Rom Yaab 8:34 - UWONBƆR A GBƆNPƆŊ LIKƆƆNL

³⁴ Ŋma li fir bii baa? Masiya le nan kpo, le nan jon man le ye u nan fii nkumin na, ki ka Uwonbɔr a nɔɔjiim paam ki miɛ Uwonbɔr ki tenn ti.

Uwumbɔr aagbaŋ

³⁴ Nima le ubaa aan ŋmaa galn timi. Yesu Kristo nan kpo ti pu, ki fikr nkun ni, ki bi Uwumbɔr aaŋangii wɔb, ki mee u ki tii timi.

Rom Yaab 8:34 ပူးပေါင်းရင်းမြစ်များ

Matiu 20:28

Ke Uninfosaal a Big kaah be man nan, waa dan ke bininfob ntun sei wi, amaa u dan ke u nan tun sei bininfob le, ki jin ta u miɛl ki daa bininfob takpem.”

Tibɔnyaan ti Mak ŋmee ti na 16:19

Tɔ, Yisa kaah nan pag tibɔr nmɔn ki diɛ n-yonn man nin, le Uwonbɔr ta u don U niin ki tan kaan u ma Uwonbɔr a nɔɔjiim paam.

Jɔnn 14:19

Naa li yuuri, dulinya nan yaab kaa ji li kami, amaa nim li kam. Nan bu-n maah yin gbaa be nin n miɛfolin, ni mu yin be le nin limiɛfol.

Jɔnn 16:23

Lidaal nmɔn nan foo ke naa ji na yin baanim niba. N bei ni ibamɔn le, n Baa li sei ni nan biɛn wee ni baan n yinlin bu.

Lituln 2:24

Amaa, le Uwonbɔr fiin u nkumin ki nyan u nkum a nan wii ni, nan bu-n nkum kaa jɔɔ npɔɔn man li fir ŋmag wi.

Rom Yaab 14:13

Mambu ni che ti ta tab a bɔr a jim jiɛn na. Ki che ni li be ni sufu ni ke naa yin ye litangbag gbiɛrikaal bee naa yin leg ni nabig a sami.

Rom Yaab 14:9

Ni niɛ nan bu, le Masiya nan kpo ki fii nkumin naah li ŋa man wee U li ye ban fo nin ban kpo a Yudaau.

Rom Yaab 4:25

Ti toon bir bu le Uwonbɔr nan ta Masiya sei nkum amaa le U fiin u nkumin ke Un ŋa ti bininfoŋam Uwonbɔr ban.

Rom Yaab 8:1

Mambu, daandaan nan Uwonbɔr kaa yin bii bininfob ban be nin Masiya nni,

Rom Yaab 8:27

Le Uwonbɔr wan feen ki lig ti sufu-n nin nyi Kasi a Naaŋin a potiɛl, nan bu-n Kasi a Naaŋin le gaan ki miɛ tenn Uwonbɔr a ninfob gannkaabin Uwonbɔr a bam kaah wɔɔn man.

Kolosiya 3:1

Mambu, ni nan fii nin Yisa nkumin na, ni ta ni sufu ki sei paab a naamin a wan yɔɔrin na, nan yaan wee Yisa ka Uwonbɔr a nɔɔjiim paamin.

Hiibru Yaab 1:3

Uwonbɔr a pag le che U bija-n nyagin, ki jɔɔ Uwonbɔr a nunaŋ, ki ji ye wan ŋmag niwann biɛn u mɔleen a pɔɔm bu. Ni bɔɔn bu waah nan ban tibir a ŋunnim ki sei ti-n, le u kal Jilimadaan Uwonbɔr a nɔɔjiim paam papaab.

Hiibru Yaab 7:25

Mambu u li fir fee ban dan Uwonbɔr ban u ma bu-n iyoo biɛn ki gab, nan bu-n iyoo biɛn u be le ki miɛ ter bi.

Hiibru Yaab 9:24

Nan bu-n Masiya kaa nan kɔɔ bininfob kaah maa wonjiɛn bol lan nan nann wonjiɛn bol bamɔnlin yaan ni; paab baantɔɔl le u nan don, le ki si ti taalin Uwonbɔr a nintogil.

1 Piita 3:18

Nan bu-n nba le Masiya nan kpo ki sei tibirdam biɛn, ubuchin nan gaa ban kaa ye bibuchim a kum ki kpo, ke un che ni foo Uwonbɔr ban. Bi nan ku u le tigbanann ni le u ji kan limiɛfol Kinaaŋ bu,

1 Piita 3:22

Yisa wan nan don paab ki be Uwonbɔr a nɔɔjiim paam nin Malakam nin tininkper a pɔɔm nin ipɔɔn biɛn yan cheel u mɔbin.

Tibɔkpiirkaan 1:18

N ye Wan Fo-n le; N nan kpou, liga n fii nkumin na ki ye wan fo-n le hali nin iyoo yan kaa jɔɔ diɛm! Le ki ŋmag Nkum nin Kitakpiin tiŋ a naanganl a piin.