Лукъа 8:24 - Сыйлы Китап Янгы Разилешивню

²⁴ Ювугъуна барып, олар Исаны уятып: – Устаз! Устаз! Биз батыла турабыз, – дейлер. Уянып, О елни ва сувну гьалекленивюн токътата. Олар да токътап, бир шыплыкъ болуп къала.

Лукъа 8:24 ပူးပေါင်းရင်းမြစ်များ

Маттай 14:30

Тек гючлю елни гёргенде, къоркъа. Батмагъа башлагъанда: – Я Раббим! Мени къутгъар! – деп къычырып йибере.

Маттай 8:25

Якъчылары гелип, Ону уятып: – Я Раббибиз! Бизин къутгъар, бата турабыз! – дейлер.

Марк 4:39

О да уянып, елге токътамагъа буюра ва кёлге: – Токъта! Сабур бол! – дей. Ел тына ва бир шыплыкъ болуп къала.

Лукъа 4:35

– Тын, ону ичинден чыгъып тай! – деп буюра Иса жинге. Жин, о адамны синагогну ортасында йыгъып, огъар гьеч бир зарал да этмейли, ону ичинден чыгъып тая.

Лукъа 4:39

Аврувну башлыгъында токътап, О къатынны иссилигин тайдыра, о да сав болуп къала. Къатын, шоссагьат аякъгъа туруп, олагъа тепси къура.

Лукъа 5:5

– Устаз, биз сав гечени узагъында доландыкъ, гьеч бир зат да тутмадыкъ. Амма Сен айтгъан сонг, торланы ташлажакъман, – деп жавап бере Симон Огъар.

Лукъа 8:25

Иса олагъа: – Сизин иманыгъыз къайдадыр? – дей. Олар буса къоркъуп ва гьайран болуп, бир бирине: – Еллеге де, сувлагъа да буйрукъ этеген ва олар да Оьзюне таби болагъан Бу Кимдир? – дейлер.