Taitus 3:5 - UWONBƆR A GBƆNPƆŊ LIKƆƆNL

⁵ le U fee ti gab, naa ye ibuchin toon le ti tun ni, amaa U nyunyunbasanl bu. U fee ti gab waah nan fun ti nnyum ki sei ti nmaal pɔɔn nin kinaaŋ pɔŋ Kasi a Naaŋ a pɔɔm bu,

Uwumbɔr aagbaŋ

⁵ ki gaa timi lii. Naa ye timi aatunyaan pu le u gaa timi lii, waanimbaasaln pu le u gaa timi lii. Le Waafuur Nyaan gir ma timi, ki tii timi limɔfapɔln, ki finn tipobil ni.

Taitus 3:5 ပူးပေါင်းရင်းမြစ်များ

Matiu 3:11

“Min fun ni nnyum man wɔɔn ke ni jiɛn ni toonbira, amaa wan yin ŋɔɔrin n bɔɔn nan ma jon ma, le maa pii kpaan nin n tu u naatagili, u ma yin fun ni Kasi a Naaŋ nin nŋmi.

Tibɔnyaan ti Luk ŋmee ti na 1:50

U san bininfob ban biɛn san u nan kunyunyunbaag, naah nyan daandaan nan a ninfob ki jɔɔ chaa bi yaabili nin yaabisagira sagira.

Tibɔnyaan ti Luk ŋmee ti na 1:54

U ter u toontum Iziral yaab, ki tiɛr bi bu ki san bi kunyunyunbaag.

Tibɔnyaan ti Luk ŋmee ti na 1:72

Ke u li san ti yaajam kunyunyunbaag, ki li tiɛr waah nan poo u kasi a poor tan nin bu.

Tibɔnyaan ti Luk ŋmee ti na 1:78

Nan bu-n tim a Wonbɔr u a nyunyunbasanl bu, u li dan ti ban ke liwonpɔɔnl kaah nyann bɔɔn man nin.

Rom Yaab 11:14

ki jɔɔ tama ke n bi li fir ke n bin che min tɔɔl a ninfob li jɔɔ linunchɔril wee bi ni biba nkan feeja.

Rom Yaab 11:6

Ke ni ye U nyunyunbasanl bu le U gann bi ke, man ke naa ye baah tun nan bu; ni bi ye baah tun nan bu ke, U nyunyunbasanl nmɔn kaa ji bi yin ye linyunyunbasanli.

Rom Yaab 12:2

Ni laa chee sei dulinya nan yaab a binbem jigin ni, amaa ni mann pɔŋ ni potiɛla wee ni binbemin kpenn. Ni ma le ni li fir mag ki chee Uwonbɔr a bam kaah ye man. U bam man ŋan ki jɔɔ linungbeel ki be chasi-n.

Rom Yaab 3:20

Ni ma bu uba kaa li fir len ke waah ŋmag Uwonbɔr a siimin bu u ye ubuchin Uwonbɔr ban ni; amaa nsiimin le che ti biɛ tibir kaah ye nan.

Rom Yaab 3:28

Ni ma bu tim le si le ke uninfosaal a yada le che u bɔr ŋan Uwonbɔr ban amaa naa ye waah ŋmag nsiimin bu.

Rom Yaab 4:5

Amaa, uninfo wan kaa nɔɔ itoon ŋan a tum bu, wee ki gaa Uwonbɔr wan che bipootondam kpann bibuchim jin nin, u yada nmɔn bu le Uwonbɔr ke u bɔr ŋan u buchin binbem bu.

Rom Yaab 9:11

Nin ni ma biɛn ni, baah kaa la nan ma njaanbum nmɔn nin, bee nin nbuwaab nmɔn n nan tun nan ŋan bee nan birin, ni ye Uwonbɔr kaah ban ki gann nan le n sir.

Rom Yaab 9:16

Mambu naa ye uninfosaal a bamin bee u pɔɔninba bu, amaa ni ye Uwonbɔr a nyunyunbasanl bu le.

