2 Коринфдегилеге 11:7 - Сыйлы Китап Янгы Разилешивню

⁷ Балики де, мени гюнагьым, сизин оьр этмек учун, оьзюмню тёбен салгъанымдадыр ва сизге Аллагьны Сююнч Хабарын гьакъсыз билдиргенимдедир?

2 Коринфдегилеге 11:7 ပူးပေါင်းရင်းမြစ်များ

Элчилер 20:33

Мен гьеч биревню не гюмюшюне, не алтынына, неде опурагъына гёз салмадым.

Элчилер 20:34

Оьз гьажатларыма ва мени булангъыланы гьажатларына харжны мен бу къолларым булан къазангъанны сиз билесиз.

Румдагъылагъа 1:1

Иса Месигьни къуллукъчусу, элчи болма чакъырылгъан, Аллагьны Сююнч Хабарын билдирмек учун танглангъан мен Павелден саламлар!

1 Коринфдегилеге 9:12

Башгъаланы сизден кёмек алмагъа ихтияры бар буса, бизин шогъар дагъы да кёп ихтиярыбыз бар. Амма биз шо ихтиярдан пайдаланмадыкъ. Месигьни Сююнч Хабарын билдиривге пуршавлукъ болмасын деп, бары да затгъа чыдап турабыз.

1 Коринфдегилеге 9:6

Яшавлукъ учун ишлеп къазанмагъа янгыз мен де, Барнаба да герекбизми?

2 Коринфдегилеге 10:1

Мен, сизин булан болгъанда, тартынагъан ва сизден арекде болгъанда, тартынмайгъан Павел, Месигьникидей рагьму ва йымышакълыкъ булан сизге ялбараман.

2 Коринфдегилеге 10:16

Шо заман биз Сююнч Хабарны билдирмек учун, башгъа вилаятларда иш гёрежекбиз. Шоллукъда, биз оьзгелер оьзлени дазуларыны ичинде этген ишлери булан макътанмажакъбыз.

2 Коринфдегилеге 12:13

Исагъа иман салгъанланы башгъа жыйынлары булан тенглешдиргенде, сизге не зат аз тюшдю дагъы? Янгыз сизге намус салмагъаныммы? Шо саялы менден гечип къоюгъуз!

2 Коринфдегилеге 2:12

Месигьни гьакъындагъы Сююнч Хабарны билдирмек учун, мен Троадагъа гелген заманда, магъа Раббибизни иши учун ёл ачылды.

1 Салоникдегилеге 2:9

Къардашлар, биз нечик ишлегенибиз ва нечик загьмат тёкгенибиз сизин эсигиздедир. Сизин арагъызда Аллагьны Сююнч Хабарын билдире туруп, сизге гьеч бир намус да салмайбыз деп, биз гечеси гюню булан ишлеп турдукъ.

2 Салоникдегилеге 3:8

Гьеч биревню де гьавайын ашын ашамадыкъ ва биревге де намус салмайыкъ деп, гечесин гюнюн бир этип ишледик, загьмат тёкдюк.