Югьан 18:38 - Сыйлы Китап Янгы Разилешивню

³⁸ – Гьакъ гертилик недир? – деп сорай Пилат Огъар. Шону айтгъан сонг, о ягьудилени янына дагъы да къыргъа чыгъып, олагъа: – Мен Бу адамны гьеч бир айыбын да тапмайман.

Югьан 18:38 ပူးပေါင်းရင်းမြစ်များ

Маттай 27:24

Пилат гьеч затны этип болмайгъанын ва къазапланыв гючленегенни гёргенде, сув гелтиртип: – Бу Адамны къаны учун мени гюнагьым ёкъ. Муну оьлюмюне сиз оьзюгюз жаваплысыз! – деп, халкъны алдында къолларын жува.

Марк 15:14

– Бу не яманлыкъ этген? – деп сорай о. – Ону хачгъа ил! – деп дагъы да бек къычыралар олар.

Лукъа 23:4

Пилат баш дин къуллукъчулагъа ва халкъгъа: – Мен Бу Адамны такъсыргъа тартар йимик бир айыбын да тапмайман, – дей.

Югьан 18:33

Шо вакъти Пилат, бекликге къайтып гирип, Исаны чакъыра. Огъар: – Сен ягьудилени пачасымысан? – деп сорай.

Югьан 19:4

Пилат, дагъы да къыргъа чыгъып: – Муна, мен Муну сизин яныгъызгъа чыгъараман, мен Муну гьеч бир айыбын тапмагъанны сиз билип къоюгъуз, – дей.

Югьан 19:6

Баш дин къуллукъчулар ва къаравуллар Ону гёрген заманда: – Ону хачгъа ил, хачгъа ил! – деп къычыралар. – Ону сиз алып хачгъа илигиз, неге тюгюл мен Ону бир гюнагьын да тапмайман, – дей Пилат.

Элчилер 17:32

Оьлюмден тирилмекни гьакъындагъы сёзлени эшитгенде, оланы бирлерини гёнгю кюлей, башгъалары буса: – О гьакъда сагъа башгъа бир заман тынгларбыз, – деп къоялар.