2 Коринфдегилеге 7:15 - Сыйлы Китап Янгы Разилешивню

¹⁵ Гьали буса Тит оьзюне сиз тынглайгъан кююгюзню, нечик сиз оьзюн къоркъа, къартыллай туруп къабул этгенигизни эсге алагъанда, о гьакъ юрекден сизин яныгъызгъа багъып талпына.

2 Коринфдегилеге 7:15 ပူးပေါင်းရင်းမြစ်များ

Югьан 16:21

Заманы етип, къатынгиши яш табагъанда азап чеге. Амма яш тувгъан сонг, дюньягъа янгы адам тувуп гелди деп сююнюп, о чекген азабын унута.

Элчилер 16:29

Ярыкъ гелтиртип, туснакъчы ичине гире, къоркъмакълыкъдан къартыллай туруп, Павел булан Силаны алдына гелип, ер бавурлап ята.

1 Коринфдегилеге 2:3

Гелегенде де, мен гючсюзлюкде, къоркъув булан ва бек титирей туруп гелдим.

2 Коринфдегилеге 2:9

Сиз бары да затларда тынглавлу болурмусуз – мен сизге шону сынап къарамакъ учун яздым.

2 Коринфдегилеге 6:12

Биз чи сизин шолай сюебиз, амма сиз бизге юреклеригизни ачмайсыз.

Эфесдегилеге 6:5

Гьей къуллар, Месигьге нечик таби болажакъ эдигиз буса, сизин бу дюньядагъы есилеригизге де гьакъ юрекден, гьюрмет булан ва къоркъув булан таби болугъуз.

Филиппадагъылагъа 1:8

Сизин барыгъызны да мен Иса Месигьге хас болгъан сююв булан сюегениме ва гёрме гьасиретлигиме Аллагь шагьатдыр.

Филиппадагъылагъа 2:12

Шо саялы, сююмлю къурдашларым, мен арагъызда тургъан заманда сиз тынглавлу эдигиз, мен ёкъда буса дагъы да артыкъ кюйде тынглавлусуз. Шолай болгъанда, оьзюгюзню къутгъарылывугъузну ахырына чыкъмакъ учун, бар ёкъ гьюрмет ва къоркъув булан загьмат тёгювюгюзню узатыгъыз.

Колосдагъылагъа 3:12

Сиз Аллагьны халкъысыз. О сизин кёп сююп сайлады. Шогъар гёре рагьмуну, языкъсынывну, саламатлыкъны, инсанлар булангъы аралыкъда илиякълылыкъны, сабурлукъну опуракълардай этип гийигиз.

2 Салоникдегилеге 3:14

Бу кагъызыбызда биз береген насигьатлагъа гёре юрюмейгенге айрыча тергев берип къарагъыз. Шолай адам булан къатнашмагъыз, о оьзюню юрюшюнден оьзю илыгъагъан болсун.

1 Югьан 3:17

Эгер дюньяда мадарлы яшайгъан бирев, иман къардашыны тарчыкълыкъда экенин гёрюп, огъар рагьму этмей буса, Аллагьны сюювю онда нечик яшасын?