Ягьудилеге 5:2 - Сыйлы Китап Янгы Разилешивню

² О авамлагъа ва адашагъанлагъа языкъсынма бола, неге тюгюл де ону оьзюнюки де осал ерлери болма бола.

Ягьудилеге 5:2 ပူးပေါင်းရင်းမြစ်များ

Лукъа 22:32

Тек сен имандан айрылмасын деп, Мен сени учун дуа этгенмен. Сен де, бир заман Магъа къайтып иман салып, иман къардашларынга къуват берерсен, – дей.

2 Коринфдегилеге 11:30

Эгер магъа макътанмагъа тюшсе, гючсюзлюгюмню гёрсетеген затлар булан макътанажакъман.

2 Коринфдегилеге 12:5

Муна шулай адам булан мен макътанарман. Оьзюм булан чы макътанмасман, янгыз гючсюзлюгюм булан макътанып йиберсем билмеймен.

Галатиядагъылагъа 4:13

Биринчи керен мен сизге Сююнч Хабарны аврувум себепли болуп билдирип болдум.

Эфесдегилеге 4:18

Оланы англаву тунукълашгъан, олар Аллагьны яшавундан магьрюм этилген ва оьзлени авамлыгъы саялы олар хырча болгъан.

1 Тимофейге 1:13

Алда мен капирлик этдим, гьызарлап юрюдюм, хатирлер къалдырдым. Амма Аллагь магъа рагьму этди, неге тюгюл де мен шо затланы англавсузлугъумдан ва иманым ёкълугъумдан эте эдим.

Ягьудилеге 12:13

Акъсакъ аягъыгъыз майшалмай, терсине, сав болсун учун, тюз юрюгюз.

Ягьудилеге 2:17

Шону учун Иса гьар бир якъдан Оьзюню къардашларына ошамагъа, халкъны гюнагьларындан гечмекде къурбан болмакъ учун, Аллагьгъа къуллукъ этивде рагьмулу ва инамлы баш дин къуллукъчу болмагъа герек эди.

Ягьудилеге 2:18

Сынавлардан оьтюп, Оьзю азап чекгенине гёре, гьали О сынавлагъа тюшегенлеге кёмек этмеге бола.

Ягьудилеге 4:15

Баш дин къуллукъчубуз Иса бизин осал ерлерибизни англамагъа бола. Бизин йимик, О да бары да затларда сыналды, амма О гюнагь ишлени этмеди.

Ягьудилеге 7:28

Къанунгъа гёре, баш дин къуллукъчулар этилип осал ерлери де булангъы адамлар белгилене, Къанундан сонг берилген антгъа гёре буса, Баш дин къуллукъчу этилип даимлик камиллик даражагъа Аллагьны Уланы белгиленди.

Ягьудилеге 9:7

Чатырны экинчи бёлмесине буса янгыз баш дин къуллукъчудан башгъа гишини гирмеге ихтияры ёкъ. О да янгыз йылда бир керен – оьзюню ва халкъны билмейгенлигинден этген гюнагьлары учун къурбан этилеген къан булан.

Якъуб 5:19

Къардашларым, айтайыкъ, сизин биригиз гьакъ герти ёлдан чыгъып къала, башгъагъыз буса огъар шо ёлгъа къайтмагъа кёмек эте.

1 Петер 2:25

Сиз, адашгъан къойлар йимик, ёлугъузну тас этген эдигиз. Гьали буса сиз жанларыгъызны Къойчусуну ва Сакълавчусуну янына къайтып гелдигиз.