1 Коринфдегилеге 11:32 - Сыйлы Китап Янгы Разилешивню

³² Амма Раббибиз бизге дуван эте туруп, О бизин тюз ёлгъа сала. Шо заман къыяматгюн башгъалар булан бирче бизге дуван этилмес.

1 Коринфдегилеге 11:32 ပူးပေါင်းရင်းမြစ်များ

Румдагъылагъа 3:19

Бири де оьзлер оьзлени якълап болмасын учун ва бютюн дюнья Аллагьны алдында жаваплы болсун учун, бу ерде Къанун айтагъан бары да зат шо Къанунгъа таби болагъанлагъа тиегенни биз билебиз.

Румдагъылагъа 5:16

Аллагьны савгъаты бир адамны гюнагьыны натижасы йимик тюгюл. Шо гюнагьдан сонг бары да адамлар Аллагьны алдында гюнагьлы болуп токътады. Амма шо савгъат буса кёп гюнагьдан сонг Аллагь адамланы гюнагьларын гечгенин токъташдырды.

1 Коринфдегилеге 1:20

Къайдадыр гьакъыллы? Къайдадыр алим? Къайдадыр бу девюрню ойчусу? Аллагь бу дюньяны гьакъыллылыгъыны бары авлиялыгъын аян этмедими дагъы?

1 Коринфдегилеге 1:21

Аллагьны гьакъыллылыгъыны себебинден дюнья оьзюню гьакъыллылыгъы булан Аллагьгъа тюшюнмеген. Шо саялы да Аллагь биз билдиреген уьйретивню «авлиялыгъына» инанагъанланы къутгъармакъ учун сайлагъан.

1 Коринфдегилеге 11:30

Шо себепден сизин арагъызда кюйсюзлер ва авруйгъанлар кёп, оьлегенлер де аз тюгюл.

1 Коринфдегилеге 11:31

Эгер биз оьз оьзюбюзге дуван эте эдик буса, Раббибиз бизге шолай дуван этмес эди.

1 Коринфдегилеге 11:33

Шолайлыкъда, къардашларым, Раббибизни алдында экмек бёлюв адатны кютме жыйылагъанда, бир биригизден алдынлыкъ этмеге къарамагъыз.

1 Тимофейге 1:20

Гьименей ва Искендер шолайлардан. Капирлигин къойдурмакъ учун, мен оланы иблисге тапшургъанман.

1 Югьан 5:19

Биз Аллагьныки экенибизни ва бютюн дюнья иблисни къолунда экенин билебиз.

Вагьий 3:19

Сюегенлеримни Мен такъсырлап тарбиялайман. Шогъар гёре гьаракатчылыкъ гёрсет ва товба эт.