2 Коринфдегилеге 3:1 - Сыйлы Китап Янгы Разилешивню

¹ Биз дагъы да оьзюбюзню оьзюбюз яхшы янындан танытмагъа сама къарамайбызмы? Бизин де, башгъаланы йимик – сизге болсун яда сизден болсун – ким экенибизни танытагъан кагъызлагъа къарагъан ерибиз бармы дагъы?

2 Коринфдегилеге 3:1 ပူးပေါင်းရင်းမြစ်များ

Элчилер 18:27

Аполлос Агьаягъа гетмеге сюйгенде, Исаны ондагъы якъчылары ону къабул этсинлер деп кагъыз язып, иман къардашлары ону ругьландыралар. Онда гелген заманда буса, Аллагьны рагьмусу булан Исагъа иман салгъанлагъа о кёп кёмек эте.

Румдагъылагъа 16:1

Исагъа иман салгъанланы Конхереядагъы жыйыныны кёмекчиси болгъан иман къызардашыбыз Фебаны сизге таныш этемен.

1 Коринфдегилеге 10:33

Мен бары да халкъгъа ярама къарайман, оьзюмню пайдама тюгюл, кёплер къутгъарылсын деп, олагъа пайдагъа айланаман.

1 Коринфдегилеге 16:3

Мен гелеген замангъа бир нече адамны айырыгъыз. Ерусалимдегилер билсин деп, мен шо адамлар кимлер экенни англатагъан кагъызлар язарман ва оланы жыйылгъан садагъа булан Ерусалимге йиберермен.

1 Коринфдегилеге 3:10

Аллагьны зор яхшылыгъы булан магъа берилген тапшурувгъа гёре, мен, гьакъыллы къурувчу этеген кюйде, бир башлап кюрчюсюн салдым, башгъасы шону уьстюнде къура. Амма гьариси бина нечик къурулагъанына тергев этме герек бола.

1 Коринфдегилеге 4:15

Месигьни ёлунда сизин минглер булан насигьатчыларыгъыз бар буса да, аталарыгъыз кёп тюгюл. Мен Иса Месигьни ёлунда Сююнч Хабарны кёмеги булан сизин атагъыз болдум.

2 Коринфдегилеге 10:12

Неге тюгюл де, биз оьзлени гёрсетип айланагъанлагъа ошама яда оьзюбюзню олар булан тенглешдирме болмайбыз. Олар оьзлеге оьзлени оьлчевлери булан янаша туруп ва оьзлени оьзлер булан тенглешдире туруп, англавсуз болуп чыгъа.

2 Коринфдегилеге 10:18

Неге тюгюл де, оьз оьзюн макътайгъан адам тюгюл, оьзюн Раббибиз макътайгъан адам разилик алыр.

2 Коринфдегилеге 10:8

Эгер де магъа гьакимлигибиз булан бираз макътанып йибермеге тюшсе де, мен бирдокъда илыкъмайман. Неге тюгюл де, бизге шо гьакимликни Раббибиз берген – сизин бузмакъ учунгъу тюгюл, беклешдирмек учунгъу гьакимликни.

2 Коринфдегилеге 12:11

Мен гьайгевлюк этдим, амма мени шолай этмеге сиз борчлу этдигиз. Мени сиз оьзюгюз макътамагъа герек эдигиз, неге тюгюл мен бир зат да тюгюл бусам да, мен шо «уллу элчилерден» гьеч яман тюгюлмен чи.

2 Коринфдегилеге 12:19

Балики, алдыгъызда оьзюбюзню токътавсуз якълайбыз деп ойлашасыздыр. Амма Аллагьны алдында сизге Месигь булан бирликде сёйлейбиз. Сююмлю къардашларыбыз, биз этеген чакъы бары да затыбыз сизин беклешдирмек учундур.

2 Коринфдегилеге 2:17

Бир кёплер йимик, биз Аллагьны каламын оьзюбюзню пайдабыз учун билдирип айланмайбыз чы. Биз Аллагь йиберген адамлар гьисапда, Месигь булан бирликде Ону алдында гьакъ герти затны сёйлейбиз.

2 Коринфдегилеге 5:12

Биз сизин алдыгъызда макътанмагъа къарамайбыз. Юрегини ичиндеги тюгюл, тышдан гёрюнеген затлары булан макътанмагъа къарайгъан бир тайпалагъа жавап берип болсун деп, сизге бизин булан макътанмагъа имканлыкъ беребиз.