Вагьий 22:12 - Сыйлы Китап Янгы Разилешивню

¹² Иса: – Къара чы, Мен тез гележекмен! Мен оьзюм булан савгъатлар ва такъсырлавлар алып гележекмен ва гьар кимге этген ишине гёре тийишлисин бережекмен.

Вагьий 22:12 ပူးပေါင်းရင်းမြစ်များ

Маттай 16:27

Мен, Инсанны Уланы, Атасыны макътавуну шавласында Ону малайиклери де булан гелип, шо заман гьар кимге ишлерине гёре бережекмен.

Румдагъылагъа 14:12

Демек, гьар бирибиз Аллагьны алдында оьзюбюз учун гьисап бережекбиз.

1 Коринфдегилеге 3:14

Кимни къургъан бинасы сынавдан оьтсе, шону къургъан адам алапа алажакъ.

1 Коринфдегилеге 3:8

Урлукъ чачгъанны ва сугъаргъанны мурады бир. Гьариси тёкген загьматына гёре гьагъын да алыр.

Вагьий 11:18

Имансызлар къазапландылар, гьали Сени къазапланывунгну гезиги етишди. Оьлюлеге дуван этмеге, къуллукъчуларынг болгъан пайхаммарлагъа, Сени халкъынга ва Сени атынгдан къоркъагъанлагъа – гиччи болсун, уллу болсун – тийишли гьагъын бермеге заман гелди. Дюньяны бузагъанланы буса ёкъ этмеге вакъти етишди.

Вагьий 2:23

Ону яшларын оьлтюрюп ёкъ этермен. Мен инсанны гьакъылындагъын ва юреклериндегин билегенимни Исагъа иман салгъанланы барысы да билер. Мен сизин гьар биригиз этген ишигизге гёре тийишлисин берермен.

Вагьий 20:12

Мен тахны алдында токътагъан гиччи ва уллу оьлюлени гёрдюм. Китаплар ачылгъан эди ва бирдагъы бир китап – яшав китабы – ачылгъан эди. Оьлюлеге, китапларда язылгъан затлагъа асасланып, гьар кимге оьзю этген ишлеге гёре дуван этиле эди.

Вагьий 22:20

Буланы барына да Шагьатлыкъ этеген: – Дюр, Мен ювукъда гележекмен, – дей. Амин! Гел, я Рабби Иса!

Вагьий 22:7

Иса: – Къара чы, Мен тез гележекмен! Бу китапда язылгъан пайхаммарлыкъ сёзлени кютеген насиплидир! – деп айтды.

Вагьий 3:11

Мен ювукъда гележекмен. Сенден уьстюнлюкню тажын бирев де чыгъарып алмасын учун, оьзюнгде бар затны сакълап тур.