Taitus 2:11 - UWONBƆR A GBƆNPƆŊ LIKƆƆNL

¹¹ Uwonbɔr a nyunyunbasanl lan ta feegab dan ni, kpiir uninfo biɛn bu-u.

Uwumbɔr aagbaŋ

¹¹ Ba pu? ti kan Uwumbɔr aah kpa tibulchinn pu na. Waabulchinn pu le binib mɔmɔk ga ŋmaa ŋmar.

Taitus 2:11 ပူးပေါင်းရင်းမြစ်များ

Matiu 28:19

Ni bu, ni li chaa kutingbɔŋ nan yaan, binib a booli biɛn ban ki ŋa bi n-yaa bɔɔnɔɔb, ki fu bi Uwonbɔr a nyunful, Baa nin Bija nin Kasi a Naaŋ a yinl bu,

Tibɔnyaan ti Mak ŋmee ti na 16:15

Le u ji bei bi ke, “Ni li chaa ki tan mɔɔn tibɔŋann nmɔn ki wɔɔn uninfo biɛn, kutingbɔŋ nan yaan biɛn na.

Tibɔnyaan ti Luk ŋmee ti na 24:47

le nbinben a kpenim nin tibir a jiɛn per li mɔɔn u yinl bu ki piin Jerusalam ki sei ibol biɛn.

Tibɔnyaan ti Luk ŋmee ti na 3:6

Uninfosaal biɛn na li kan Uwonbɔr a feeja.’ ”

Jɔnn 1:14

Limɔbonlin nan kpann tigbanann nin ncham le ki nan ŋa u kukɔɔbol ti ban. Ti nan kan u paga, kupag kiba kpeŋ kpeŋ, kan nan nyan ti Baa ban nin, ki gbee nin linyunyunbasanl nin ibamɔn nin.

Jɔnn 1:9

Ibamɔn a wonweem man tenn uninfosaal biɛn nwonween nin nan chaan dulinya nan yaan le.

Lituln 11:23

Waah nan tan foo niin ki kan Uwonbɔr kaah sei bi literil man nin, le ni mɔŋ u, le u kɔɔn bi biɛn lipoobil, ki bei bi ke bi li nɔɔ Uyudaan nin bi sufu biɛn nin ibamɔn.

Lituln 13:43

Bininfobin kaah nan worin nin, le Juu yaab takpem nin ibol yan nan jiɛn bi kaal wee ki nɔɔ Juu yaab a kaalin, ni nan nɔɔ Pɔɔl nin Banabasi. Le bi pag nin bi ki balin bi ke, bi li nɔɔ Uwonbɔr nin u nyunyunbasanlin.

Lituln 13:47

Uyudaan kaah ke ti ŋa man sɔ: ‘Min le ŋa ni ban kaa ye Juu yaab n yaa weem, ke nim bu le Uwonbɔr yin fee dulinya yaab ki jaa.’

Lituln 17:30

Iyoo yan nan jon nin, wee bininfob kaa nan nyi Uwonbɔr nan, waa nan gar bi bir bu. Amaa daandaan nan, u ke uninfo biɛn nkpenn u binbema.

Lituln 20:24

Amaa n tiɛr ki n miɛfol ye yɔli ki seim, amaa nan kpaa le ye n tun itoon yan wee Uyudaan Yisa nan ta seimin ki diɛ, itoon nmɔn le ye n wɔɔn bininfob tibɔŋann nmɔn Uwonbɔr a nyunyunbasanl bu.

Rom Yaab 10:18

Amaa le n baan ke, “Baa gbiraa? Ibamɔn bi gbira: “Bininfob gbir bi kukɔl kutingbɔŋ nan a gbanann biɛn na, bi bɔr foo dulinya nan a tariga.”

