Taitus 1:4 - UWONBƆR A GBƆNPƆŊ LIKƆƆNL

⁴ N sɔb kugbɔŋ nan ki tenn fin Tatusi wan ye n big bamɔŋin, nin taah lagin ki jɔɔ yada kiba kan nin bu. Ti ba Uwonbɔr nin Masiya wan ye ti feeru win a nyunyunbasanl nin nposɔɔn li be niŋ.

Uwumbɔr aagbaŋ

⁴ M bi ŋmee kigbaŋ kee m tii si Taitus u ye maabo bamɔnn Yesu Kristo aasan ni na. Tite Uwumbɔr ni Yesu Kristo u gaal timi lir na ŋa tinyoor ŋa aa pu, [ki san si kinimbaak,] ki tii si nsuudoon.

Taitus 1:4 ပူးပေါင်းရင်းမြစ်များ

Tibɔnyaan ti Luk ŋmee ti na 2:11

Dinan nan Defid a tiŋin bi ma ufeerin na, U ma ye Uyudaan Masiya.

Jɔnn 4:42

Le bi bei upii-n ke, “Naa ye ŋaah len man nin a binba bu le ti ŋa yada; daandaan nan ti baantɔɔl gbira, le ki nyi ke uja nan sin ye dulinya nan a Feeru le.”

Rom Yaab 1:12

ni ma ye, nan li pɔɔg tab a yada nim nin min a gbanann pɔɔmin.

Rom Yaab 1:7

N poor nim ban biɛn be Rom wee Uwonbɔr jiɛ ni ki yin ni wee ni ye U ninfogann kaabin: Ti Baa Uwonbɔr nin ti Yudaau Yisa Masiya a nyunyunbasanl nin nposɔɔn li be nin ni.

2 Korenti 12:18

N nan balin Tatusi ke un dan ni ban, ki ji nan che ti na a big kiba mu chiɛn u. Tatusi nan nyi ki jin ni dulim waa? Min nin u ma kaa piɛ kinaaŋ le nin nsan n baa?

2 Korenti 2:13

Amaa maah kaa nan kan n na a big Tatusi nin yaan ni bu che n sufu kaa nan dɔ, nibu le n chabir nin yaan yaab, le ki jon Masedoniya.

2 Korenti 4:13

Ni sɔb Uwonbɔr a gbɔŋin ke, “N ŋa yadau; ni ma bu le n pag.” Kinaaŋ kiba nmɔn le ti mu ŋa yada le ki pag,

2 Korenti 7:6

amaa Uwonbɔr wan sɔŋir bipoobiindam a sufu-n nan sɔŋ ti sufu Tatusi a damin na,

2 Korenti 8:16

Uwonbɔr n gaa kunɔɔpoog nin waah che Tatusi a baga be ni ban, ke n baga kaah be ni ban man ni.

2 Korenti 8:23

Tatusi ma bu ke, u ye n toontunkpiɛg le ni sisiigin; amaa ti na bum n ma si biwonjiɛm a laginn a taai-n le, ki ye jilima sei Masiya.

2 Korenti 8:6

Mambu le ti nan kpaan Tatusi ke taa pii nan piin ki tun man ni, u li tun man na ki diɛ linyunyunbasanl a toonl nan ni tɔɔl ban na.

Galantiya 2:3

Hali Tatusi, wan nan be n ban nin, nin waah le nan ye Girig a ninfou nmɔn biɛn ni, baa nan mugir u ke un jii u punli.

Galantiya 3:26

Ni biɛn nan ye Uwonbɔr a buwaab le naah ŋa Masiya yada-n bu.

Galantiya 3:28

Mambu, nbɔgirim kaa ji be ban ye Juu yaab nin ban kaa ye Juu yaab a sisiigin ni, kaa be biyom nin ban ye bi ba nan a sisiigin ni, kaa be bijab nin bipiib mu a sisiigin ni, ni ma bu ni biɛn ye nba le Masiya ni.

