Марк 9:50 - Сыйлы Китап Янгы Разилешивню

⁵⁰ Туз яхшы зат. Амма туз тузлу татывун тас этсе, огъар тузлу татывну не булан бермеге болур? Ичигизде тузугъуз болсун, бир биригиз булан татывлукъда яшап къалыгъыз.

Марк 9:50 ပူးပေါင်းရင်းမြစ်များ

Маттай 5:13

– Сиз дюньяны тузусуздур. Амма туз тузлу татывун тас этсе, огъар тузлу татывну не булан бермеге болур? О бир затгъа да ярамайгъан болур. Ону инсанланы аякъ тюбюне ташлар!

Марк 9:34

Олар иннемей токътайлар, неге тюгюл ёл бойда олар оьзлени арасында лап уллусу кимдир деп эришген болгъанлар.

Марк 9:49

Къурбангъа союлгъан гьайван туз булан тазаланагъаны йимик, гьар ким де от булан тазаланажакъ.

Румдагъылагъа 12:18

Сизден нечакъы асылы болагъан чакъы бары халкъ булан парахатлыкъда яшагъыз.

2 Коринфдегилеге 13:11

Ахырда да, къардашларым, къуванып къалыгъыз, камилликге етишмеге къаст этигиз, бир биригизни гёнгюгюзню алыгъыз, бир гьасилге гелигиз, парахатлыкъда яшап къалыгъыз. Шо заман сююв ва парахатлыкъ гелтиреген Аллагь сизин булан болур!

Галатиядагъылагъа 5:22

Амма бизин яшавубузда Аллагьны Ругьуну емиши будур: сююв, къуванчлыкъ, парахатлыкъ, сабурлукъ, рагьму, чомартлыкъ, аминлик,

Эфесдегилеге 4:29

Сизин авзугъуздан бир де нас сёз чыкъмасын, янгыз тарыкълы затгъа насигьаты булангъы, тынглавчулагъа пайдалы сёзлер чыкъсын.

Филиппадагъылагъа 1:27

Аслусу – Месигьни гьакъындагъы Сююнч Хабаргъа лайыкълы болуп яшап къалыгъыз! Барыгъыз да бир болуп, Сююнч Хабарда айтылгъан иманны якълай туруп, бир душманыгъызгъа да оьзюгюзню къоркъутмагъа къоймайгъан кюйде яшап къалыгъыз. Шолай яшав олар учун оьлюмню белгиси, сизин учун буса къутгъарылывну белгиси болуп токътажакъ. О да Аллагьдан гелеген затдыр.

Колосдагъылагъа 3:12

Сиз Аллагьны халкъысыз. О сизин кёп сююп сайлады. Шогъар гёре рагьмуну, языкъсынывну, саламатлыкъны, инсанлар булангъы аралыкъда илиякълылыкъны, сабурлукъну опуракълардай этип гийигиз.

Колосдагъылагъа 4:6

Оьзгеге тюз жавап берип билмек учун, сизин сёйлевюгюз гьар заман илиякълы, гьакъыллы болма тарыкъ.

1 Салоникдегилеге 5:13

Тёкген шо къыйыны учун олагъа бек уллу гьюрмет ва сююв булан янашыгъыз. Бир биригиз булан парахатлыкъда яшап къалыгъыз.

2 Тимофейге 2:22

Жагьилликни напсларындан къач. Таза юрекден Раббибизни атын тутгъанлар булан бирликде муъминликге, имангъа, сюювге ва парахатлыкъгъа элтеген ёлда юрюмеге къаст эт.

Ягьудилеге 12:14

Бары да халкъ булан парахатлыкъда яшама къасткъылыгъыз. Таза юрек булан яшама къасткъылыгъыз, неге тюгюл де шосуз бирев де Раббибизни гёрюп болмас.

Якъуб 1:20

Инсанны къазапланыву Аллагь сюеген кюйде муъмин болуп яшамагъа пуршав этер.

1 Петер 3:8

Ахырда да, барыгъыз да къыйышып яшап къалыгъыз, бир биригизни гёнгюгюзню алыгъыз, бир биригизни къардашлар йимик сююгюз, языкъсыныгъыз ва саламат болугъуз.