Rom Yaab 5:15

Amaa Uwonbɔr a piin yin kaa nann Adam a birin ni. Ni ye bininfob takpem kpo uninfo uba nmɔn a bir bu ke, man ke Uwonbɔr a nyunyunbasanlin ma li jo man, le U piin yan nyann uninfo uba wan ye Yisa Masiya a nyunyunbasanlin nin ma li yab ki tan lagir le Un ta sei bininfob takpem!

Rom Yaab 5:2

wan a yada bu wee ti kan Uwonbɔr a nyunyunbasanl lan yaan wee ti nin be nan. Le ni mɔ ti nin tama kan wee ti jɔɔ-n ke ti na li por Uwonbɔr a pag.

2 Korenti 6:1

Tim ban ye Uwonbɔr a toontunn tab, ti balin ni le, ni laa che u nyunyunbasanlin n gab yɔli.

Galantiya 2:21

Maa yii Uwonbɔr a nyunyunbasanlin ni, ni ye nbuchin binben bi nɔɔ nsiim bu le ke, Masiya bi kpo yɔli le!”

Efesusi 2:5

le U che ti jɔɔ limiɛfol nin Yisa, hali nin taah le nan kpo nin taah bii nsiimin. U nyunyunbasanl bu le ni kan feegab.

Efesusi 2:8

Uwonbɔr a nyunyunbasanl bu le ni kan nŋmarim, naah ŋa Yisa yada-n bu, naa ye ni tɔɔl a toon ŋan bu, ni ye Uwonbɔr a piini le,

Kolosiya 1:23

ni ye ni yin gbaa be nin ni yada ke, ki si chib, kaa fɔɔr tama kan wee tibɔŋann nin ŋmagin ke, ti ma ye tibɔŋann tan wee ni gbirin, wee bi mɔɔn ti sei kuwonaaŋ biɛn dulinya nan yaan, tan bu wee min Pɔɔl kpann utoontunn.

Kolosiya 1:6

wee ki dan ni ban nin. Tibɔŋann nmɔn lo iloon le ki yabirig dulinya nan yaan biɛn, ke naah nan ti tun man ni sisiigin lidaal lan wee ni nan gbir ti, ki biɛ Uwonbɔr a nyunyunbasanlin nin libamɔn yan be ipoolin nin biɛn.

2 Tesalonika 2:16

Ti Yudaau Yisa Masiya nin ti Baa Uwonbɔr, wan jiɛ ti nin U nyunyunbasanlin bu n kɔɔn ti lipoobil ki sei ti tama ŋaŋ,

1 Timoti 1:14

Ti yudaau nan kpaar u nyunyunbasanl takpem le ki jaa n bu, ki ji kpiɛ yada nin njiɛm man be Masiya nin.

1 Timoti 2:4

wan ban bininfob biɛn n kan feegab wee ki biɛ nbamɔmin.

2 Timoti 1:10

amaa daandaan nan ni kpiir ki wɔɔn ta, ti feegab daan Masiya wan degirin ti bu-n bu, wan nyaŋ nkum wee ki che limiɛfol nin tigbanann tan kaa kpegin nɔɔ tibɔŋann bu ki dan nin.

2 Timoti 4:17

Amaa le Uyudaan sir n bɔɔn ki seim npɔɔn, wee min bu U bɔrin n fir mɔɔn nbamɔm wee ban kaa ye Juu yaabin ngbir ti. Le u nan nyam ugbegin a mɔn.

Hiibru Yaab 12:15

Ni laa che uba n nan lann Uwonbɔr a nyunyunbasanli, wee nin laa che nton a sibonl npa ki yabig ni sufu-n ni wee nin ta kuŋmaruŋ ki dan ki bii bininfob takpemi.

Hiibru Yaab 2:9

Amaa ti kan Yisa, wan wee Uwonbɔr nan jiin u tum wama malakam ban nin, daandaan nan, u chig kupag nin jilima a yuchigirig le waah jin nkum a fala-n bu, wee Uwonbɔr a nyunyunbasanl bu u nan che u kpo uninfo biɛn bu-n.