2 Коринфдегилеге 5:6 - Сыйлы Китап Янгы Разилешивню

⁶ Шо саялы биз даим хошлубуз, дюньядагъы къаркъарабызда яшап турагъан чакъы, Раббибизден йыракъда экенибизни билебиз.

2 Коринфдегилеге 5:6 ပူးပေါင်းရင်းမြစ်များ

2 Коринфдегилеге 5:1

Биз шу затны билебиз: бизин дюньядагъы уьюбюз, демек къаркъарабыз бузулгъанда, кёклерде башгъа уьюбюз, демек даимлик къаркъарабыз болажакъ. Шо уьйню инсанлар къурмагъан, Аллагь къургъан.

2 Коринфдегилеге 5:8

Шо саялы биз даим хошлубуз ва, къаркъараларыбыздан чыгъып, Раббибиз булан бирче даимлик уьюбюзде яшамакъны яхшы гёребиз.

Ягьудилеге 10:35

Къоччакълыгъыгъызны тас этмей туругъуз чу, о зор уллу савгъат гелтирер.

Ягьудилеге 11:13

Бу адамлар оьзлеге Аллагь ваъда этген затланы алмайлы, тек иманын сакълап оьлюп гетдилер. Аллагь ваъда этген затланы олар яшавгъа чыгъып битгенче де, алдын къарап гёрдюлер ва олардан къувандылар. Олар бу дюньяда янгыз ёлавчулар ва къонакълар экенин къабул гёрдюлер.

Ягьудилеге 13:14

Бизин мунда оьзюбюз даим яшап болар йимик шагьарыбыз ёкъ чу дагъы, амма биз гележекдеги шагьарны къаравуллайбыз.

1 Петер 5:1

Демек, мен арагъыздан Исагъа иман салгъанланы жыйыныны ёлбашчыларына сёйлеймен. Мен де шолай ёлбашчыман, Месигьни азапларыны шагьатыман ва Ону ачыкъ болажакъ макътавлугъуна ортакъчы болажакъман.

Вагьий 1:9

Мен сизин иман къардашыгъыз Югьанман. Исаны якъчыларыны бири гьисапда сизин булан бирче азап чегивде, сабурлукъда ва Исаны гьакимлигини тюбюнде ортакъчы болгъанман. Аллагьны каламыны ва Исаны гьакъында шагьатлыкъ этгеним учун, Патмос деген атавда сюргюнде турдум.