1 Югьан 4:20 - Сыйлы Китап Янгы Разилешивню

²⁰ Ким: «Мен Аллагьны сюемен», – деп де айтып, иман къардашын гёрюп ярамай буса, о ялгъанчыдыр. Гёрюнюп турагъан иман къардашын сюймейген Оьзюн гёрюп болмайгъан Аллагьны нечик сююп бола?

1 Югьан 4:20 ပူးပေါင်းရင်းမြစ်များ

Югьан 13:35

Эгер сиз бир биригизни сюйсегиз, сиз Мени якъчыларым экенни гьар ким билежек.

1 Петер 1:8

Сиз Исаны гёрмесегиз де, Ону сюесиз. Сиз Ону гёрмеге болмасагъыз да, Огъар иман саласыз. Сиз айтып болмас даражадагъы ва артыкъ макътавлу сююнч булан къуванасыз, неге тюгюл де иманыгъызны мурады болгъан къутгъарылывугъузгъа етише турасыз.

1 Югьан 1:6

Эгер биз Аллагь булан къатнашабыз деп айтып, оьзюбюз къарангылыкъда юрюй бусакъ, биз ялгъан айтабыз ва гьакъ гертиликге гёре яшамайбыз.

1 Югьан 1:8

Эгер биз гюнагьлы тюгюлбюз деп айта бусакъ, оьз оьзюбюзню алдатабыз ва бизде гьакъ гертилик ёкъ.

1 Югьан 2:11

Амма иман къардашын гёрюп ярамайгъан гиши къарангылыкъда яшай ва къарангылыкъда юрюй. О къайда барагъанын билмей, неге тюгюл къарангылыкъ ону гёзлерин сокъур этген.

1 Югьан 2:4

«Мен Ону таныйман», – деп де айтып, Ону буйрукъларын кютмейген гиши – ялгъанчы ва онда гьакъ гертилик ёкъ.

1 Югьан 2:9

«Нюрде яшайман», – деп де айтып, оьзюню иман къардашын гёрюп ярамайгъан гиши гьали де къарангылыкъда яшайдыр.

1 Югьан 3:17

Эгер дюньяда мадарлы яшайгъан бирев, иман къардашыны тарчыкълыкъда экенин гёрюп, огъар рагьму этмей буса, Аллагьны сюювю онда нечик яшасын?

1 Югьан 4:12

Аллагьны бирев де бир заманда да гёрмеген. Эгер биз бир бирибизни сюе бусакъ, Аллагь бизин булан бирликде яшар ва Ону сюювю юрегибизде камил болур.