Ягьудилеге 13:16 - Сыйлы Китап Янгы Разилешивню

¹⁶ Бирев биревге кёмек этме ва башгъалагъа пай чыгъарма унутуп къалмагъыз. Аллагь шолай къурбанланы сюе.

Ягьудилеге 13:16 ပူးပေါင်းရင်းမြစ်များ

Лукъа 18:22

Шону эшитген сонг, Иса огъар: – Сагъа дагъы да бир зат етишмей: бар чакъы малынгны сатып, пакъырлагъа уьлеш. Шо заман кёклерде сени хазналарынг болур. Сонг гел, Мени артыма тюш! – дей.

Элчилер 10:38

Аллагь назаретли Исагъа Оьзюню Ругьун ва къудрат берген. Шо заман Иса яхшы ишлер эте туруп, оьзлеге иблис зулму этип турагъанланы барын да сав эте туруп айланагъанда, Аллагь Ону булан болгъанын да сиз билесиз.

Элчилер 9:36

Яффа деген шагьарда Табита (грекче «Дорка») деген бир къатынгиши яшай болгъан. О Исаны якъчысы болгъан. О кёп яхшы ишлер де эте, пакъырлагъа садагъа да бере болгъан.

Румдагъылагъа 12:13

Аллагьны тарчыкълыкъгъа тюшген халкъына кёмек этигиз. Къонакъланы сююп къабул этигиз.

Галатиядагъылагъа 6:10

Имканлыкъ берилген чакъы заман инсанлагъа, айрокъда иман къардашларыбызгъа яхшылыкъ этейик.

Галатиядагъылагъа 6:6

Аллагьны каламын уьйренеген гиши уьйретеген гишисине де оьзюню бары да затларындан пай чыгъарар.

Эфесдегилеге 4:28

Бир урлагъан дагъы урламагъа тюшмей. Терсине, тарчыкълыкъдагъылагъа пай чыгъарып болмакъ учун, оьзюню къоллары булан загьмат тёкмеге тюше.

Филиппадагъылагъа 4:14

Къыйыным барда магъа кёмекге табулуп, сиз яхшы иш этдигиз.

Филиппадагъылагъа 4:18

Эпафродитден таба сиз магъа тарыгъындан да артыкъ зат йиберип гелдигиз ва гьали мени бары да затым бар. Бу буса Аллагь рази къалагъан ва къабул этеген бир арив ийисли къурбан йимикдир.

1 Салоникдегилеге 5:15

Биревню яманлыгъына бирев де яманлыкъ булан къайтарыш этмесин. Бир биригизге ва оьзгелеге гьар заман яхшылыкъ этме къаст этигиз.

2 Салоникдегилеге 3:13

Сиз буса, иман къардашлар, тийишли затны токътавсуз этип туругъуз.

1 Тимофейге 6:18

Оланы яхшылыкълар этмеге, яхшы ишлери булан бай болмагъа, чомарт болмагъа ва малындан пай чыгъарма гьазир болмагъа уьйрет.

Филимонгъа 1:6

Месигь булан бирлигибизни себебинден бизде де яхшылыкъ бар. Барыбызгъа да ортакъ болгъан сени иманынг шо яхшылыкъгъа тюшюнювге гелтирсин деп, мен дуа этемен.

Ягьудилеге 6:10

Аллагьны адилсизлиги болмас чы! О сизин тёкген къыйынларыгъызны ва сюювюгюзню унутмажакъ. Шо сююв булан сиз Аллагьны аты учун Ону халкъына къуллукъ этдигиз ва къуллукъ этип де турасыз.

3 Югьан 1:11

Сююмлю къурдашым! Яманлардан уьлгю алма, яхшылардан ал. Яхшылыкъ этеген адам Аллагьныки, яманлыкъ этеген буса Аллагьны бир заманда да гёрмеген.