Элчилер 22:25 - Сыйлы Китап Янгы Разилешивню

²⁵ Ону къамучу булан тюймек учун байлайгъан заманда, Павел оьзюню янындагъы юз асгерни башчысына: – Сизге Румну ватандашын гьеч бир дувансыз къамучуламагъа яраймы? – деп сорай.

Элчилер 22:25 ပူးပေါင်းရင်းမြစ်များ

Маттай 10:17

Адамлардан сакъ болугъуз: олар сизин тутуп дуванханалагъа бережеклер ва оьзлени синагогларына элтип, къамучу булан тюежеклер.

Маттай 27:54

Юз асгерни башчысы ва ону булан бирче Исагъа къаравул этегенлер ер тербенгенин ва болуп турагъан бары да бу гьарасатны гёрюп, бек къоркъуп: – Гертилей де, О Аллагьны Уланы болгъан, – дейлер.

Маттай 8:8

Амма юз асгерни башчысы огъар булай дей: – Я Раббим! Сен мени уьюме гирмеклигинге мен лайыкълы тюгюлмен. Тек Сен бир сёз сёйлесенг, мени къулум сав болуп къалажакъ эди.

Элчилер 10:1

Къайсарияда италиялы деп айтылагъан асгер бёлюгюнде юз асгерни башчысы болуп къуллукъ этеген Корнилий деген бирев болгъан.

Элчилер 16:37

– Бизин, Рум ватандашларын, гьеч бир дувансыз бютюн халкъны алдында токъалап, туснакъгъа салдылар. Гьали буса яшыртгъын чыгъарып къувалап йибермеге сюелер. Шолай болмас! Оьзлер гелип бизин мундан чыгъарсынлар, – дей Павел.

Элчилер 22:26

Шону эшитген юз асгерни башчысы, шоссагьат минг асгерни башчысыны янына барып: – Сен этеген не затдыр? Бу адам чы – Румну ватандашы, – дей.

Элчилер 23:17

Шо заман Павел, юз асгерни башчыларындан бирин чакъырып: – Бу уланны минг асгерни башчысыны янына элт, муну огъар айтмагъа сюеген бир сёзю бар, – дей.

Элчилер 23:27

Бу адамны ягьудилер тутуп оьлтюрмеге айлангъан эдилер. Амма о румлу ватандаш экенни билгенде, мен асгерлер булан гелип етишип, ону къутгъардым.

Элчилер 25:16

Мен олагъа, айыпланагъан гьар кимни шо адамны айыплайгъанлар булан бет бетге тургъузмайлы ва огъар айыпдан якъланмакъ учун имканлыкъ бермейли, огъар дуван этмек румлуланы адаты тюгюл деп жавап бердим.

Элчилер 27:1

Денгиз булан биз Италиягъа гетмеге токъташгъанда, Павелни ва бир бир оьзге туснакъланы Августну асгерлеринден Юлий деген юз асгерни башчысына тапшурдулар.

Элчилер 27:3

Артындагъы гюн Сайдангъа гелдик. Юлий Павелге яхшы къарады: огъар къурдашларыны янына бармагъа, олардан тарыкъ герегин алмагъа къойду.

Элчилер 27:43

Амма асгербашы, Павелни къутгъармагъа сююп, асгерлени шо къастын кютмеге къоймады. О юзюп билегенлеге, башлап сувгъа тюшюп, юзюп къуру ерге чыкъмагъа буюрду.