2 Коринфдегилеге 1:1 - Сыйлы Китап Янгы Разилешивню

¹ Аллагь буюруп, Иса Месигьни элчиси болгъан мен Павелден ва иман къардашыбыз Тимофейден Исагъа иман салгъанланы Коринфдеги жыйынына ва Аллагьны Агьая вилаятдагъы бары да халкъына салам!

2 Коринфдегилеге 1:1 ပူးပေါင်းရင်းမြစ်များ

Элчилер 16:1

Павел Дербеге, сонг ондан Листрагъа геле. Мунда Исаны Тимофей деген бир якъчысы болгъан. Ону анасы Исагъа иман салгъан ягьуди къатын, атасы буса грек болгъан.

Румдагъылагъа 15:26

Македониядагъы ва Агьаядагъы иманлыланы жыйынлары, Ерусалимде яшайгъан Аллагьны халкъыны тарчыкъ гьалына болушлукъ этмек учун, садагъалар онгармагъа токъташдылар.

Румдагъылагъа 16:21

Ёлдашым Тимофей ва мени тувма къардашларым Сосыпатыр, Лукий, Ясон сизге саламлар йиберелер.

Румдагъылагъа 16:5

Оланы уьюнде жыйылагъан иман къардашларыбызгъа да салам айтыгъыз. Асияда биринчилей болуп Исагъа иман салгъан сююмлю Эпенетге де салам айтыгъыз.

1 Коринфдегилеге 10:32

Не ягьудилени, не ят халкъланы, неде Исагъа иман салгъанланы гюнагь иш этивюне себепчи болмагъыз.

1 Коринфдегилеге 16:10

Эгер Тимофей сизин яныгъызгъа гелсе, сизин арагъызда огъар парахат ва къоркъунчсуз болсун учун, тергев этигиз. Мени йимик, о да Раббибизни ишин кюте.

1 Коринфдегилеге 16:15

Стефанасны ва ону уьюндегилерин сиз таныйсыз. Олар Агьаяда башлап Исагъа иман салгъанны ва оьзлени Аллагьны халкъына къуллукъ этивге багъышлагъанны да сиз билесиз. Мен сиз оьзюгюз шолай адамлагъа ва Аллагьгъа къуллукъ этип загьмат тёгеген гьар биревге таби болгъаныгъызны сюемен.

1 Коринфдегилеге 16:24

Мени сюювюм де Иса Месигь булан бирликде сизин булан болсун.

1 Коринфдегилеге 6:11

Сизин бирлеригиз де шо журадан эди. Амма сиз гюнагьлардан чайылдыгъыз, юреклеригиз тазаланды, Аллагь Раббибиз Иса Месигьни аты булан, Оьзюню Ругьундан таба сизин къабул этди.

2 Коринфдегилеге 1:19

Мен, Сила ва Тимофей сизин арагъызда билдирип тургъан Аллагьны Уланы Иса Месигьге бакъгъан якъда гьеч бир мекенсизлик ёкъ. Месигьде янгыз «дюр» деген зат бар.

2 Коринфдегилеге 1:23

Мен Коринфге гьали болгъунча гелмегеним янгыз сизин къызгъанагъаным саялы. Шогъар шагьатлыкъгъа мен Аллагьны чакъыраман ва жаным булан ант этемен.

2 Коринфдегилеге 11:10

Шону булан болагъан оьктемлигимни де – менде яшайгъан Месигьни гьакъ гертилиги булан инандырып айтаман – сав Агьаяда бирев де чыгъарып алмажакъ!

2 Коринфдегилеге 9:2

Кёмек этме сиз гьазир экенни мен билемен ва македониялыланы янында сизин булан макътанма да макътанаман. Агьаядагъылар шолай кёмек этмеге гетген йылокъ гьазир болгъанны ва сизин гьаракатыгъыз оланы да иш гёрмеге борчлу этгенни айтдым.

Галатиядагъылагъа 1:1

Инсанланы ихтияры булан тюгюл, бирев себепли болуп да тюгюл, Иса Месигьден ва Ону оьлюмден тирилтген Атабыз Аллагь йиберип элчи болгъан Павелден

Галатиядагъылагъа 3:26

Иса Месигьге иман салмакълыгъыгъыз булан сиз Аллагьны авлетлери болдугъуз.

Эфесдегилеге 1:1

Бу кагъызны Аллагьны буйругъу булан Иса Месигьни элчиси болгъан мен, Павел, язаман. Эфесде Иса Месигьге амин болгъан Аллагьны халкъына салам!

Филиппадагъылагъа 1:1

Иса Месигьни къуллукъчулары болгъан биз Павелден ва Тимофейден Иса Месигьге иман салгъанланы жыйыныны башчылары ва кёмекчилери булан бирче Ону Филиппадагъы бары да халкъына салам!

1 Салоникдегилеге 1:1

Павелден, Силадан ва Тимофейден Исагъа иман салгъанланы Салоник шагьардагъы жыйынына салам! Атабыз Аллагьдан ва Раббибиз Иса Месигьден сизге рагьму ва парахатлыкъ болсун!

1 Салоникдегилеге 3:2

Иман къардашыбыз ва Месигьни Сююнч Хабарын билдиреген Аллагьны къуллукъчусу болгъан ёлдашыбыз Тимофейни сизин яныгъызгъа йибердик. Гьызарлавлар саялы сизин биригиз де бюдюремесин учун, иманыгъызда сизин ругьландырсын ва беклешдирсин учун, ону йибердик. Неге тюгюл де, биз, Исагъа иман салгъанланы барыбыз да, гьызарлавлагъа тюшмеге деп алданокъ белгиленгенни сиз билесиз.

2 Салоникдегилеге 1:1

Павелден, Силадан ва Тимофейден Атабыз Аллагьны ва Раббибиз Иса Месигьни Салоник шагьардагъы иманлыларыны жыйынына салам!

1 Тимофейге 1:1

Бу кагъызны мен, Иса Месигьни элчиси болгъан Павел, язаман. Мен Къутгъарывчубуз Аллагьны ва умутубуз болгъан Иса Месигьни буйругъу булан тангландым.

2 Тимофейге 1:1

Бу кагъызны мен, Аллагьны буйругъу булан Иса Месигьни элчиси болгъан Павел, язаман. Исагъа иман салмакъ булан Аллагь ваъда этген даимлик яшавну билдирмеге йиберилгенмен мен.

Титге 1:1

Аллагьны къуллукъчусу ва Иса Месигьни элчиси болгъан мен Павелден саламлар! Аллагь мени Оьзю сайлагъанланы имангъа ва гьакъ гертиликге гелтирмек учун йиберген. Шо гьакъ гертилик буса Аллагь сюеген ёлда юрюмек булан байлавлу ва

Филимонгъа 1:1

Иса Месигьге къуллукъ этегеним саялы туснакъдагъы мен Павелден ва иман къардашыбыз Тимофейден иман ёлундагъы сююмлю иш ёлдашыбыз Филимонгъа,

Ягьудилеге 13:23

Иман къардашыбыз Тимофей туснакъдан азат этилгенни билгенигизни сюемен. Ювукъда о мунда гелсе, ону булан бирче сизин гёрмеге гелермен.