Joshuwa 11:14 - Bhukhu la Kuyamba

¹⁴ Wana wa Izraeli adapamba sipodyo yentse yam'maguta yamweya, nabzifuwo kukhala bzawo, koma adapha wanthu wentse namulomo wabhemba, kufika aachenekelatu, palibe ne chibodzi chikhafema chaadasiya.

Joshuwa 11:14 ပူးပေါင်းရင်းမြစ်များ

Joshuwa 10:40

Nakutenepo Joshuwa adakunda dziko lentse, dziko lam'mapili namu Negebhu namubzigowa namumatelo namazimambo yawo yentse, palibe ne m'bodzi adasala, adapha bzentse bzikhafema, kuteyeza bzaadawuziwa na Chawuta Mulungu wa Izraeli.

Joshuwa 11:11

Wanthu wa Izraeli adapha wanthu wentse muguta limweli namulomo wabhemba, adaaphelatu, palibe ne chibodzi chikhafema chidasala, adatentha Hazori namoto.

Joshuwa 11:13

Koma a Izraeli alibe kutentha maguta yakhadamangiliwa pamitunthu, kunja kwaguta la Hazori lokha lidatenthewa na Joshuwa.

Joshuwa 11:15

Chawuta adapeleka mitemo yake kwamulanda wake Mozisi, Mozisi adayiwuzambo Joshuwa. Joshuwa palibe chaadasiya pabzentse bzaadawuziwa Mozisi na Chawuta.

Joshuwa 8:2

Bzamudachita kuguta la Jeriko namambo walene, ndibzo bzamunkachita kuguta la Ayi namambo walene, koma sipodyo yamunkapamba m'mwemo, nabzifuwo bzikachite bzanu. Chitani bzakukalibisalila nakumbuyo kwalene.”

Joshuwa 8:27

Wanthu wa Izraeli adapamba bzifuwo nasipodyo yentse ikhali mugutamo, ninga kuwuziwa kukhadachitiwa Joshuwa na Chawuta.