2 Коринфдегилеге 10:13 - Сыйлы Китап Янгы Разилешивню

¹³ Биз буса тийишсиз даражада тюгюл, тийишли даражада макътанажакъбыз. Шо даража – Аллагьны бизге тапшургъан ишлерини дазулары. Шо дазуланы ичине сизин арагъызда этген ишлерибиз де гире.

2 Коринфдегилеге 10:13 ပူးပေါင်းရင်းမြစ်များ

Маттай 25:15

Шо гиши, къулларыны гьарисини бажарывлугъуна гёре, бирине беш минг, башгъасына эки минг, оьзгесине де минг алтын акъча да берип, оьзю ёлгъа чыгъа.

Румдагъылагъа 10:18

Амма мен: «Олар эшитмедими дагъы?» – деп сорайман. Озокъда, эшитдилер! Сыйлы Язывларда язылгъан кюйде: Оланы сеси бютюн ер юзюне ва сёзлери де дюньяны бир къырыйына етишди.

Румдагъылагъа 12:3

Магъа берилген рагьмулу савгъатдан пайдаланып, сизин гьаригизге айтаман: оьзюгюзню гьакъыгъызда тийишлисинден артыкъ ойлашмагъыз; гьар кимге Аллагь берген имангъа гёре сав гьакъыллы кюйде ойлашыгъыз.

Румдагъылагъа 12:6

Бизге берилген рагьмугъа гёре гьарибизни савгъатларыбыз да башгъа башгъа. Аллагьны атындан сёйлемеге савгъаты булангъылар – иманыны оьлчевюне гёре Аллагьны атындан сёйлесинлер.

Румдагъылагъа 15:20

Мен башгъа биревню кюрчюсюню уьстюнде бина къурмайым деп айтып, Исаны аты гьали де белгили болуп битмеген ерлерде Сююнч Хабарны билдирмеге айландым.

1 Коринфдегилеге 12:11

Буланы барын да Аллагьны биргине бир Ругьу эте ва гьар кимге сюйген кюйде пайлап бере.

Эфесдегилеге 4:7

Бизин гьарибизге Месигьни чомартлыгъына къыйышывлу болуп савгъат берилди.

1 Петер 4:10

Аллагь берген савгъатны гьар биригиз башгъагъа къуллукъ этмек учун тийишли кюйде пайдаландырыгъыз.