Маттай 28:20 - Сыйлы Китап Янгы Разилешивню

²⁰ Оланы Мен сизге буюргъан бары да затны юрютмеге уьйретигиз. Мен де ахыр замангъа ерли даим сизин булан болажакъман.

Маттай 28:20 ပူးပေါင်းရင်းမြစ်များ

Маттай 1:23

Бу къыз айлы болажакъ ва бир улан табажакъ. Огъар Иммануйыл деп айтылажакъ. Бу буса «Аллагь бизин булан» демекдир.

Маттай 13:49

Дюньяны ахырында да шолай болажакъ. Малайиклер гелип, муъминлени арасындан яманланы айырып алып тайдыражакълар.

Маттай 18:20

Неге тюгюл де, Мени атымны тутуп, не ерде буса да бир ерде эки яда уьч адам бирче жыйылса, Мен де онда, оланы арасында, болажакъман.

Маттай 24:3

Зайтун тавда янгыз олтуруп турагъанда, Исаны янына якъчылары гелелер. Олар: – Шо къачан болажагъын айт чы бизге. Сени гелмеклигингни де, ахыр заманны да гёрсетеген не аламат болажакъ? – деп сорайлар.

Маттай 6:13

Бизин артыкъ сынавлагъа салма, иблисден де бизин сакъла.

Марк 16:20

Якъчылары буса барып Раббибизни сёзюн бары да ерлерде билдирелер. Раббибиз олагъа кёмек эте, гьайран аламатлар гёрсетмек булан оланы сёзлерин гертилей.

Элчилер 2:42

Олар элчилер уьйретеген Аллагьны каламына, бир бири булан къатнашывгъа, экмек бёлюв адатны кютювге, дуа этивге даим амин туралар.

Элчилер 20:27

Неге тюгюл де, Аллагь сюегенни мен сизге гьеч бир де тартынмай билдирдим.

1 Коринфдегилеге 11:2

Гьар затда мени эсде сакълайгъаныгъыз ва мен уьйретген затланы мен айтгъан кюйде кютегенигиз учун сизге макътав этемен.

1 Коринфдегилеге 11:23

Мен сизге берген затны оьзю Раббибизден алдым. Оьзюне хыянатлыкъ этилген гече Раббибиз Иса экмекни де алып,

1 Коринфдегилеге 14:37

Оьзюн пайхаммар яда оьзюнде Ругьну гючю бар деп гьисап этеген гьар адам къабул этип къойсун: мен сизге язагъан затларым Оьзю Раббибизни буйругъудур.

Колосдагъылагъа 1:28

Бары да адамланы Аллагьны алдында Месигь булан бирликде камиллешген гьалда гёрсетмеге сюебиз. Шо саялы олагъа Месигьни гьакъында билдирип, гьарисин насигьат ва Аллагь берген гьакъыл булан уьйретебиз.

2 Тимофейге 4:17

Амма мен Сююнч Хабарны толу кюйде билдирсин деп, ону бары да ят халкълар эшитип болсун деп, Раббибиз янымда да болуп, магъа гюч берди. Мен де шо арсланкъапланны авзуна тюшмей, къутулмагъа болдум.

2 Петер 3:2

Сыйлы пайхаммарлар алданокъ сёйлеген сёзлени ва элчилеринден таба Раббибизни ва Къутгъарывчубузну берилген буйругъун эсигизге салмагъа сюемен.

Вагьий 1:18

ва Яшав болгъан Менмен. Мен оьлген эдим, муна къара, гьали Мен даимге савман! Ахыратны да, оьлюмню де ачгъычлары Менде.

Вагьий 22:14

Яшав береген терегини емишинден ашамагъа ва шагьаргъа къапулардан таба гирмеге ихтияр алмакъ учун опуракъларын жувагъанлар насиплилердир.