Efesusi 1:2

Ti Baa Uwonbɔr nin ti Yudaau Yisa Masiya a nyunyunbasanl nin nposɔɔn li be nin ni.

Kolosiya 1:2

Le sɔb kugbɔŋ nan ki tenn nim ban ye ti nabum ban be kasi ki si bogil liba Masiya ni Kolosiya a tiŋin ni. Ti Baa Uwonbɔr a nyunyunbasanl nin u posɔɔm li be nin ni.

1 Timoti 1:12

N poor ti Yudaau Masiya, nin waah seim npɔɔn, ki ŋaam yada daan, ki taam ŋa u toon yin.

2 Timoti 1:1

Min Pɔɔl wan ye Masiya a toom Uwonbɔr a bam bu-n, le u ke n mɔɔn limiɛfol a bɔr tan wee Uwonbɔr nan siin limɔsiinl Masiya bu-n,

2 Timoti 1:2

le n sɔb ki tenn Timoti wan ye n bibankaagin: Ti Baa Uwonbɔr nin ti Yudaau Masiya a nyunyunbasanl nin nposɔɔn li be a bu.

2 Timoti 4:10

Nan bu-n, Demasi kaah ban dulinya nan nbu che u jiɛnim le ki jon Tesalonika. Kiresensi mu jon Galantiya, le Tatusi mu jon Dalimasiya

Taitus 1:3

le iyoo kaah nan nan foo-n le u nyan tibɔr nmɔn nween ni ke Uma Uwonbɔr wan ye ti feeru win kaah wɔɔnim ke n mɔɔn ti man nin,

Taitus 2:13

A li ke taah le jɔɔ tama ki guu ti kaar a daalin, le ti lig lidaal lan wee ti Wonbɔr gbingbemilin nin ti feegabdaan Yisa Masiya kaah na yin degirin nin kupag man,

2 Piita 1:1

Min Simɔnn Piita wan ye Yisa Masiya a toontunnu nin u toomin, Le sɔb kugbɔŋ nan ki tenn ban wee Uwonbɔr nin ti Yudaau Yisa Masiya a buchin binbem bu che bi kan yada kan ŋan ke ti yaagin:

2 Piita 1:11

man le li che ni ga ipoor ŋan ki kɔɔ nnaam man kaa jɔɔ diɛm ti Yudaau nin ti feeru Yisa Masiya nin.

2 Piita 2:20

Ni ye baah nyan dulinya nan a ŋmaruŋin, baah nyi ti Yudaau nin ti feeru Yisa Masiya-n, wee ni ye kuŋmaruŋ nmɔn ji choo bi ki nyaŋ bi ke, bi joorim na li bir ki jo bi piinim.

2 Piita 3:18

Amaa ni li yabirig nin ti Yudaau nin ti feeru Yisa Masiya a nyunyunbasanl nin u nyinyimin na. Uma kpaan kupag daandaan nan nin isaŋ yan kaa jɔɔ diɛmi! Ibamɔn.

2 Piita 3:2

N ban ni li tiɛr imɔleen yan wee kasi a linlem nan pag isaŋ yan nan jon nin, nin nsiim man wee ti Yudaau nin ufeerin nan che u tooi yin ta sei nin.

1 Jɔnn 5:14

Nan bu wee ti jɔɔ tidindann Uwonbɔr ban sɔ: Ni ye ti miɛ U nan nɔɔ nin U sufu a bam ke, U gbir ti miɛm le.

Juud 1:3

N jɔtiib, hali maah nan jɔɔ inunman ke n sɔb kugbɔŋ ki sei ni ki ta jiin nŋmarim man wee ti nan por nin tabin paami, n lig ki miin ni kpaa le nin n sɔb ki balin ni wee ni li kɔn yada kan wee Uwonbɔr nan ta ŋubin u ninfogannkaabin a nɔɔn nin buu.