2 Коринфдегилеге 5:8 - Сыйлы Китап Янгы Разилешивню

⁸ Шо саялы биз даим хошлубуз ва, къаркъараларыбыздан чыгъып, Раббибиз булан бирче даимлик уьюбюзде яшамакъны яхшы гёребиз.

2 Коринфдегилеге 5:8 ပူးပေါင်းရင်းမြစ်များ

Маттай 25:21

Еси де огъар: «Яхшы, мени яхшы, инамлы къулум! Сен аз ишде магъа гьалал болдунг, мен де сагъа дагъы да уллу ишлер тапшурарман. Гел, есингни шатлыгъына ортакъчы бол», – дей.

Маттай 25:23

Еси де огъар: «Яхшы, мени яхшы, инамлы къулум! Сен аз ишде магъа гьалал болдунг, мен де сагъа дагъы да уллу иш тапшуруп болурман. Гел, есингни шатлыгъына ортакъчы бол», – дей.

Лукъа 2:29

– Я Раббим, Сен сёз бергенинг йимик, Сен къулунгну гьали парахатлыкъда бу дюньядан гетмеге де къоярсан,

Югьан 12:26

Ким Магъа къуллукъ этме сюе буса, артыма тюшсюн! Мен къайда болсам, къуллукъчум да шонда болар. Ким Магъа къуллукъ этсе, Атам да огъар гьюрмет этер.

Югьан 14:3

Онда гелгенде, Мен сизин учун ер гьазирлермен, сонг къайтып гелермен. Сиз де Мен бар ерде болсун учун, сизин де Оьзюм булан алып барарман.

Югьан 17:24

Атам! Сен Магъа аманат этгенлеринг Мен болажакъ ерде, Мени булан бирге болгъанны, Сен Магъа берген макътавлукъну олар да гёргенни сюемен. Сен Магъа шо макътавлукъну бердинг, неге тюгюл Мени дюнья яралгъанчадан да алда сюе эдинг.

Элчилер 21:13

Шо заман Павел: – Сиз этеген недир? Неге йылайсыз, неге юрегимни сыныкъдырасыз? Мен Ерусалимге барып, байланмагъа чы нечик де, Раббибиз Исаны аты учун гьатта онда оьлмеге де гьазирмен, – деп жавап берди.

2 Коринфдегилеге 5:6

Шо саялы биз даим хошлубуз, дюньядагъы къаркъарабызда яшап турагъан чакъы, Раббибизден йыракъда экенибизни билебиз.

2 Коринфдегилеге 5:9

Биз Ону булан бусакъ да яда дюньядагъы къаркъарабызда яшап тура бусакъ да, бары да затдан артыкъ Огъар ярама сюебиз.

1 Югьан 3:2

Сююмлю къардашларым! Биз гьали Аллагьны авлетлерибиз, амма гележекде дагъы да ким болажагъыбыз гьали де белгили тюгюл. Иса янгыдан гёрюнген заманда буса, Огъар ошажагъыбызны билебиз. Неге тюгюл де, Ону бар болгъан кююнде гёрежекбиз!

Вагьий 22:3

Шагьарда гьеч бир налатлы зат болмажакъ. Аллагьны ва Къозуну тахы шагьарны ичинде болажакъ ва Ону къуллукъчулары Огъар къуллукъ этежек.