Rom Yaab 8:30 - UWONBƆR A GBƆNPƆŊ LIKƆƆNL

³⁰ Ban wee Uwonbɔr bon bi bu-n, bi ma le u yin; ban wee U yin nmɔn, bi ma le U ke bi bɔr ŋan; ban wee U ke bi bɔr ŋan nin nmɔn, bi ma le u ji che bi kan kupag.

Uwumbɔr aagbaŋ

³⁰ Binib bi Uwumbɔr nyan bi na, le u yin bi. Binib bi u yin bi na, le u len ke baabɔr ŋan, ki nyuŋ bi.

Rom Yaab 8:30 ပူးပေါင်းရင်းမြစ်များ

Jɔnn 17:22

N ta kupag kan wee A nan ta seimin ki sei ba, ke nin che bin ŋa nba ke taah ye nba man nin:

Jɔnn 17:24

“N Baa, n ban bininfob ban wee A ta seimin na li be n ban le maah na yin be nan yaan nin. Wee bin kan npagim, kupag kan wee A nan ta seimin, nan bu-n Ŋaah jiɛm n-yonn man wee dulinya kaa la nan naan nin.

Jɔnn 5:24

“N bei ni ibamɔn le, wan biɛn gbir n mɔleen wee ki ŋa Uwonbɔr wan nan tumin yada li kan limiɛfol lan kaa jɔɔ diɛm wee kaa li kpo; u lagir nkum bu ki kan limiɛfola.

Rom Yaab 1:6

Le ni mu kpiɛ ban wee Yisa Masiya yin bin a kanlin na.

Rom Yaab 11:29

Uwonbɔr a piin a seim nin U yim kaa kpenn ni.

Rom Yaab 8:1

Mambu, daandaan nan Uwonbɔr kaa yin bii bininfob ban be nin Masiya nni,

Rom Yaab 8:21

ke tiwann naan wann tɔɔl li nya nburim a yomirin, ki kɔɔ Uwonbɔr kaah ta wiib kan jɔɔ kupag ki sei U buwaabin yaan.

Rom Yaab 8:28

Le ti nyi ke niwann biɛn nin, Uwonbɔr tun le ki tenn bininfob ban jiɛ win naah li ŋan ki sei bi man, U jɔɔ nan bu wee U yin bi.

1 Korenti 1:2

le sɔb ki poor nim biwonjiɛm a laginn ban be Korenti a tiŋin, nin ban wee Uwonbɔr ŋa bi u yaab Masiya bu-n, le u yin bi ki ŋa bi kasi nin ban biɛn be nan yaan biɛn ki yi ti Yudaau Yisa Masiya a yinl ke bi yudaau nin ti mu a yudaau win.

1 Korenti 1:9

Uwonbɔr wan yin ni ke ni li jɔɔ nɔɔnintab nin U bija Yisa Masiya wan ye ti Yudaau win, U ye yada daan le.

1 Korenti 2:7

Aai, ti pag Uwonbɔr a lam man woo n-yaa bɔr le, amaa le Uwonbɔr pii nan chinn ŋa nlam man li sei ti jilima nmɔn a sili ki guun ti le mi saŋi nin foo.

1 Korenti 6:11

Nim bibam nan ye man le. Amaa le Uwonbɔr ŋunn ni bir, ki ŋa ni kasi, ki ke ni bɔr ŋan Uyudaan Yisa Masiya a yinlin nin Uwonbɔr a Kasi a Naaŋin bu.

2 Korenti 4:17

Nan bu-n fala kan kaa kpiɛg wee ti jin ki wama nan, ni ma yin che ti kan kupag kan yab ki jon ni biɛn nan.

Galantiya 1:15

Amaa Uwonbɔr, wan nan gannim ke baa la ma min, naah nan nan gbee U num n-yonn man nin le U yim U nyunyunbasanl bu,

Galantiya 1:6

Ni garim pam nin naah labir weem ki jiɛn Uwonbɔr wan yin ni Masiya a nyunyunbasanl bu-n wee ki labir nɔɔ tibɔr tan be ti binba nmɔn,

Galantiya 5:8

Kularug nmɔn kaa nyan Uwonbɔr wan yin ni ban ni.

