Joshuwa 11:12 - Bhukhu la Kuyamba

¹² Joshuwa adapamba maguta yentse yamazimambo yamweyo, pabodzi namazimambo yayene. Adachenekelatu wanthu wentse namulomo wabhemba, kuteyeza bzaakhadawuziwa na Mozisi mulanda wa Chawuta.

Joshuwa 11:12 ပူးပေါင်းရင်းမြစ်များ

Joshuwa 10:20

Nakutenepo Joshuwa pabodzi nawana wa Izraeli waakhanawo paadamala kuwapha bzakuwamalizilatu wentse, ang'ono-ng'ono adasala adakathawila m'maguta yakuchinjiliziwa,

Joshuwa 10:28

Ntsiku imweyo Joshuwa adatola guta la Makedha, adapha mambo walene namulomo wabhemba, palibe ne m'bodzi adasala. Adaphelatu wanthu wentse akhali m'mwemo, palibe ne m'bodzi adathawa. Bzaadachita kwamambo waku Makedha ndibzo bzaadachita kwamambo waku Jeriko.

Joshuwa 10:30

Chawuta adayikha guta limwelo namambo walene m'manja mwaa Izraeli. A Izraeli adapha wanthu wentse namulomo wabhemba palibe ne m'bodzi adasala muguta limwelo, adachita bzibodzi-bodzi kwamambo walene, ninga bzaadachita kwamambo wa Jeriko.

Joshuwa 10:32

Chawuta adayikha guta la Lakishi m'manja mwaa Izraeli. Joshuwa adatola gutalo pantsiku yachiwili, adapha wanthu wentse akhali m'mwemo namulomo wabhemba, bzaadachita kuguta la Libhina.

Joshuwa 10:35

Guta limwelo adalitola ntsiku imweyo, adapha wanthu wentse akhali m'mwemo namulomo wabhemba, bzaadachita kuguta la Lakishi.

Joshuwa 10:37

Adalipamba, achilimenya namulomo wabhemba, achipha wanthu wentse wam'mwemo pabodzi namambo walene namiyi yalene, palibe ne m'bodzi wawo adasalamo, bzaadachita guta la Egiloni, kwaadapha wanthu wentse akhali m'mwemo.

Joshuwa 11:13

Koma a Izraeli alibe kutentha maguta yakhadamangiliwa pamitunthu, kunja kwaguta la Hazori lokha lidatenthewa na Joshuwa.

Joshuwa 11:15

Chawuta adapeleka mitemo yake kwamulanda wake Mozisi, Mozisi adayiwuzambo Joshuwa. Joshuwa palibe chaadasiya pabzentse bzaadawuziwa Mozisi na Chawuta.

Joshuwa 13:6

nawanthu wentse akhakhala mudziko lamapili, kuyambila ku Lebhanoni kufika ku Misirepoti-mayimu, nadziko lentse laa Sidhoni. Ine nin'zathamangisila wana wa Izraeli wanthu amwewo, nin'zapasa a Izraeli dziko limwelo kuti likhale nthaka yawo, kuteyeza bzandidakuwuzani.

Joshuwa 21:44

Chawuta adachita kuti mudziko lentse mukhale nan'delekho, kuteyeza kulumbila kwaakhadachita kumakholo yawo. Palibe ne m'bodzi paazondi wawo adakwanisa kuyimisana nawo, pakuti Chawuta akhaapasa mphamvu zakukunda azondi wawo.

Joshuwa 8:31

kuwuziwa kudachitiwa wana wa Izraeli na Mozisi mulanda wa Chawuta, kuteyeza bzikhadanembewa mubhukhu lantemo wa Mozisi lichiti, Mbuto yakupelekela ntsembe, imangiwe naminyala ilibe kusemewa nasimbi ili yentse. Aphe apeleke mpfupo yakutenthelatu kwa Chawuta pamwepo, nantsembe yakudelekha.

Joshuwa 8:8

Mukatola guta limwelo mulitenthe namoto, kuteyeza bzidalewedwa na Chawuta, mukachite bzandikukuwuzani.”

Joshuwa 9:24

Iwo adadayila kwa Joshuwa, “Chadidi tidabzichita, pakuti ise alanda wanu, tidawuziwa kuti Chawuta Mulungu wanu, adawuza Mozisi mulanda wake kuti akupaseni dziko lentse, achipha wanthu wentse an'khala m'mwemo. Tsapano ise tidachita tenepo, nathangwe lakugopa kuphewa.