Taitus 2:14 - UWONBƆR A GBƆNPƆŊ LIKƆƆNL

¹⁴ wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

Uwumbɔr aagbaŋ

¹⁴ U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

Taitus 2:14 ပူးပေါင်းရင်းမြစ်များ

Matiu 1:21

U na li maa kibijag, le a yin ki yinl ke Yisa, nan bu-n u na li nyan u ninfob bi toonbirin.”

Matiu 20:28

Ke Uninfosaal a Big kaah be man nan, waa dan ke bininfob ntun sei wi, amaa u dan ke u nan tun sei bininfob le, ki jin ta u miɛl ki daa bininfob takpem.”

Matiu 3:12

U ŋmag u dilenn yikpeŋin le ki yin lenn idi nmɔn biɛn nbamɔm, ki nyan ndibimin ki ŋuun u binbolin, le ki nyɔɔ kufoŋin nŋmi man kaa jɔɔ njunimi.”

Jɔnn 10:15

a li ke Baa-n kaah nyim man nin wee n mu nyi Baa-n, le n ta n miɛfol kpenn ipee-n.

Jɔnn 6:51

Min le ye boroboro kan fo-n wee ki nyan paabin. Ni ye uninfo wan ŋman boroboro nan ke, u yin be le ki gbaa be. Boroboro nan le ye n gbanann, tan wee n yin ta sei dulinya, dulinya nan a miɛfol bu.”

Lituln 15:14

Simɔnn bei ti Uwonbɔr a baga kaah be ban kaa ye Juu yaabin bu man na, nin waah nyan bi ni bibam wee bi ye u tɔɔl yaab man na.

Lituln 15:9

Waa wiɛr tim nin bima, nan bu-n U ŋunn bi sufu le bi yada bu.

Lituln 20:28

Ni li ŋmag niba nbamɔm nin ipee yan biɛn wee Kasi a Naaŋ ta ŋubin ni nɔɔn ke ni li guu-n. Ni li guu Uwonbɔr a ninfobin na, ban wee U ta U cham ki daa-n.

Lituln 9:36

Upii wonjiɛn uba mu nan be Jopa, le u yinl ye Tabita, (amaa le Girig a leen yin, bi nan yi u ke Dokasi). U nan tun itoon ŋan le iyoo biɛn ki tenn faladam.

Galantiya 1:4

u ma ti yudaau Yisa nmɔn le ta uba ki siin ti taalin ti yaa toonbirin, ke un nyan ti dulinya birig kan a yonn wee ti be nan, ke ti Baa Uwonbɔr kaah ban man nin,

Galantiya 2:20

Bi nan kpaam lidapunpunl bu le nin Masiya le naa ji ye min le be, amaa Masiya nmɔn le be nim. Limiɛfol lan wee n jɔɔ be nin tigbanann nin, n be nin yada le Uwonbɔr a bija-n bu, wan jiɛm wee ki ta u ba seimin.

Galantiya 3:13

Masiya nan ta u ba le ki mann nkpenim a manug ki fee ti nyan nsiim a mɔpool lan nan nɔɔ ti-n ki jaa, waah nan gaa ti a sisibol ki sir ki che limɔpool nmɔn jin u nbu, nan bu-n ni sɔb Uwonbɔr a gbɔŋin ke: “Limɔpool be wan biɛn bi jɔn u busub bu.”

Efesusi 1:11

Masiya ni le Uwonbɔr nan gann ti mu, ki ta ti kpann U tɔɔl a ninfob nin waah ban niwann biɛn ntun man U bamin,

Efesusi 2:10

Uwonbɔr le naan tim, Yisa Masiya bu le u sei ti itoon ŋan a binbem, ke ti li tun man wee u pii nan lol ke ti li tun nin na.

Efesusi 5:2

ki li be njiɛm a binbema, ke Masiya kaah jiɛ ti ki ta u ba ki mann kumanug kan jɔɔ nbaam mɔɔm ki sei Uwonbɔr ti bu man nin.

1 Timoti 1:15

Ni niɛ nan ye ibamɔn le, ni kpaan nin bininfob n gaa ti nbamɔm: Masiya nan dan dulinya nan yaan ke u nan fee tibirdam le jaa, min le ye tibirdaan ki jon bi biɛn.

1 Timoti 2:10

amaa wee ki li tun nan ŋan na, ni ma ŋan ki sei bipiib ban ke bi jiɛn Uwonbɔr.

1 Timoti 2:6

uma nan ta u miɛl ki daa bininfob biɛn, Uwonbɔr kaah nan pag siɛra kan ni a yoo dede.

1 Timoti 6:18

Bei bi wee bi li tun nan ŋan na, ki li ye bijɔɔndam itoon ŋan nin, ki li por baah jɔɔ nan ki tenn taba ki laa jɔɔ woog tabi.

Taitus 2:7

Nin niwann biɛn ni ŋaam limagil ki sei bi ki li tun nan ŋan na. A wɔɔm a poolin ke, a wɔɔn bi tininforin nin inunman na.

