Элчилер 9:18 - Сыйлы Китап Янгы Разилешивню

¹⁸ Шоссагьат ону гёзлеринден бир пердев йимик зат тайгъандай болуп, о янгыдан гёреген болуп къала. О да туруп, сувгъа чомдуртуп, оьзюн Аллагьгъа тапшурта.

Элчилер 9:18 ပူးပေါင်းရင်းမြစ်များ

Элчилер 2:38

– Гюнагьларыгъыздан гечилмек учун, сизин гьаригиз товба этмеге ва Иса Месигьни аты булан, сувгъа чомдуртуп, оьзюгюзню Аллагьгъа тапшуртмагъа герексиз. Шолай этсегиз, Аллагь сизге Оьзюню Ругьун бережек.

Элчилер 2:41

Ону сёзюн къабул этгенлер барысы да, сувгъа чомдуртуп, оьзлени Аллагьгъа тапшурталар. Шо гюн уьч мингге ювукъ адам Исагъа иман салгъанланы арасына къошула.

Элчилер 22:13

О магъа: «Къардашым Савул, гёзлеринг ачылсын!» – деп айтды. Шоссагьат мен ону гёреген болуп къалдым.

Элчилер 22:16

Гьали сен не къаравуллап токътагъансан? Тур, Ону атын тутуп, сувгъа чомдуртуп, оьзюнгню Аллагьгъа тапшурт, гюнагьларынгдан тазалан».

Элчилер 9:17

Гьанания гетип, шо уьйге гире. О Савулну уьстюне къолларын салып: – Савул, къардашым, гелеген ёлунгда сагъа гёрюнген Раббибиз Иса, сен янгыдан гёреген болсун ва сен Аллагьны Ругьундан толсун деп, мени йиберди, – дей.

Элчилер 9:19

Сонг Савул ашай ва шоссагьат огъар къайтып гюч геле. Савул Исаны якъчылары булан бир нече гюн Шамда къала.

Элчилер 9:8

Савул ерден гётерилгенде, гёзлерин ачып къарай, амма бир зат да гёрмей. Ёлдашлары, ону къолундан тутуп, Шамгъа гелтирелер.

2 Коринфдегилеге 3:14

Оланы гьакъылы да тунукълашгъан эди. Мусаны Къанунун охуйгъанда, шо перде гьалиге ерли де яшырылып тура. Шо пердени янгыз Месигьге бакъгъан якъдагъы имандан таба тайдырмагъа бола.

2 Коринфдегилеге 4:6

Неге тюгюл де: «Къарангылыкъдан ярыкъ берилме башлансын», – деген Аллагь бизин юреклерибизде ярыкъ берме башлады. Иса Месигьден таба О юреклерибизни Оьзюню макътавлугъуна тюшюнювню ярыгъы булан шавлаландырып къойду.