Лукъа 23:4 - Сыйлы Китап Янгы Разилешивню

⁴ Пилат баш дин къуллукъчулагъа ва халкъгъа: – Мен Бу Адамны такъсыргъа тартар йимик бир айыбын да тапмайман, – дей.

Лукъа 23:4 ပူးပေါင်းရင်းမြစ်များ

Маттай 27:19

Пилат дуванханада олтуруп турагъанда, къатыны огъар: – О Муъмин Адамгъа бир зат да этме! Неге тюгюл де, бу гече тюшюмде О Адам саялы мен бек азап чекдим, – деп хабар йибере.

Марк 15:14

– Бу не яманлыкъ этген? – деп сорай о. – Ону хачгъа ил! – деп дагъы да бек къычыралар олар.

Лукъа 23:22

Пилат уьчюнчю керен де олагъа: – Бу Адам не яманлыкъ этген? Мен Ону оьлтюрме тюшеген кюйде бир айыбын да тапмадым, шогъар гёре, Ону такъсырлап, йиберип къояман, – дей.

Югьан 18:38

– Гьакъ гертилик недир? – деп сорай Пилат Огъар. Шону айтгъан сонг, о ягьудилени янына дагъы да къыргъа чыгъып, олагъа: – Мен Бу адамны гьеч бир айыбын да тапмайман.

Элчилер 25:25

Амма мен оьлюм дуван этмеге чакъы о терс этген ишин тапмадым. О оьзюне Румну пачасы дуван этсин деп талап этгени саялы, ону йибермеге токъташдым.

Элчилер 3:13

Ибрагьимни, Исгьакъны ва Якъубну Аллагьы, ата бабаларыбызны Аллагьы Оьзюню Уланы Исаны макътавлу этди. Сиз буса Ону оьлюмге тарытдыгъыз, Пилат Ону азат этмеге токъташгъанда, Пилатны алдында сиз Ону инкар да этдигиз.

Ягьудилеге 7:26

Шолай Баш дин къуллукъчу бизге гертилей де тарыкъ. О сыйлы, гюнагьсыз ва тетиксиз. О гюнагьлылардан айрылгъан ва кёклерден де оьрге чыгъып токътагъан.

1 Петер 2:22

Сыйлы Язывларда булай язылгъан: О гьеч бир гюнагь иш этмеди ва Ону авзундан гьеч бир ялгъан сёз чыкъмады.

1 Петер 3:18

Месигь де инсанланы гюнагьлары учун бир керен азап чегип оьлдю. Сизин Аллагьгъа ювукълашдырмакъ учун, муъмин болгъан Месигь муъмин тюгюллер саялы оьлюп гетди. Ону къаркъарасы оьлтюрюлдю, амма Ругьу буса яшавгъа къайтарылды.