Rom Yaab 8:37 - UWONBƆR A GBƆNPƆŊ LIKƆƆNL

³⁷ Aai nin ni ma biɛn ni, ti jon ban nyaŋa Masiya a jiɛmin bu.

Uwumbɔr aagbaŋ

³⁷ Tɔ, Yesu Kristo u gee timi na aapɔɔn pu, le ti kan linyaŋ kookoo.

Rom Yaab 8:37 ပူးပေါင်းရင်းမြစ်များ

Jɔnn 16:33

“N bei ni ni niɛ nan, naah li ŋa man wee ni li jɔɔ nposɔɔn nni. Dulinya nan yaan ni li kan tibɔmugkaar. Amaa ni che ni sufu li pɔɔu! N nyaŋ dulinyau.”

Rom Yaab 8:35

Ŋma li fir bɔgir ti nyan Masiya a jiɛm nan yaan naa? Tibɔmugkaar bee nton bee limugil bee nkom bee nnan bee kidaŋ bee bitɔb a jugaa?

1 Korenti 15:54

Ni ye nan bur kpann nan kaa burin wee nan kpeg kpann nan kaa kpegin ke, ileen yan pag ki sɔb bilin yin ŋa ibamɔn le, “Nkum kaa kan nnyaŋimi.”

1 Korenti 15:57

Amaa Uwonbɔr le ye kunɔɔpoog; U ma sei ti n nyaŋim ti Yudaau Yisa Masiya bu.

2 Korenti 12:19

Ni tiɛr ke ti degin tiba le ni ban naa? Ti be Uwonbɔr a nintogil le ki pag ke ban be Masiya-n ni; n jɔtiib, nan biɛn wee ti tun ni, ni ye nan li sei ni ngbananpɔɔn le.

2 Korenti 12:9

Amaa le u beim ke, “Maah saŋ kunyunyunbaag man ni kpaan nin ŋa, N pɔɔm jɔɔ yaag idaburigin le.” Ni bu n li fa ligbingbanl takpem n daburigi yin bu, wee Masiya a pɔɔm li be n ban.

2 Korenti 2:14

Amaa Uwonbɔr le ye kunɔɔpoog, nan bu-n iyoo biɛn U lii ti sam ki pee nnyaŋim a naatuŋ Masiya a pɔɔm bu. U bɔr mɔ le ke tulaali a baam kaah mɔ man ni, le u che ti mɔɔn ti ilog biɛn.

Galantiya 2:20

Bi nan kpaam lidapunpunl bu le nin Masiya le naa ji ye min le be, amaa Masiya nmɔn le be nim. Limiɛfol lan wee n jɔɔ be nin tigbanann nin, n be nin yada le Uwonbɔr a bija-n bu, wan jiɛm wee ki ta u ba seimin.

Efesusi 5:2

ki li be njiɛm a binbema, ke Masiya kaah jiɛ ti ki ta u ba ki mann kumanug kan jɔɔ nbaam mɔɔm ki sei Uwonbɔr ti bu man nin.

2 Tesalonika 2:16

Ti Yudaau Yisa Masiya nin ti Baa Uwonbɔr, wan jiɛ ti nin U nyunyunbasanlin bu n kɔɔn ti lipoobil ki sei ti tama ŋaŋ,

1 Jɔnn 4:10

Njiɛm sɔ: Naa ye ti jiɛ Uwonbɔr le, amaa Uma jiɛ ti, le ki tunn U bija le u nan mann tibir a manug ti yaa bir bu.

1 Jɔnn 4:19

Ti jiɛ U nan bu-n Uma nan chinn jiɛ ti.

1 Jɔnn 4:4

Nim, n bijiɛkaam, ni nyan Uwonbɔr ban le ki nyaŋ ba, nan bu-n wan be ni ban nin yab ki jon wan be dulinya nan yaan nna.

Juud 1:24

Uwonbɔr wan li fir ŋmag ni wee ni laa lu-n, U li ta ni ki siin U nintogil U pag kan kaa jɔɔ igalin ki jɔɔ nmɔn takpen nin bu.

Tibɔkpiirkaan 1:5

Linyunyunbasanl nin nposɔɔn lan ji nyan Yisa Masiya, wan ye ibamɔn a siɛradaau win, kibininkpeeg kan chinn fii nkumin, nin wan ye dulinya nan a bɔrtiib biɛn a bɔru win li be ni ban. Wan jiɛ ti wee ki ta u cham ki nyan ti tibirin nin,

Tibɔkpiirkaan 12:11

Bi nyaŋ wa kipeebig a cham bu nin bi siɛram bu baa nan jiɛ bi miɛfolin ki tan kaagi ki sul jir bɔɔn ki nyan nkumin ni.

Tibɔkpiirkaan 17:14

Bi na li to Kipeebigin bitɔb, amaa Kipeebigin na li nyaŋ bi, nan bu-n kipeebig nmɔn le ye biyudam a yudaau nin bibɔrtiib a bɔru, le ban na li be u ban ye ban wee u yin ki gann bi, wee bi ye yadadam ki nɔɔ win.”

Tibɔkpiirkaan 21:7

Wan fir ki nyaŋ ke udaan li kan lifaalin biɛn, le N li ye u Wonbɔru le u mu li ye N big.

Tibɔkpiirkaan 3:9

N li ŋa ban be Sintani a jiɛndiigin, wee ki ke bi ye Juu yaab amaa wee kaa sin ye Juu yaabin, ki ye bilinlaribin, n li che bin dan ki nan gbaan ni taatum ki tiɛr ke n jiɛ ni.