Efesusi 1:11

Masiya ni le Uwonbɔr nan gann ti mu, ki ta ti kpann U tɔɔl a ninfob nin waah ban niwann biɛn ntun man U bamin,

Efesusi 1:5

U pii nan lol ke U li ta ti ki kpann U buwaab Yisa Masiya bu, U nan lol man le U nungbeelin nin U bam,

Efesusi 2:6

Le Uwonbɔr lagin fiin tim nin Masiya, ki kaan tim nin uma paab a naamin, taah be nin Masiya nan bu,

Efesusi 3:11

Uwonbɔr nan ŋa ni niɛ nan ke waah gbeen u lolim man kaa jɔɔ diɛmin ti Yudaau Yisa Masiya nin.

Efesusi 4:4

Tigbanann tiba nin Kinaaŋ kiba le be, ke baah nan yin ni tama kiba bu a yim man nin,

Kolosiya 3:4

Masiya wan ye ni miɛfolin nan degirin ke, iyaayoo nim nin uma na li degirin nin kupag.

1 Tesalonika 2:12

ki pɔɔgir ni gbanann, ki sɔŋir ni sufu, ki balin ni ke ni li be nbinben ŋan man gbeeg Uwonbɔr wan yin ni ki ta ni kɔɔn U naam man jɔɔ jilima-n a num.

2 Timoti 2:11

Tibɔr nan ye ibamɔn le; Ni ye ti kpo nin u ke, ti mu ji na li jɔɔ limiɛfol nin u;

Hiibru Yaab 9:15

Ni ma bu le Masiya ye ti sandanfaaru tipoopɔnn n-yaan, ke nin che ban wee Uwonbɔr yin bin kan Uwonbɔr a mɔsiinl lan ye lifaal lan kaa jɔɔ diɛmi. Nan bu-n Masiya pii nan kpo ke un da ban nan tun tibir n-yonn man wee tipookpegirin la nan si-n le, ki nyan bi tibir nmɔn a tudarilin.

1 Piita 2:9

Amaa nim ye bininfob gannkaab le, ki ye bininfob ban ye ibɔrniin a minmanib, ki ye kasi a bol, ki ye Uwonbɔr yaab, ke ni pag Uma wan yin ni ki nyan ni libunbɔnlin ki ta ni ŋa ligaril a wonweem n-yaan nin.

1 Piita 3:9

Ni laa jɔɔ tibir ki yɔ tibiri bee ki laa sug ban sug ni ki jiin ni, amaa ni li kaab tikaar ŋan tenn ban kaa ŋaa ni choba, ni niɛ nan bu le Uwonbɔr nan yin ni ke ni nan kan tikaar a faal.

1 Piita 5:10

Le Uwonbɔr wan ye linyunyunbasanl biɛn daan ni, wan yin ni ke ni kan u pag kan kaa jɔɔ diɛm Masiya nin, naah jin fala wama a bɔɔn nin, Uma tɔɔl le ji li jiin ni siin ni yada-n ki che ni pɔɔg, le ni sir kenken.

2 Piita 1:10

Mambu, n nabum, ni biɛn pɔɔn niba nin linunmanl ki che ni yim nin ni gannimin li ye ibamɔn na. Nan bu-n ni ye ni ŋa man ke, naa li lu,

Tibɔkpiirkaan 17:14

Bi na li to Kipeebigin bitɔb, amaa Kipeebigin na li nyaŋ bi, nan bu-n kipeebig nmɔn le ye biyudam a yudaau nin bibɔrtiib a bɔru, le ban na li be u ban ye ban wee u yin ki gann bi, wee bi ye yadadam ki nɔɔ win.”

Tibɔkpiirkaan 19:9

Le malaka-n beim ke, “Sɔb ke: ‘Tikaar be ban wee bi yin bi ke bi nan ji Kipeebigin a piichanil a jiir nan bu!’ ” Le ki ji len ke, “Ni niɛ nan le ye Uwonbɔr a mɔleen ibamɔn.”