Taitus 3:8 - UWONBƆR A GBƆNPƆŊ LIKƆƆNL

⁸ Tibɔr nan ye ibamɔn le. Le n ban ni li jɔɔ ti ki wɔɔn bi iyoo biɛn wee nin che ban ŋa Uwonbɔr yada-n n choo biba ki ta bi saŋi ki tun itoon ŋan. Ni ma ye nan ŋan ki jɔɔ tinyɔɔr ki sei uninfo biɛn.

Uwumbɔr aagbaŋ

⁸ Tibɔr ngbaan gbii la. M ban ke aa li tuk binib tibɔr ngbaan n‑yoonn mɔmɔk, aan binib bi gaa Uwumbɔr ki kii na aatafal li bi litunyaan ponn ni. Nimina le ŋan ki kpa tinyoor ki tii binib.

Taitus 3:8 ပူးပေါင်းရင်းမြစ်များ

Matiu 20:4

Le u bei bi ke, ‘Ni li chaa n kpaabin ki ta li kou, wee n yɔ ni nan kpaan ni.’

Jɔnn 12:44

Le Yisa tiɛn paab ke, “Uninfo ŋa min yada ke, waa ŋa n binba le yada, amaa u ŋa wan nan tunimin le yada.

Jɔnn 5:24

“N bei ni ibamɔn le, wan biɛn gbir n mɔleen wee ki ŋa Uwonbɔr wan nan tumin yada li kan limiɛfol lan kaa jɔɔ diɛm wee kaa li kpo; u lagir nkum bu ki kan limiɛfola.

Lituln 12:15

Le bi bei u ke, “A waar le.” Waah nan gbaa pag bi ke ni sin ye man nin, le bi ke, “Ni li ye u tinaaŋ le.”

Rom Yaab 4:5

Amaa, uninfo wan kaa nɔɔ itoon ŋan a tum bu, wee ki gaa Uwonbɔr wan che bipootondam kpann bibuchim jin nin, u yada nmɔn bu le Uwonbɔr ke u bɔr ŋan u buchin binbem bu.

2 Korenti 4:13

Ni sɔb Uwonbɔr a gbɔŋin ke, “N ŋa yadau; ni ma bu le n pag.” Kinaaŋ kiba nmɔn le ti mu ŋa yada le ki pag,

Efesusi 4:28

Wan nan ti su ke, ni kpaa talar le un jiɛn nnaayigim, amaa wee ki li tun na, ki ta u tɔɔl a nɔɔi ki li ŋaan nan ŋan na, wee ki li fir kan niba ki por sei bilanjiim.

1 Timoti 1:15

Ni niɛ nan ye ibamɔn le, ni kpaan nin bininfob n gaa ti nbamɔm: Masiya nan dan dulinya nan yaan ke u nan fee tibirdam le jaa, min le ye tibirdaan ki jon bi biɛn.

1 Timoti 2:8

N ban bijab kaah be nan yaan biɛn ndon bi kasi a nɔɔi ki miɛ Uwonbɔr, wee ni laa jɔɔ sufu fiiŋ bee limɔkpeli.

1 Timoti 5:10

wee bininfob nyi u nbamɔm u toon ŋan bu, ki ta jiin waah wubiri u buwaab man, nin waah tun jiininba a toon ki tenn biwonjiɛm man, nin waah gaan bicham u niin man, nin waah li tenn ban be limugilin literil lan, nin waah ta u ba ki sei itoon ŋan nin biɛn man.

2 Timoti 1:12

Ni ma che n ji fala ke maah ji man nan. Nin ni ma biɛn ni, ifa kaa jɔɔmi, nan bu-n n nyi wan wee n ŋa u yada-n, le n nyi ke u sin li guurim ki nan kpaa u jirin daal.

Taitus 1:9

Ki li ŋmag ibamɔn a bɔr tan wee bi nan wɔɔn win kenken, wee ki fir pɔɔg u kpiɛtiib a gbanann nin ibamɔn a wɔɔmin, wee ki fir nyaŋ ban biɛn kaa cheel tibɔŋann nmɔn nin.

Taitus 2:14

wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

Taitus 2:7

Nin niwann biɛn ni ŋaam limagil ki sei bi ki li tun nan ŋan na. A wɔɔm a poolin ke, a wɔɔn bi tininforin nin inunman na.

Taitus 3:1

Tiɛr bininfob nmɔn ke bi li nɔɔ biyudam nin bibɔrtiib a siim kaah wɔɔn man nin, ki li cheel bi mɔɔŋi, ki ŋa sili nin bin tun niwann nan ŋan biɛn,

Taitus 3:14

Ni kpaa le nin ti ninfob ntinn ki ta biba ki sei itoon ŋan a tum, ki ter bi lidaal biɛn baah ban nan, wee ki laa be nbinben man kaa jɔɔ tinyɔɔri.

Filemonn 1:11

N-yonn nba waa nan jɔɔ tinyɔɔr a ban ni, amaa daandaan nan u jɔɔ tinyɔɔr ki sei min nin fin biɛn.

Hiibru Yaab 10:24

Ni che ti baga li be taah li ŋa man ki li pɔɔgir ti kpiɛtiib a sufu, wee nin che ti fir wɔɔn ti jiɛm nin tab kaah ye man ki li tun itoon ŋan.

1 Piita 1:21

Uma bu le ni ŋa Uwonbɔr yada, wan nan fiin Yisa nkumin ki sei u kupag, mambu ni yada a ŋaam nin ni tama be Uwonbɔr ban le.