2 Коринфдегилеге 8:6 - Сыйлы Китап Янгы Разилешивню

⁶ Шогъар гёре биз Титге бу рагьмулу ишни башлагъаны йимик, сизин арагъызда да ахырына етишдирсин деп тиледик.

2 Коринфдегилеге 8:6 ပူးပေါင်းရင်းမြစ်များ

Элчилер 24:17

Кёп йыллардан сонг жыйылгъан садагъаланы халкъыма бермек ва къурбанлар этмек учун, мен Ерусалимге гелдим.

Румдагъылагъа 15:25

Гьали буса мен Аллагьны халкъына къуллукъ этмек учун, Ерусалимге бараман.

2 Коринфдегилеге 12:18

Мен Титге сизин яныгъызгъа бармакъны тилеп, ону булан бирче бирдагъы бир иман къардашыбызны йибердим. Балики, Тит оьзге пайда ахтарып айлангъанмы экен? Биз оьзюбюз де шолай этмейми эдик дагъы, шо гьыздан чыкъмай юрюмейми эдик дагъы?

2 Коринфдегилеге 2:13

Амма шонда иман къардашым Титни тапмагъаным саялы, юрегим рагьатлыкъ тапмады. Шогъар гёре, мен олар булан савболлашып, Македониягъа бармагъа деп ёлгъа тюшдюм.

2 Коринфдегилеге 8:10

Бу ишде сизге этеген таклифим шудур: гетген йыл сиз янгыз берме сюегенликде биринчи болуп къалмадыгъыз, гьакъыкъатда бергенликде де биринчи болуп чыкъдыгъыз.

2 Коринфдегилеге 8:19

Ондан къайры да, бизин булан бармагъа ва садагъа акъчаланы етишдирмеге ону Исагъа иман салгъанланы жыйынлары сайлагъан. Шо къуллукъ этив Раббибизге макътавлукъ гелтире ва бизин кёмек этмеге гьазирлигибизни гёрсете.

2 Коринфдегилеге 8:23

Титни айтсакъ, о сизин арагъызда мени иш ёлдашым ва къурдашым. Бизин оьзге иман къардашларыбыз да – Исагъа иман салгъанланы Месигьни макътавлугъун гелтиреген жыйынларыны вакиллери.

2 Коринфдегилеге 8:4

Оьзлеге Аллагьны халкъына къуллукъ этме рагьму болсун деп, олар бизге ялбарып тилей эдилер.

2 Коринфдегилеге 9:5

Мен иман къардашларыбызгъа, эртерек сизин яныгъызгъа гелип, сиз онгаргъан савгъатны алданокъ онгарсын деп тилеме токъташдым. Шо заман о макюр ёл булан тюгюл, гертиден де гёнгюллю кюйде этилген болажакъ.

Филиппадагъылагъа 4:18

Эпафродитден таба сиз магъа тарыгъындан да артыкъ зат йиберип гелдигиз ва гьали мени бары да затым бар. Бу буса Аллагь рази къалагъан ва къабул этеген бир арив ийисли къурбан йимикдир.

1 Петер 4:10

Аллагь берген савгъатны гьар биригиз башгъагъа къуллукъ этмек учун тийишли кюйде пайдаландырыгъыз.