Taitus 3:7 - UWONBƆR A GBƆNPƆŊ LIKƆƆNL

⁷ U nyunyunbasanl bu le U ke tibɔr ŋan, ti na li ŋa Uwonbɔr a faajib ki jɔɔ limiɛfol lan kaa jɔɔ diɛmin a tama.

Uwumbɔr aagbaŋ

⁷ Waabulchinn pu le u len ke timi aabɔr ŋan, ki tii timi limakl ke ti ga kan limɔfal li kaa kpa ndoon na.

Taitus 3:7 ပူးပေါင်းရင်းမြစ်များ

Matiu 25:34

“Le ubɔrin na li bei ban si u nɔɔjiim paamin ke, ‘Ni dan, nim ban wee n Baa kaab tikaar ki jaa ni bu nan, ni gaam ni faal, nnaam man wee Uwonbɔr nan ŋa mi sili ki guu ni dulinya a piinimin ni.

Tibɔnyaan ti Mak ŋmee ti na 10:17

Yisa kaah nan nyan ni yaan ki chaa nmɔn, le uja uba guun kenn u ki gbaan u nintogil, le ki baan u ke, “Wan wɔɔn ŋan, n yin ŋa nii wee ki nan kan limiɛfol lan kaa jɔɔ ndiɛm aa?”

Rom Yaab 11:6

Ke ni ye U nyunyunbasanl bu le U gann bi ke, man ke naa ye baah tun nan bu; ni bi ye baah tun nan bu ke, U nyunyunbasanl nmɔn kaa ji bi yin ye linyunyunbasanli.

Rom Yaab 3:24

le Masiya daa ti ki che ti be ti wiib U nyunyunbasanlin bu ki ke tibɔr ŋan.

Rom Yaab 3:28

Ni ma bu tim le si le ke uninfosaal a yada le che u bɔr ŋan Uwonbɔr ban amaa naa ye waah ŋmag nsiimin bu.

Rom Yaab 4:16

Mambu Uwonbɔr a mɔsiinlin nɔɔ nin yada le, ki ye Uwonbɔr a nyunyunbasanl ki si guu Abiraham a yaabili biɛn, naa ye ban ŋmag nsiimin a binba, amaa ban jɔɔ Abiraham a yada-n. U ma ye ti biɛn nan a baa.

Rom Yaab 4:4

Ni ye uninfo tun litoonl ki gaa tiyɔr ke, baa kaan u yɔr nmɔn ke ti ye ipiin ni, amaa ni kpaan un gaa le.

Rom Yaab 8:17

Daandaan nan ni ye ti sin ye Uwonbɔr a buwaab ke, man ke ti ye U faajib le, tim nin Masiya le lagin ki ye Uwonbɔr a faajib, ni ye tim nin Masiya lagin ki jin U fala-n ke tim nin U ma ji na yin lagin kan U pag.

1 Korenti 6:11

Nim bibam nan ye man le. Amaa le Uwonbɔr ŋunn ni bir, ki ŋa ni kasi, ki ke ni bɔr ŋan Uyudaan Yisa Masiya a yinlin nin Uwonbɔr a Kasi a Naaŋin bu.

Galantiya 2:16

ti nyi ke naa ye uninfo wan ŋmag nsiim le bi ke u ye uninfo ŋan Uwonbɔr ban ni, amaa ban ŋa Yisa Masiya yada-n. Ti tɔɔl ŋa Masiya yada le ke nin che ti bɔr li ŋan Uwonbɔr ban, ti yada n bu, amaa naa ye taah ŋmag nsiim n bu, uba kaa li fir ŋa uninfo ŋan Uwonbɔr ban nsiimin bu.

Galantiya 3:29

Ni ye Masiya le ye ni ke, man ke ni ye Abiraham a yaabili le, ki li ji u faal ke Uwonbɔr a mɔsiinlin kaah wɔɔn man nin.

Galantiya 4:7

Mambu, ŋaa ji ye uyomi, amaa a nin ye Uwonbɔr a big le; ŋaah ye U big n bu, le U ŋaaŋ U faajiru mu.

2 Tesalonika 2:16

Ti Yudaau Yisa Masiya nin ti Baa Uwonbɔr, wan jiɛ ti nin U nyunyunbasanlin bu n kɔɔn ti lipoobil ki sei ti tama ŋaŋ,

Taitus 1:2

yada nmɔn nin nbiɛmin tɔɔ tama kan wee bi jɔɔ ke bi na li kan limiɛfol lan kaa jɔɔ diɛmin bu le, ke Uwonbɔr, wan kaa por tibɔkarin, kaah nan siin limɔsiinl ke u na li sei ti limiɛfol nmɔn n-yonn man wee dulinya kaa la nan piin nin,

Taitus 2:11

Uwonbɔr a nyunyunbasanl lan ta feegab dan ni, kpiir uninfo biɛn bu-u.

Taitus 2:13

A li ke taah le jɔɔ tama ki guu ti kaar a daalin, le ti lig lidaal lan wee ti Wonbɔr gbingbemilin nin ti feegabdaan Yisa Masiya kaah na yin degirin nin kupag man,

Hiibru Yaab 1:14

Naa ye malakam biɛn ye nnaam ban tun itoon le ki tenn ban biɛn yin kan nŋmarimin naa?

Hiibru Yaab 11:7

Yada bu le Nowa, Uwonbɔr kaah nan kpaan u ikpaan ki ta jiin tiwann tan paam wee u num kaa la nan kan nin, le kasi a jawaam nan che u kpee kuŋaluŋ kan fee uma nin u niin yaab gabin. U yada bu le Uwonbɔr nan bii dulinya le Nowa kpann ufaajir u buchin tan nyan u yada nin.

Hiibru Yaab 11:9

Yada bu le u nan ŋa u kukɔɔbol limɔsiinl a tiŋin n-yaan ki be ke uchaan kaah ŋaan man kitinchaŋin nin, u nan be Tinanbonn nin le uma nin Azig nin Jekɔb ban mu nan ye limɔsiinl nmɔn a faajibin.

Hiibru Yaab 6:17

Nan bu-n Uwonbɔr kaah nan ban Un wɔɔn ban na yin kan U mɔsiinlin a gbeemin, ibamɔn ke waa yin kpenn waah bon man nin bu, le U nan poo tipoor.

Jemisi 2:5

N nabum; ni pela man: Naa ye Uwonbɔr le gann ban ye faladam kutingbɔŋ nan a poolin, ke bi li ye biwandam yada a ŋaam bu, wee ki nan ji paab a naam a faal lan wee Uwonbɔr siin limɔsiinl ke u li sei ban ban win naa?

1 Piita 3:7

Nim bipiidam, man mu le ye ni, ni mu li cheel tenn ni piiba, ki li nyi ke bi ye bilanjiim le ni ban, ki li tenn bi jilima ke nim nin bi ma biɛn na li gaa Uwonbɔr a piinŋan yan ye limiɛfolin, wee niba laa li fir legin ni wonmiɛli.