Rom Yaab 9:32 - UWONBƆR A GBƆNPƆŊ LIKƆƆNL

³² Ba ŋa wee baa kan naa? Nan bu-n baa nan nɔɔ ke bi yada le yin che bin kan ni, amaa bi nan ŋaan le ke bi toon yin li yin che bin kan nin. Le ki gbiɛr “litangbagil gbiɛrikaal.”

Uwumbɔr aagbaŋ

³² ba pu? baa gaa Uwumbɔr ki kii. Bi dak ke baatuln pu le Uwumbɔr ga len ke baabɔr ŋan. Bi yii Yesu Kristo le ki lir;

Rom Yaab 9:32 ပူးပေါင်းရင်းမြစ်များ

Matiu 13:57

Mambu le bi ŋuui nan fii u bu. Le u bei bi ke, “Ulinlenn kaa jɔɔ jilima u baantɔɔl a tiŋ nin u niin ni.”

Tibɔnyaan ti Luk ŋmee ti na 2:34

Le Simiɛn nan kaab jaa bi bu, le ki sin bei kibigin a na Meri ke, “Uwonbɔr gann kibig nmɔn ke u li che Iziral yaab takpem n lu yɔli u bu; le bininfob takpem mu li kan nŋmarim u bu. Uma nan yin ye limagil lan wee bininfob takpem li pag ki bii u nan;

Tibɔnyaan ti Luk ŋmee ti na 7:23

Tikaar be wan kaa jɔɔ nbiɛnim n bu nan.”

Rom Yaab 10:3

Baah kaa nyi nbuchin binben man nyan Uwonbɔr ban nin wee ki ban bi tɔɔl kaah li nɔɔ man ki li jɔɔ nbuchin binben nin, ni bu che baa chee sei Uwonbɔr a buchin binbemin ni.

Rom Yaab 11:11

Le n ji baan ke: Bi nan gbiɛr ke bin lu ki laa ji fii bee? Naa ye man ni! Amaa baah nan burin bu, ni ma che ban kaa ye Juu yaab kan nŋmarim na li ŋa man wee Juu yaab li jɔɔ bi linunchɔril.

Rom Yaab 4:16

Mambu Uwonbɔr a mɔsiinlin nɔɔ nin yada le, ki ye Uwonbɔr a nyunyunbasanl ki si guu Abiraham a yaabili biɛn, naa ye ban ŋmag nsiimin a binba, amaa ban jɔɔ Abiraham a yada-n. U ma ye ti biɛn nan a baa.

1 Korenti 1:23

amaa ti mɔɔn Masiya a kum lidapunpunl bu nle: Tibɔr nmɔn ye litangbag gbiɛrikaal le Juu yaab ban, le ki ji ye ijɔr leen ban kaa ye Juu yaabin ban.

1 Piita 2:6

Nan bu-n ni sɔb Uwonbɔr a gbɔŋin ke: “Lig, n ta litangbagil liba ki bil Zayɔnn, litangbagil gann kaal lan jɔɔ linungbeel ki ŋmag lifiɛl, le wan gaa u jin biɛn kaa li ji ifa.”

1 Piita 2:8

nin, “Litangbagil lan che bininfob gbiɛr nin litangbagil takpenl lan che bininfob lur.” Bi gbiɛr li le, nan bu-n baah kaa chee Uwonbɔr a bɔrin bu, wee ni mu ye Uwonbɔr kaah siin bi man le yen nin.