Rom Yaab 8:7 - UWONBƆR A GBƆNPƆŊ LIKƆƆNL

⁷ wan ta u potiɛl ki ŋa tigbanann a bamin ke, u ye Uwonbɔr a dataag le, nan bu-n waa nɔɔ Uwonbɔr a siimin ni, hali kaa sin li fir nɔɔ mi.

Uwumbɔr aagbaŋ

⁷ Binib bi aatafal bi mbimbikpok aabɔr ni na, bi ye Uwumbɔr aadim la; ba pu? baa dii waakaal, ki mu aa ŋmaa dii mu.

Rom Yaab 8:7 ပူးပေါင်းရင်းမြစ်များ

Matiu 12:34

Nim iwaalab a buwaab nan, naah ye tininfobir man nan, ni yin ŋa nii wee tibɔŋann nfir nya ni mɔnn naa? Nan bu-n nan wee uninfo tiɛr u sufu ni, ni ma nya u mɔnn.

Matiu 5:19

Uninfo wan bii nsiim nan a wan finfiŋ, wee ki sin wɔɔn u tab ke bi mu li ŋaan man ke, bi na li yin u kuwan finfiŋ paab a naamin; amaa wan tun nsiim kaah ban man, ki ji wɔɔn u tab nsiimin nmɔn nbamɔm ke, bi na li yin u lininfojal paab a naamin.

Jɔnn 7:7

Dulinya nan a ninfob kaa li fir nan ni, amaa bi nan min le, nan bu-n n ji siɛra ke bi toon ye titoonbir le.

Rom Yaab 1:28

Nan kpiɛ, baah yii kaa ban bi li nyi Uwonbɔr a bamɔn yin bu le U nyan U num ki jiɛn bi per bi potiɛkpiinn nin, le bi tun nan kaa kpaan nin bin tun ni.

Rom Yaab 1:30

nin bitingbiib, ki nan Uwonbɔr, ki sugir tab, ki jɔɔ kalanbaani, ki far igbingban; ki tiɛr baah li ŋa man ki mann tun titoonbir; ki yiin bi baam nin bi nam a mɔɔŋi;

Rom Yaab 3:31

Ti wɔɔn ke yada a ŋaam bii nsiimin lee? Aai naa ye man ni! Ti le mann ŋmag nsiimin le.

Rom Yaab 5:10

Taah nan ye Uwonbɔr a duntiibin, le U bija a kumin bu tim nin U ma jir ki mɔŋ nin tab, nan jon man le ye taah jir mɔŋ nin Uwonbɔr nan, U bija a miɛfolin bu ti li kan fee gab.

Rom Yaab 7:22

Nan bu-n, n potiɛmin ni mɔm le nin Uwonbɔr a siim;

Rom Yaab 8:4

na li ŋa man wee nin gbeen ti buchin a binbem kaah ye man nsiimin yaan, nan bu-n taah kaa ji be tigbanann a wiib a bamin wee ki nin be Uwonbɔr a Kasi a naaŋ kaah ye ti man nin.

1 Korenti 2:14

Wan kaa jɔɔ Kinaaŋ nmɔn kaa cheel tibɔr tan nya Uwonbɔr a Naaŋin ban ni, tibɔr nmɔn ye ijɔr leen le ki sei u, le waa li fir biɛ ti taai yi, nan bu-n ti ye kinaaŋ a leen le.

1 Korenti 9:21

Ni ye n be ban kaa nɔɔ nsiimin ban ke, n ta nba le ŋa wan kaa nɔɔ nsiim, ke bin kan nŋmarim. (Ni niɛ kaa wɔɔn ke maa nɔɔ Uwonbɔr a siimi, amaa n nɔɔ Masiya a siim le).

Kolosiya 1:21

Iyoo iba naa nan kpiɛ Uwonbɔr a ninfobin ni, ki ye Uwonbɔr a dataam ni potiɛlin nin ni binben biimin bu.

Kolosiya 2:18

Ni laa che uba n ta tibɔkar a jiininba nin malakam a jiɛnim ki lar ni wee ni lann ni yɔri. U yaa daan nɔɔ waah ga nan biɛn tininforin nin le, naa ye kinaaŋin ni, u donn uba u potiɛlin le naa jɔɔ bu.

2 Timoti 3:4

bi na li nya tab a bɔɔn, ki ye ban kaa tiɛri, ki donn biba, bi na yin ban dulinya nan a wann ŋann le ki jon Uwonbɔr,

Hiibru Yaab 8:10

N-yonn nmɔn nan jon ke, maah li poo tipoor tan sei Iziral yaab sɔ, Uyudaan le len. N li ta n siim ki ŋa bi potiɛrin le ki sɔb nsiim nmɔn ŋa bi sufu ni. Le n na li ye bi Wonbɔru, le bi mu na li ye n ninfob.

Jemisi 4:4

Nim ban kaa si bogiliba nan, naa nyi ke nim ban jɔɔr dulinya nan kujɔtiigin ŋa Uwonbɔr ni dataag lee? Wan jɔɔr dulinya nan kujɔtiig ke, udaan ŋa Uwonbɔr u dataaga.

2 Piita 2:14

Bi num gbee iwanchɔgin toon le, baa jiɛn tibir a tumi; le ki lar ban kaa si bogiliba-n; ki ye ban nyi kujaŋuuŋ a toon, limɔpool be bi bu!