Rom Yaab 9:30

Ti yin len ke nii? Ti yin len le ke ban kaa ye Juu yaab, wee kaa nan nɔɔ nbuchin binben, bi nin kan nbuchin binben nin na, nbuchin binben man nyan yada kan wee bi jɔɔ-n.

1 Korenti 6:11

Nim bibam nan ye man le. Amaa le Uwonbɔr ŋunn ni bir, ki ŋa ni kasi, ki ke ni bɔr ŋan Uyudaan Yisa Masiya a yinlin nin Uwonbɔr a Kasi a Naaŋin bu.

Galantiya 2:16

ti nyi ke naa ye uninfo wan ŋmag nsiim le bi ke u ye uninfo ŋan Uwonbɔr ban ni, amaa ban ŋa Yisa Masiya yada-n. Ti tɔɔl ŋa Masiya yada le ke nin che ti bɔr li ŋan Uwonbɔr ban, ti yada n bu, amaa naa ye taah ŋmag nsiim n bu, uba kaa li fir ŋa uninfo ŋan Uwonbɔr ban nsiimin bu.

Efesusi 2:4

Amaa Uwonbɔr a jiɛm kaah yab ki sei ti-n bu, wan a nyunyunbasanl yab,

Efesusi 4:23

ki pɔŋ ni binbem nin ni potiɛl;

Efesusi 5:26

ki nan ban bi li be kasi, ki nan ta Uwonbɔr a mɔleen ki ŋunn bi nnyumin,

Kolosiya 3:10

ki yee nbinben pɔɔn le, nbinbem nmɔn le Uwonbɔr pɔŋir mi nin nyinyimin le mi nann uma wan naan min.

2 Timoti 1:9

Uma nan fee ti gab ki yin ti ke ti li be kasi a miɛfolin na, naa ye taah tun nan bu, amaa ni ye u baantɔɔl kaah lol man le nin u nyunyunbasanlin bu. U nan san ti kunyunyunbaag Masiya bu hali n-yonn man nan jon nin,

Taitus 3:4

Amaa Uwonbɔr wan ye ti feeru nan a ŋam nin U bam kaah nan degirin nin,

Hiibru Yaab 10:22

ni che ti fɔɔr mal Uwonbɔr nin sufu ŋaŋ nin yada kan gbee nin ibamɔn na, waah jɔgin ki ŋunn ti sufu nyan kasi, wee ti nyan igalin ti potiɛlin ni, wee ki fun tigbanann mu nnyum ŋami.

Hiibru Yaab 4:16

Ni bu ni che ti fɔɔr mal Uwonbɔr wan ye unyunyunbasann nin a naangbɔŋin ban nin tidindann, wee ti kan linyunyunbasanl n-yonn man wee ti ban.

Hiibru Yaab 6:6

ni ye bi lu bi yada ni ke, baa ji li fir kan nsan man wee bi li nɔɔ ki kpenn bi binbemi. Nan bu-n bi lum nmɔn bu bi ji jiin Uwonbɔr a Bija-n le ki kpaag lidapunpunl bu ki jinn u ifa npaan ni.

1 Piita 1:3

Ipoor ye Uwonbɔr wan ye ti Yudaau Yisa Masiya a Baa-n yaal le! U nyunyunbasanl takpenlin bu ti kan nmaal pɔɔn man be tama kan fo-n, waah nan fiin Yisa Masiya nkumin,

1 Piita 2:10

Isaŋ iba naa nan ye bininfobi, amaa daandaan nan ni ye Uwonbɔr a ninfob le; isaŋ iba naa nan kan linyunyunbasanli, amaa daandaan nan ni kan linyunyunbasanla.

1 Piita 3:21

le nnyum nan, nin si Uwonbɔr a nyunfulin lan fee ni mu gabin a taai yin, kaa ye tigbanann a jaginn a funya, amaa tipoor tan wee ti poo ke ti li jɔɔ nbinben ŋan ki jiin Uwonbɔr paamin bu, li fee ni ki gab Yisa Masiya a kum a fiim bu.