Taitus 3:8

Tibɔr nan ye ibamɔn le. Le n ban ni li jɔɔ ti ki wɔɔn bi iyoo biɛn wee nin che ban ŋa Uwonbɔr yada-n n choo biba ki ta bi saŋi ki tun itoon ŋan. Ni ma ye nan ŋan ki jɔɔ tinyɔɔr ki sei uninfo biɛn.

Hiibru Yaab 1:3

Uwonbɔr a pag le che U bija-n nyagin, ki jɔɔ Uwonbɔr a nunaŋ, ki ji ye wan ŋmag niwann biɛn u mɔleen a pɔɔm bu. Ni bɔɔn bu waah nan ban tibir a ŋunnim ki sei ti-n, le u kal Jilimadaan Uwonbɔr a nɔɔjiim paam papaab.

Hiibru Yaab 10:24

Ni che ti baga li be taah li ŋa man ki li pɔɔgir ti kpiɛtiib a sufu, wee nin che ti fir wɔɔn ti jiɛm nin tab kaah ye man ki li tun itoon ŋan.

Hiibru Yaab 9:14

Mambu ke, Masiya ma a chamin tun nan jon man na, uma wan kaa jɔɔ igalin wee kinaaŋ kan be u ni kaa jɔɔ diɛmin nan che u ta uba ki mann kumanug ki sei Uwonbɔr, ki ŋunn ti potiɛri a toon yan yin liin ti kɔɔn nkumin nin, wee nin che ti fir jiɛn Uwonbɔr wan foo-n!

Jemisi 4:8

Ni fɔɔr mal Uwonbɔr a, wee Uwonbɔr mu nfɔɔr ki mal ni. Nir ni nɔɔi ya, nim tibirdam nan, ki ŋa ni sufu kasiu, nim ipotiɛ ilelee dam nan.

1 Piita 1:18

Nan bu-n ni nyi ke naa ye tiwann tan boon ke tikurninann bee salima le Uwonbɔr nan ta mann nkpenim a manug ki fee ni ki nyan nbinben man kaa jɔɔ bu wee ni yaajam nan ta sei ni-n ni,

1 Piita 1:22

Naah mann niba kasi wee ki jɔɔ ibamɔn a mɔcheelin wee ki jiɛ ni nabum ibamɔn ni, ni li jiɛ tab nin ni sufu biɛn na.

1 Piita 2:12

Ni li be nbinben ŋan nmɔn a bosuu ban kaa ye biwonjiɛmin a sisiigin na, hali baah le galin ni ke ni tun tibirin na, ni biɛn yɔli ni li che bin kan ni toon ŋan ki sei Uwonbɔr kupag lidaal lan wee U nan yin gɔnn ti.

1 Piita 2:9

Amaa nim ye bininfob gannkaab le, ki ye bininfob ban ye ibɔrniin a minmanib, ki ye kasi a bol, ki ye Uwonbɔr yaab, ke ni pag Uma wan yin ni ki nyan ni libunbɔnlin ki ta ni ŋa ligaril a wonweem n-yaan nin.

1 Piita 3:18

Nan bu-n nba le Masiya nan kpo ki sei tibirdam biɛn, ubuchin nan gaa ban kaa ye bibuchim a kum ki kpo, ke un che ni foo Uwonbɔr ban. Bi nan ku u le tigbanann ni le u ji kan limiɛfol Kinaaŋ bu,

1 Jɔnn 1:7

Amaa ni ye ti choon nwonween nin, a li ke waah be nwonween nin man nin ke, tim nin nim jɔɔ nɔɔnintab, le Yisa wan ye U Bija-n a cham li ŋunn ti biɛn nan a bir.

1 Jɔnn 1:9

Ni ye ti nyan ti bir ki bei u ke, u ye yada daan le ki tun nan ŋan, u li jiɛn ti bir biɛn ki per ti, ki ŋa ti kasi ki nyan ti ta kaa jɔɔ buchin binben biɛn nin.

1 Jɔnn 3:2

N jɔtiib, daandaan nan ti ye Uwonbɔr a buwaab le, le taah na yin be man kaa la kpiir wɔɔn ti. Amaa ti nyi ke u nan degirin ke, ti yin be le ke uma-n, nan bu-n ti na yin kan u le ke waah be man nin.

Tibɔkpiirkaan 1:5

Linyunyunbasanl nin nposɔɔn lan ji nyan Yisa Masiya, wan ye ibamɔn a siɛradaau win, kibininkpeeg kan chinn fii nkumin, nin wan ye dulinya nan a bɔrtiib biɛn a bɔru win li be ni ban. Wan jiɛ ti wee ki ta u cham ki nyan ti tibirin nin,

Tibɔkpiirkaan 5:9

Le bi gaah ilan pɔɔn ki ke, “Fin le kpaan nin a yuur kugbɔŋ nmɔn ki loor ndaagimin, nan bu-n fin le bi nan kɔr, le a ta a cham ki da bininfob ki sei Uwonbɔr ki nyan imaal biɛn nin ileen biɛn, nin bininfob biɛn nin ibol biɛn ni.