Rom Yaab 8:19 - UWONBƆR A GBƆNPƆŊ LIKƆƆNL

¹⁹ Niwann nan wee Uwonbɔr naan nan biɛn le guu le bi sufu ŋa sili ki lig lidaal lan wee Uwonbɔr na yin kpiir U naachimin ni.

Uwumbɔr aagbaŋ

¹⁹ Tiwan ni Uwumbɔr naan ni na mɔmɔk aanimbil man ke ni kan bundaln Uwumbɔr ga nyan waabim mpaan pu na.

Rom Yaab 8:19 ပူးပေါင်းရင်းမြစ်များ

Matiu 5:9

Tikaar be ban ban nposɔɔn bu, nan bu-n bi ma le bi na li yin bi Uwonbɔr a buwaab.

Jɔnn 1:12

Nin ni ma biɛn ni, ban biɛn nan gaa win, nin ban nan ŋa yada u yinl bu-n, le u nan sei bi nsan ke bin nin ŋa Uwonbɔr a buwaab.

Lituln 3:21

Yisa nmɔn la yin be Uwonbɔr a niin le, hali nin iyoo kaah na li foon, le Uwonbɔr n mann tiwann biɛn, ke waah nan che U kasi a linlem pag iyoo yan nan jon nin.

Rom Yaab 8:14

nan bu-n, ban wee Uwonbɔr a Naaŋin lii bi samin, bi ye Uwonbɔr a naachim le.

Rom Yaab 8:16

Uwonbɔr a Naaŋin tɔɔl le jin siɛra ti naaŋin ke ti sin ye Uwonbɔr a buwaab le.

Rom Yaab 8:18

N chee ke fala kan wee ti ji daandaan nan kaa foo ti ta bigin kupag kan wee Uwonbɔr na yin kpiir ti ni nni.

Rom Yaab 8:23

Naa ye ni yaa binba, amaa tim ban wee Uwonbɔr chinn sei ti U Kasi a Naaŋin a looi yin tɔɔl dun le ti sufu ni ki guu n-yonn man wee Uwonbɔr na yin ta ti kpann U tɔɔl a buwaab, ki sei ti nkpenim a manug ti gbanann nin.

Rom Yaab 9:26

Le, “Ni li ŋa ke kitiŋ kan a ninfob wee N nan ke, ‘Naa ye N ninfobin,’ bi li yin bi ke, Uwonbɔr wan fo-n a buwaab,’

1 Korenti 1:7

Ni bu naa lann Uwonbɔr a Naaŋ a piini ke naah ŋa sili ki guu ti Yudaau Yisa Masiya a jirimin.

1 Korenti 1:8

U li ŋmag ni nbamɔm hali nin ndiɛm, wee ni laa nan jɔɔ igalin ti Yudaau Yisa Masiya a jirin daali.

2 Korenti 6:18

“Wee N li ye ni Baa, le ni mu li ye N naachim nin N bisiɛm, Uyudaan wan jɔɔ npɔɔn le len man.”

Galantiya 3:26

Ni biɛn nan ye Uwonbɔr a buwaab le naah ŋa Masiya yada-n bu.

Filipi 1:20

N nunman nin n tama ye le ke, n laa ji ifa, amaa wee ki li jɔɔ lipoobil daandaan nan nin iyoo biɛn, hali ni ye n kpo le bee n fo ke ni, n che Masiya a yinl nkan ndom n gbanann nin.

Kolosiya 3:4

Masiya wan ye ni miɛfolin nan degirin ke, iyaayoo nim nin uma na li degirin nin kupag.

Hiibru Yaab 12:27

Imɔbon yan len ke, “N ji li chee-n,” wɔɔn ke tiwann tan dam ki ye tiwann naan kaarin na li choo nyan ki jiɛn tan kaa yin damin paar.

1 Piita 1:13

Mambu, ni ŋaam ni potiɛl sili ki tun itoon; ni choom niba; ki ta ni tama biɛn ki ŋa linyunyunbasanl lan wee bi na li sei nin, n-yonn man wee Yisa Masiya na yin kpiirin nin.

1 Piita 1:7

I niɛ nan dan le, ke ni yada kan ŋan jon salima kan burin, hali nŋmi kaah le mann salima kan li fir bii-n gbaa, yada nmɔn li wɔɔn ke ni ye ibamɔn le, ki ta kupag nin jilima dan ni joorimin, ni ye Yisa Masiya nan kpiirin ke.

1 Jɔnn 3:1

Ni lig ti Baa Uwonbɔr kaah pu ki jiɛ ti tan lagir man, ke bi li yi ti ke Uwonbɔr a buwaab! Man mu le ti sin ye! Nan bu wee dulinya yaab kaa nyi ti-n ye baah kaa nyi Uwonbɔr nle.

1 Jɔnn 3:2

N jɔtiib, daandaan nan ti ye Uwonbɔr a buwaab le, le taah na yin be man kaa la kpiir wɔɔn ti. Amaa ti nyi ke u nan degirin ke, ti yin be le ke uma-n, nan bu-n ti na yin kan u le ke waah be man nin.

Tibɔkpiirkaan 21:7

Wan fir ki nyaŋ ke udaan li kan lifaalin biɛn, le N li ye u Wonbɔru le u mu li ye N big.