Элчилер 2:45 - Сыйлы Китап Янгы Разилешивню

⁴⁵ Малларын ва мюлклерин сатып, барына да тарчыкълыгъына гёре гьарисине пайлайлар.

Элчилер 2:45 ပူးပေါင်းရင်းမြစ်များ

Маттай 19:21

Иса огъар: – Эгер камил болма сюе бусанг, барып бары да мюлкюнгню сатып, пакъырлагъа уьлеш. Шо заман кёклерде сени хазналарынг болур. Сонг гел, Мени артыма тюш! – дей.

Лукъа 16:9

Мен сизге айтаман: бу пана дюньяда сизге берилген байлыкъдан пайдаланып, оьзюгюзге къурдашлар къазанып къоюгъуз. Неге тюгюл де, бу дюньяда къазангъан чакъы бары да малыгъыздан магьрюм къалгъан заманда, даимлик уьйде сиз сююп къабул этилежексиз.

Лукъа 18:22

Шону эшитген сонг, Иса огъар: – Сагъа дагъы да бир зат етишмей: бар чакъы малынгны сатып, пакъырлагъа уьлеш. Шо заман кёклерде сени хазналарынг болур. Сонг гел, Мени артыма тюш! – дей.

Лукъа 19:8

Закай, Раббини алдында токътап, Огъар: – Я Раббим, бар байлыгъымны яртысын мен пакъырлагъа бережекмен ва кимден артыкъ алгъан бусам, дёрт керен артыкъ этип къайтарып бережекмен, – дей.

Элчилер 11:29

Исаны якъчыларыны гьариси Ягьудеяда яшайгъан иман къардашларына болагъан кёмегин этмеге токъташалар.

Элчилер 4:34

Оланы арасында тарчыкълыкъгъа тюшген бирев де болмай. Неге тюгюл де, топуракъ ва уьй есилери, малын сатып, сатгъанда тюшген акъчаны гелтирип

Элчилер 4:35

элчилеге берелер. Бары да зат да гьар кимге тарыгъына гёре пайлана.

2 Коринфдегилеге 9:1

Аллагьны халкъына этилеген кёмекни гьакъында сизге язмагъа гьажатлыкъ ёкъдур.

2 Коринфдегилеге 9:9

Сыйлы Язывларда айтгъаны йимик: О ярлылагъа чомарт кюйде уьлеше, ону зувап ишлери гьар даим де давам этилежек.

1 Югьан 3:17

Эгер дюньяда мадарлы яшайгъан бирев, иман къардашыны тарчыкълыкъда экенин гёрюп, огъар рагьму этмей буса, Аллагьны сюювю онда нечик яшасын?