2 Коринфдегилеге 5:13 - Сыйлы Китап Янгы Разилешивню

¹³ Эгер гьакъылдан тайышгъан бусакъ – Аллагь учундур, сав гьакъыллы бусакъ – сизин учундур.

2 Коринфдегилеге 5:13 ပူးပေါင်းရင်းမြစ်များ

Марк 3:21

Исаны къардашлары шону эшитген заманда, Ону алмагъа геле, неге тюгюл: «О гьакъылдан тайышгъан», – дей болгъанлар.

Румдагъылагъа 12:3

Магъа берилген рагьмулу савгъатдан пайдаланып, сизин гьаригизге айтаман: оьзюгюзню гьакъыгъызда тийишлисинден артыкъ ойлашмагъыз; гьар кимге Аллагь берген имангъа гёре сав гьакъыллы кюйде ойлашыгъыз.

2 Коринфдегилеге 11:1

Сиз мени бираз гьайгевлюгюме сабурлукъ этме гьазирсиз ва биразгъа чыдарсыз деп умут этемен.

2 Коринфдегилеге 12:11

Мен гьайгевлюк этдим, амма мени шолай этмеге сиз борчлу этдигиз. Мени сиз оьзюгюз макътамагъа герек эдигиз, неге тюгюл мен бир зат да тюгюл бусам да, мен шо «уллу элчилерден» гьеч яман тюгюлмен чи.

2 Коринфдегилеге 12:6

Гьатта мен макътанмагъа сюйсем де, гьайгев йимик сёйлемес эдим, неге тюгюл мен гьакъ затны айтарман. Тек биригиз де менден эшитгенигизден яда мени этегенимден бир де артыкъ ойлашмасын учун, мен шону этмесмен.

2 Коринфдегилеге 7:12

Мен сизге шо кагъызны язгъан бусам да, яман иш этген гиши учун яда оьзюне яманлыкъ этилген гиши учун язмагъан эдим. Сиз бизин гьайыбызны этегенигизни Аллагьны алдында англагъаныгъызны сюе эдим.

Колосдагъылагъа 1:24

Магъа сизин учун азап чекмеге тюшгенге мен сююнемен. Месигьни къаркъарасы, демек Огъар иман салгъанланы жыйыны саялы азап чеге туруп, мен Ону къаркъарасы учун етишмейген затны толумлашдыраман.

1 Салоникдегилеге 1:5

Биз Исаны гьакъында билдиреген Сююнч Хабар сизге янгыз сёз булан етишмеди, бары къудрат, Аллагьны Ругьу ва гьакъ инамлыкъ булан да етишди. Сизин булан турагъанда, биз нечик яшагъаныбызны сиз билесиз. О сизин пайдагъыз учун эди.

2 Тимофейге 2:10

Шо саялы, Аллагь сайлагъанлар учун Иса Месигь береген къутгъарылывну ва даимлик макътавлукъну олар да алып болсун учун, мен бары да затгъа чыдап тураман.