Taitus 1:2 - UWONBƆR A GBƆNPƆŊ LIKƆƆNL

² yada nmɔn nin nbiɛmin tɔɔ tama kan wee bi jɔɔ ke bi na li kan limiɛfol lan kaa jɔɔ diɛmin bu le, ke Uwonbɔr, wan kaa por tibɔkarin, kaah nan siin limɔsiinl ke u na li sei ti limiɛfol nmɔn n-yonn man wee dulinya kaa la nan piin nin,

Uwumbɔr aagbaŋ

² Waabɔr pu le bi kpa limakl ke bi ga li kpa limɔfal li kaa kpa ndoon na. Uwumbɔr u kaa mɔni inyamɔn na, uma le nan puu tipuur n‑yaayoonn na, ke u ga tii timi limɔfal ngbaan.

Taitus 1:2 ပူးပေါင်းရင်းမြစ်များ

Matiu 25:34

“Le ubɔrin na li bei ban si u nɔɔjiim paamin ke, ‘Ni dan, nim ban wee n Baa kaab tikaar ki jaa ni bu nan, ni gaam ni faal, nnaam man wee Uwonbɔr nan ŋa mi sili ki guu ni dulinya a piinimin ni.

Matiu 25:46

Le bi na li jo ki tan kɔɔ litudaril lan kaa jɔɔ ndiɛm ni, amaa le bibuchim n mu li jo ki tan gaa limiɛfol lan kaa jɔɔ ndiɛmin.”

Tibɔnyaan ti Mak ŋmee ti na 10:17

Yisa kaah nan nyan ni yaan ki chaa nmɔn, le uja uba guun kenn u ki gbaan u nintogil, le ki baan u ke, “Wan wɔɔn ŋan, n yin ŋa nii wee ki nan kan limiɛfol lan kaa jɔɔ ndiɛm aa?”

Tibɔnyaan ti Mak ŋmee ti na 10:30

u na li kan tiwann ke tin jo waah nan jiɛn tiwann tan ni biɛn. U na li kan iniin, nin watiib nin kpetiib, nin ninsiɛb, nin nam, nin nbum, nin tikpaann, a kobig kobig kutingbɔŋ nan yaan, ki biɛ na li kan limugil ki kpiɛ; le n-yonn man chaan nan le un nan kan limiɛfol lan kaa jɔɔ ndiɛm nan.

Jɔnn 10:28

N sei i limiɛfol lan kaa jɔɔ diɛm le, le yaa jɔɔ yin buri; uba kaa li fir fee i n nɔɔn ni.

Jɔnn 17:2

Nan bu-n fin le sei u tininkper a pɔɔm le u jon bininfob biɛn ke un sei ban biɛn wee A ta sei win limiɛfol lan kaa jɔɔ ndiɛm.

Jɔnn 17:24

“N Baa, n ban bininfob ban wee A ta seimin na li be n ban le maah na yin be nan yaan nin. Wee bin kan npagim, kupag kan wee A nan ta seimin, nan bu-n Ŋaah jiɛm n-yonn man wee dulinya kaa la nan naan nin.

Jɔnn 5:39

Ni tinn Uwonbɔr a gbɔŋin le linunmanl ki tiɛr ke nsɔbimin bu ni li kan limiɛfol lan kaa jɔɔ diɛmi. Nsɔbim nan mu li wɔɔn siɛra maah ye wan,

Jɔnn 6:54

Wan biɛn ŋman n gbanann wee ki ji nyun n cham ke u jɔɔ limiɛfol lan kaa jɔɔ diɛmi, le lidajoorikaal ke n li don u paab.

Jɔnn 6:68

Le Simɔnn Piita jiin u ke, “Uyudaan, ti ni yin jo ŋma ban naa? A jɔɔ limiɛfol lan kaa jɔɔ diɛmin a mɔboi le.

Lituln 15:18

nan wee ti pii nyi ibin yan jon.”

Rom Yaab 1:2

tibɔŋann tan wee U nan chinn siin limɔsiinl lan nyan u linlemin ban wee ki sɔb Uwonbɔr a kasi a Gbɔŋin nin,

Rom Yaab 16:25

Daandaan nan che ti pag Uwonbɔr wan fir ta ni siin tibɔŋann nin bu nin maah mɔɔn Yisa Masiya wan nin bu, ki ta jiin tibɔkpiirikaar tan nan woo hali yaayoo-n nin,

Rom Yaab 2:7

Le ban si iyoo biɛn ki tun itoon ŋan ki ban kupag nin jilima a binbem nin limiɛfol lan kaa kpegin, U li sei bi limiɛfol lan kaa jɔɔ ndiɛmin.

Rom Yaab 5:2

wan a yada bu wee ti kan Uwonbɔr a nyunyunbasanl lan yaan wee ti nin be nan. Le ni mɔ ti nin tama kan wee ti jɔɔ-n ke ti na li por Uwonbɔr a pag.

Rom Yaab 5:21

naah ŋa man wee titoonbir che nkum nyaŋ bininfob biɛn nin, man mu le nbuchin binben mu yin che linyunyunbasanl mu n sei ti limiɛfol lan kaa jɔɔ ndiɛmi ti Yudaau Yisa Masiya bu.

