1 Коринфдегилеге 13:13 - Сыйлы Китап Янгы Разилешивню

¹³ Шолайлыкъда, уьч зат къала: иман, умут, сююв. Буланы да барындан да уллусу сююв.

1 Коринфдегилеге 13:13 ပူးပေါင်းရင်းမြစ်များ

Лукъа 10:27

– «Раббинг Аллагьны бютюн юрегинг булан, бютюн жанынг булан, бютюн гючюнг булан ва бютюн гьакъылынг булан сюй» ва «ювугъунгну оьзюнгню йимик сюй», – дей о.

Лукъа 22:32

Тек сен имандан айрылмасын деп, Мен сени учун дуа этгенмен. Сен де, бир заман Магъа къайтып иман салып, иман къардашларынга къуват берерсен, – дей.

Румдагъылагъа 15:13

Аллагьны Ругьуну къудраты булан умутугъуз токътавсуз артсын учун, умут береген Аллагь иманыгъыздан таба сизин яшавугъузну сююнчден ва парахатлыкъдан толтурсун дагъы.

1 Коринфдегилеге 14:1

Сюювню ёлу булан юрюгюз. Аллагьны Ругьуну савгъатларын, айрокъда Аллагьны атындан сёйлемеге савгъатны алмагъа къасткъылыгъыз.

1 Коринфдегилеге 16:14

Этеген бары да затыгъызны сююв булан этигиз.

1 Коринфдегилеге 3:14

Кимни къургъан бинасы сынавдан оьтсе, шону къургъан адам алапа алажакъ.

1 Коринфдегилеге 8:1

Гьали ялгъан аллагьлагъа къурбан этилеген этлени гьакъында «барыбызны да билимибиз барны» биз билебиз. Билим инсанланы оьктемлигинден шишип айланма борчлу эте, сююв буса инсанланы къурашдыра.

1 Коринфдегилеге 8:3

Амма Аллагь Оьзюн сюеген гишини таный.

2 Коринфдегилеге 5:10

Неге тюгюл де, бизге барыбызгъа да Месигьни алдында дуванда токътамагъа тюшежек. Шо заман гьариси бу дюньядагъы къаркъараны ичинде яшагъанда этген яхшы ва яман ишлери учун тийишлисин алажакъ.

2 Коринфдегилеге 5:15

Яшайгъанлар оьзлер саялы тюгюл, оьлген ва оьлюмден тирилген Месигь саялы яшасын учун, Месигь бары да инсанлар учун оьлдю.

Галатиядагъылагъа 5:6

Биз Иса Месигь булан бир бусакъ, не сюннет этмекликни, неде сюннет этмей къоймакълыкъны гьеч башгъалыгъы ёкъдур. Бары да затдан аслусу – сююп этилеген ишлеринде гёрюнеген имандыр.

Филиппадагъылагъа 1:9

Гертиден де агьамиятлы затны сайлап болсун учун, билимигиз ва англавугъуз булан сизин сюювюгюз даим де арта турсун деп мен дуа этемен. Шо заман, Месигь къайтып гележек гюн, сиз таза ва айыпсыз болажакъсыз.

Колосдагъылагъа 1:27

Аллагь шо сырны бары байлыгъын ва макътавлугъун бары да халкъланы арасында ачыкъ этмеге сюйдю. Сыр буса Месигь сизин ичигизде яшайгъанлыкъдадыр ва Оьзюню макътавлугъуна сизин де ортакъчы этеген умутугъуз болуп токътайгъанлыкъдадыр.

Колосдагъылагъа 1:5

Неге тюгюл де, умут этеген затыгъыз сизин кёклерде къаравуллап тура. Сиз о гьакъда алда сизге етишген гьакъ гертиликни сёзюнде – Сююнч Хабарда – эшитген эдигиз. Сиз Сююнч Хабарны эшитген ва Аллагьны зор яхшылыгъы гьакъында гертиден де англагъан гюнден берли, сизин арагъызда болгъанда йимик, бютюн дюньяда Сююнч Хабар яхшы натижа гелтирип ва яйылып тербей.

Колосдагъылагъа 3:14

Шо «опуракъланы» уьстюнден бары да затны камиллешдирип бирлешдиреген сюювню де гийигиз.

1 Салоникдегилеге 1:3

Гьар заман Атабыз Аллагьгъа дуа этегенде, сиз гьар затны иманыгъыз ва сюювюгюз булан этегенни эсде сакълайбыз. Раббибиз Иса Месигьге сабурлукъ булан умут этегенигизни билебиз.

1 Салоникдегилеге 5:8

Биз гюндюзнюкилербиз, шо саялы, гелигиз, айыкъ кюйде турайыкъ, уьстюбюзге, гюбе гиегенде йимик, сюювню ва иманны гиейик, башыбызгъа да, темир башлыгъын гиегенде йимик, къутгъарылажагъыбызны умутун гиейик.

1 Тимофейге 1:5

Таза юрекден гелеген сююв, герти намус ва гьакъ юрекли иман – бу буйрукъну мурады.

2 Тимофейге 1:7

Аллагь бизге къоркъувну Ругьун бермеди, къудратны, сюювню ва оьзюбюзню елеп болувну Ругьун берди.

Ягьудилеге 10:35

Къоччакълыгъыгъызны тас этмей туругъуз чу, о зор уллу савгъат гелтирер.

Ягьудилеге 10:39

Амма биз иманны ёлундан тайышып ёкъ этилегенлерден тюгюлбюз, биз жаныбызны къутгъарылывгъа элтеген иманны ёлунда юрюйбюз.

Ягьудилеге 6:11

Сизин умутугъуз яшавгъа чыкъсын деп, ахыргъа ерли де сиз шолай къастлы гьаракат гёрсетгенигизни сюебиз.

Ягьудилеге 6:19

Шо умут жаныбызгъа къатты ва мекенли лабардай бола. Шо умут Инг Сыйлы Ерни ичиндеги пердевню артына гирип гете. Шонда Иса биз саялы, бизге ёл гёрсетип, башлап гирди. О даимге Мелгьиседекни даражасындагъы Баш дин къуллукъчу болуп токътады.

1 Петер 1:21

Сиз Месигьни оьлюмден тирилтген ва Ону макътавлу этген Аллагьгъа Ондан таба иман салдыгъыз. Шогъар гёре сизин иманыгъыз ва умутугъуз Аллагь булан байлавлу.

1 Югьан 2:10

Иман къардашын сюеген гиши нюрде яшай ва ону яшавунда гюнагь иш этер йимик ёлгъа тюшюреген бир зат да болмай.

1 Югьан 2:14

Сизге язаман, яшлар, неге тюгюл сиз Атабызны таныйсыз. Сизге язаман, аталар, неге тюгюл сиз башдан берли Болгъанны таныйсыз. Сизге язаман, жагьиллер, неге тюгюл сиз гючлюсюз ва Аллагьны каламы ичигизде яшай. Сиз иблисден уьст гелгенсиз.

1 Югьан 2:24

Башдан берли эшитген затлагъа амин болугъуз. Шолай этсегиз, Уланы ва Атасы булан бирликде яшарсыз.

1 Югьан 3:3

Ким Исагъа бакъгъан якъдагъы шо умутну уьзмесе, Ону йимик шолай тазаланып яшап къалажакъ.

1 Югьан 3:9

Аллагьны авлети болгъан гиши гюнагь иш этивюн узатып турмай. Неге тюгюл де, Аллагь Оьзюню барлыгъы булан ону юрегинде яшай. Аллагьны авлети болгъаны саялы, о гюнагь иш этивюн узатып турмай.