1 Петер 5:14 - Сыйлы Китап Янгы Разилешивню

¹⁴ Бир биригиз булан къардашлар йимик къысып къучакълашып саламлашыгъыз. Сизге, Месигьники болгъан барыгъызгъа да, парахатлыкъ болсун.

1 Петер 5:14 ပူးပေါင်းရင်းမြစ်များ

Маттай 5:47

Сиз янгыз къардашларыгъызгъа илиякълы бола бусагъыз, онда башгъа тамаша къалдырардай не зат бар дагъы? Имансызлар да шолай этмейми дагъы?

Югьан 14:27

Мен сизге парахатлыкъ къоюп гетемен. Парахатлыгъымны сизге беремен. Мен сизге дюнья берегени йимик парахатлыкъ бермеймен. Юреклеригизден гьалекликни тайдырыгъыз! Тартынмагъыз ва къоркъмагъыз!

Югьан 16:33

Буланы сизге Мени булан биригип парахатлыгъыгъыз болсун деп айтаман. Бу дюньяда сиз азап чегежексиз. Къатып туругъуз! Бу дюньядан Мен уьстюн гелдим! – деп жавап бере Иса.

Югьан 20:19

Шо къаттыгюн ахшам, Оьзюню якъчылары жыйылагъан уьйню эшиклери ягьудилени башчыларындан къоркъуп бегитилген заманда, Иса гелип, орталыкъда да токътап, олагъа: – Уьюгюзге яхшылыкъ! – дей.

Югьан 20:26

Сегиз гюнден сонг Исаны якъчылары дагъы да уьйде бирче болалар. Бу гезик Тома да олар булан бола. Эшиклер бегилген. Иса гелип, орталыкъда эретуруп: – Уьюгюзге яхшылыкъ! – дей.

Румдагъылагъа 1:7

Мен, Павел, сизге, Румдагъылагъа барыгъызгъа да, оьзлени Аллагь сюеген ва Оьзюню халкъы болма деп чакъыргъанлагъа, язаман. Атабыз Аллагьдан ва Раббибиз Иса Месигьден сизге рагьму ва парахатлыкъ болсун.

Румдагъылагъа 16:16

Бир биригиз булан къардашлар йимик къысып къучакълашып саламлашыгъыз. Исагъа иман салгъанланы бары да жыйынлары сизге саламлар йибере.

Румдагъылагъа 8:1

Шогъар гёре Иса Месигьге иман салгъанлагъа гьеч бир айыплайгъан дуван этилмес.

1 Коринфдегилеге 1:30

Аллагь чы сизин Иса Месигь булан бирикдирип къойду! Аллагь Исаны бизин гьакъыллылыгъыбыз этди. Исадан таба юреклерибиз тазаланды, муъмин болдукъ ва азат этилдик.

1 Коринфдегилеге 16:20

Мундагъы бары да иман къардашларыбыздан да сизге саламлар бар. Бир биригиз булан къардашлар йимик къысып къучакълашып саламлашыгъыз.

2 Коринфдегилеге 13:12

Бир биригиз булан къардашлар йимик къысып къучакълашып саламлашыгъыз. Аллагьны бары да халкъы сизге саламлар йибере.

2 Коринфдегилеге 5:17

Шо саялы ким Месигьге иман салгъан буса, о янгы яратывдур. Эсги затлар битди, бары да зат янгыртылды!

Эфесдегилеге 6:23

Атабыз Аллагьдан ва Раббибиз Иса Месигьден иман къардашлагъа парахатлыкъ, сююв ва иман болсун дагъы.

1 Салоникдегилеге 5:26

Бары да иман къардашларыбызгъа къысып къучакълап салам айтыгъыз.

1 Петер 1:2

Атабыз Аллагьны алданокъ токъташдыргъанына гёре, сиз Иса Месигьге тынгламакъ ва гюнагьларыгъыздан Ону къанындан таба чайылмакъ учун, Аллагьны Ругьу булан юреклеригиз де тазаланып сайландыгъыз. Сизге Аллагьны рагьмусу ва парахатлыгъы артсын!

3 Югьан 1:14

Ювукъ заманны ичинде сени гёрмеге ва сени булан бетге бет сёйлемеге умут этемен.