake Abhurahamu na Nahori, awo kale akhakhala chakumabveladzuwa kung'ambu kwakamadzi ka Ufuratesi adatumikila anango amilungu.

Joshuwa 24:23

Joshuwa adati, “Tsapano chosani amilungu wachilendo ali pakati panu, ikhani mitima yanu kwa Chawuta Mulungu wa Izraeli.”