Joshuwa 2:11 - Bhukhu la Kuyamba

¹¹ Patidabzibva, mitima yathu idaphatiwa namantha, ntima wamunthu wentse udamala mphamvu, nathangwe layimwe, pakuti Chawuta Mulungu wanu ni Mulungu wakudzulu napantsi.

Joshuwa 2:11 ပူးပေါင်းရင်းမြစ်များ

Nyimbo 102:15

Madziko yan'zagopa dzina la Chawuta. Mazimambo yentse yadziko, mbili yanu.

Nyimbo 22:14

Ninga madzi, ndathululiwa, mabondo yangu yentse yati gwojodo, ntima wangu wakhala ninga phula, lanyungudukila muchifuwa mwangu.

Nyimbo 58:7

Ngaanyangalike ninga madzi yakuyelela, ngaapondewe-pondewe ninga upsa uli munjila.

Nyimbo 83:18

Ngaadziwe kuti imwe mwekha, uyo dzina lake ni Chawuta, ndimwe Nyakudzulu-dzulu padziko lentse lapantsi.

Joshuwa 14:8

Koma abale wangu wandidayenda nawo adabwela achilewa mafala yakhagopsa wanthu. Koma ine ndidakhulupilila Chawuta Mulungu wangu mwakukwana.

Joshuwa 2:24

Iwo adati kwa Joshuwa, “Chadidi n'chakuti, Chawuta wayikha kale dziko lentse m'manja mwathu. Wanthu wentse adaphatiwa kale namantha aakutogopa thangwe layise.”

Joshuwa 5:1

Mazimambo yentse yaa Amori, yakung'ambu kwa Jorodhani chakumadokelo, namazimambo yentse yaa Kenani akhali yamphepete mwanyanja adabva kuti Chawuta adawumisila madzi wana wa Izraeli pa Jorodhani kufikila ayambuka, mitima yawo idachita mantha, akhalibe ne moyo nathangwe labzidachitiliwa a Izraeli.

Joshuwa 7:5

Pamwepo amuna waku Ayi adapha wanthu makumi matatu naatanthatu, adaathamangisa kuyambila pansuwo mpaka ku Shebharimu, achiwaphela m'matelo m'mwemo. Pamwepo mitima yaa Izraeli idabva mantha, achimala mphamvu.

Joshuwa 9:24

Iwo adadayila kwa Joshuwa, “Chadidi tidabzichita, pakuti ise alanda wanu, tidawuziwa kuti Chawuta Mulungu wanu, adawuza Mozisi mulanda wake kuti akupaseni dziko lentse, achipha wanthu wentse an'khala m'mwemo. Tsapano ise tidachita tenepo, nathangwe lakugopa kuphewa.