Rom Yaab 8:27 - UWONBƆR A GBƆNPƆŊ LIKƆƆNL

²⁷ Le Uwonbɔr wan feen ki lig ti sufu-n nin nyi Kasi a Naaŋin a potiɛl, nan bu-n Kasi a Naaŋin le gaan ki miɛ tenn Uwonbɔr a ninfob gannkaabin Uwonbɔr a bam kaah wɔɔn man.

Uwumbɔr aagbaŋ

²⁷ Uwumbɔr u lik binib aasui ni aah bi pu na nyi Waafuur Nyaan aalandak aah bi pu na; ba pu? Nfuur Nyaan mee u tii waanib waah ban pu na.

Rom Yaab 8:27 ပူးပေါင်းရင်းမြစ်များ

Matiu 6:8

Ni laa be ke baah be man nmɔn ni, nan bu-n ni Baa Uwonbɔr pii nyi nan wee ni ban, ke naa la miɛ wi.

Tibɔnyaan ti Luk ŋmee ti na 16:15

Le u bei bi ke, “Nim ban wɔɔnn ni ba ke ni ye bibuchim bininfob ban nan, amaa Uwonbɔr nyi ni sufu ni. Nan wee uninfosaal tiɛr u sufu ni ke ni ye niwann ŋann tan kagin, amaa Uwonbɔr ban ni ye yɔli le.

Jɔnn 14:13

Le n li ŋa naah li miɛ nan biɛn n yinl bu, wee Baa-n kan kupag Bija-n bu.

Jɔnn 21:17

Nan nan kpiɛ nfimitaa-n le u bei u ke, “Simɔnn Jɔnn a bija, a jiɛm maa?” Piita a sufu nan bii le nan bu-n Yisa kaah nan baan u ki tan kpaa nfimitaa ke, “A jiɛ maa?” Le u ke, “Uyudaan, a nyi niwann biɛn; a nyi ke n jiɛŋ.” Le Yisa ke, “Li jinn n peei nan na.

Lituln 1:24

Le ki miɛ Uwonbɔr ke, “Uyudaan, fin le nyi uninfo biɛn a sufu ni. Wɔɔn ti bininfob bilee nan a sisiigin wan wee a gann,

Lituln 15:8

Uwonbɔr wan nyi uninfosaal a sufu ni nin, u ma gaa ban kaa ye Juu yaab ki sei bi Kasi a Naaŋ, ke waah nan sei ti man nin.

Rom Yaab 8:34

Ŋma li fir bii baa? Masiya le nan kpo, le nan jon man le ye u nan fii nkumin na, ki ka Uwonbɔr a nɔɔjiim paam ki miɛ Uwonbɔr ki tenn ti.

Rom Yaab 8:6

Wan ta u potiɛl ŋa tigbanann a bamin yaan ke ni ye nkum le, amaa lipotiɛl lan mu wee Kasi a Naaŋin ŋmagin ye limiɛfol le nin nposɔɔn;

Efesusi 2:18

Masiya bu le kinaaŋ kiba nmɔn ta ibol ilee nmɔn biɛn foon ti Baa Uwonbɔr ban.

1 Tesalonika 2:4

Amaa ti pag le ke ban wee Uwonbɔr ke bi ŋan nin, Uma ta tibɔŋann nmɔn ki ŋa ti nɔɔn, ni ma bu taa ban ti pag ki penn bininfob a sufu amaa ti ban ti penn Uwonbɔr wan magir ti potiɛlin a sufu le.

Hiibru Yaab 4:13

Uwonbɔr kaah naan nan biɛn niba kaa be wee ki woo wee waa ga ni. Niba kaa degi, niwann biɛn dɔ npaan ni le Uwonbɔr a numin, wan wee ti biɛn na yin kpiir ta tun nan ki wɔɔni.

Jemisi 5:16

Mambu, ni kpiir ni bir ki wɔɔn taba, ki li miɛ Uwonbɔr ki tenn taba wee ni kan kutebug. Ubuchinn a wonmiɛl jɔɔ npɔɔn le mitoon yin.

Tibɔkpiirkaan 2:23

N li ku u buwaab. Le biwonjiɛm a laginn biɛn n biɛ ke min le ye wan dibir bininfob a sufu nin bi potiɛl, le n li yɔ ni biɛn ni ŋaar bu.