Rom Yaab 5:4

nnyiginim li tenn ti nbinben le nbinben tenn ti tama.

Rom Yaab 6:23

Titoonbir a nyɔɔr ye nkum le, amaa le Uwonbɔr a piin ye limiɛfol lan kaa jɔɔ ndiɛm ti Yudaau Masiya ni.

Kolosiya 1:27

Bininfogannkaab nmɔn le Uwonbɔr nan gann ke bin kpiir liwool a bɔrin ki wɔɔn ban kaa ye Juu yaabin, liwool a pag kan yabin, ni ma ye Masiya wan be nin ni-n, ki ye kupag a tama-n.

1 Tesalonika 2:15

bi ma nan ku Yisa nin bilinlemin ki mugir ti mu. Bi nan fiin Uwonbɔr a ŋuul pam. Le ki ji ŋa bininfob biɛn a dataag

1 Tesalonika 5:8

Amaa tim kaah ye nweehn a ninfobin, ni che ti li chor ti bau, ki li jɔɔ yada nin njiɛm man li guu ti gbanann, ki li jɔɔ nŋmarim a tama man wee ti li ta chig ti yul bu ke kijabig.

1 Timoti 6:12

Kɔm likɔnŋanl nin yada. Li ŋmag limiɛfol lan kaa jɔɔ diɛmin, lan bu wee Uwonbɔr nan yiŋin, wee a ŋa siɛra ŋaŋ ki kpiir ki wɔɔn siɛradam takpemin.

1 Timoti 6:19

Bi ŋa man ke, bi li bil lifaal ki sei biba lan ye lifiɛl lan pɔɔ ki guu n-yonn man chaan nan, wee bin nan fir kan limiɛfol lan ye ibamɔn a miɛfol.

2 Timoti 1:1

Min Pɔɔl wan ye Masiya a toom Uwonbɔr a bam bu-n, le u ke n mɔɔn limiɛfol a bɔr tan wee Uwonbɔr nan siin limɔsiinl Masiya bu-n,

2 Timoti 1:9

Uma nan fee ti gab ki yin ti ke ti li be kasi a miɛfolin na, naa ye taah tun nan bu, amaa ni ye u baantɔɔl kaah lol man le nin u nyunyunbasanlin bu. U nan san ti kunyunyunbaag Masiya bu hali n-yonn man nan jon nin,

2 Timoti 2:10

Mambu le n pɔɔn nba niwann biɛn nin Uwonbɔr a ninfob gannkaab nbu, ke bi mu n kan nŋmarim man be Masiya nin, nin jilima kan kaa jɔɔ ndiɛmin.

2 Timoti 2:13

ni ye taa si bogiliba ke, uma le yin si bogiliba le, nan bu-n waa li fir yii u baantɔɔl a binbemi.

2 Timoti 2:15

Pɔɔn a ba ki ta a ba sei Uwonbɔr ke wan wee U ganniŋ, ke utoontunn wan kaa san ifa wee ki ŋmag Uwonbɔr a bɔr tan ye ibamɔn nin nbamɔm.

Taitus 2:13

A li ke taah le jɔɔ tama ki guu ti kaar a daalin, le ti lig lidaal lan wee ti Wonbɔr gbingbemilin nin ti feegabdaan Yisa Masiya kaah na yin degirin nin kupag man,

Taitus 2:7

Nin niwann biɛn ni ŋaam limagil ki sei bi ki li tun nan ŋan na. A wɔɔm a poolin ke, a wɔɔn bi tininforin nin inunman na.

Taitus 3:7

U nyunyunbasanl bu le U ke tibɔr ŋan, ti na li ŋa Uwonbɔr a faajib ki jɔɔ limiɛfol lan kaa jɔɔ diɛmin a tama.

1 Jɔnn 2:25

Waah siin ti limɔsiinl lan ye le ke, U li sei ti limiɛfol lan kaa jɔɔ diɛm.

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.

Juud 1:21

Ni li ŋmag niba Uwonbɔr a jiɛmin yaan na, ki li guu Uyudaau Yisa Masiya a nyunyunbasanl lan na yin ta ni ki kɔɔ limiɛfol lan kaa jɔɔ ndiɛmin yaan.

Tibɔkpiirkaan 13:8

Bininfob ban biɛn be dulinya nan yaan wee bi yin kaa sɔb ŋa Kipeebig kan wee bi nan ku-n a miɛfol a gbɔŋin yaan dulinya nan a piimin nin, bi biɛn nan yin jiɛn kuwanbiig nmɔn le.

Tibɔkpiirkaan 17:8

Kuwanbiig kan wee a kan nin, nan be le, le kaa ji be daandaan nan ni, le ki na li nyan libogil lan nyɔɔ n-yaan ki jo nan yaan wee bi li bii u. Le kutingbɔŋ yaab ban a yin kaa sɔb be limiɛfol a gbɔŋin n-yaan dulinya a piinimin nin, bi nan kan kuwanbiig nmɔn ke ni li gar bi, nan bu-n u pii nan be, le kaa ji be daandaan nan nin, le ki ji na li dan.