Rom Yaab 8:17 - UWONBƆR A GBƆNPƆŊ LIKƆƆNL

¹⁷ Daandaan nan ni ye ti sin ye Uwonbɔr a buwaab ke, man ke ti ye U faajib le, tim nin Masiya le lagin ki ye Uwonbɔr a faajib, ni ye tim nin Masiya lagin ki jin U fala-n ke tim nin U ma ji na yin lagin kan U pag.

Uwumbɔr aagbaŋ

¹⁷ Taah ye Uwumbɔr aabim na, ti ga kan Uwumbɔr aah di tiwanyaan ni bil kiir timi paacham na. Ti ni Kristo ga kpaan kan tiwanyaan ngbaan. Ti yaa ji falaa u pu kan, ti ni u ga nan kpaan ji mmɔɔn paacham.

Rom Yaab 8:17 ပူးပေါင်းရင်းမြစ်များ

Matiu 16:24

Amaa le ki bei u bɔɔnɔɔb ke, “Wan ban un nɔɔm ke, see ke u yii u ba le ki yuur u kum a dapunpunl ki nɔɔm.

Matiu 25:21

“Le u yudaau nmɔn jiin bei u ke, ‘N faan, a ye utoontunn ŋan le! Ki ji tun nbamɔm, ŋaah ŋmag wama nan nbamɔm nan, mambu, n yin ta tiwann takpem a ninkper le ki ŋa a nɔɔn. Npopeen man wee n jɔɔ nan, ni ye min nin fin yaal le.’

Tibɔnyaan ti Luk ŋmee ti na 12:32

“N ninfob ban kaa yab nan, ni laa san bijawaami, ni Baa Uwonbɔr jɔɔ npopeen nin waah yin jin ni nnaam n bu.

Tibɔnyaan ti Luk ŋmee ti na 24:26

Naa ye ni kpaa le ke Masiya n ji fala nmɔn, wee ki nan kɔɔ u pagin naa?”

Jɔnn 17:24

“N Baa, n ban bininfob ban wee A ta seimin na li be n ban le maah na yin be nan yaan nin. Wee bin kan npagim, kupag kan wee A nan ta seimin, nan bu-n Ŋaah jiɛm n-yonn man wee dulinya kaa la nan naan nin.

Lituln 14:22

ki pɔɔgir bi bɔɔnɔɔbin a gbanann nin bi sufu ke bi mann sir bi yada bu nin ibamɔn na. “Ni kpaa le nin ti kɔɔ tibɔmug kaarin takpem wee ki nin nan kɔɔ Uwonbɔr a naamin.”

Lituln 20:32

“Daandaan nan, n jɔɔ ni ki ŋubin Uwonbɔr a nɔɔn nin U nyunyunbasanl a mɔleen yin bu, U bɔr nmɔn le li fir che ni nɔɔ nbamɔm, ki li fir sei nim ban biɛn wee u ŋa ni u kasi a ninfobin lifaal.

Lituln 26:18

a tan ligir bi num ki nyan bi libunbɔnlin ki kpenn bi ŋa nwonween ni na, ki nyan bi Sintani a pɔɔmin ki sei bi Uwonbɔr a pɔɔm, wee bin kan tibir a jiɛn per, nin npaan n ban wee Uwonbɔr n ta bi ŋa U yaab ban be kasi-n a sisiigin baah ŋaam yada n bu.’

Rom Yaab 5:17

Ni ye uninfo uba a bir bu, le nkum nɔɔ uninfo uba nmɔn bu ki dan ke, man ke Uwonbɔr a buchin piin yan yab ki san ti kunyunyunbaagin ma jon man na, U ma ye Yisa Masiya wan sei ti limiɛfolin.

Rom Yaab 8:3

Uwonbɔr tun nan wee nsiimin kaa fir tun nna nan bu-n uninfosaal a gbanann kaa nan fir ŋmag nsiim nmɔn ni, le U tun U tɔɔl a big le ki nann uninfosaal wan ye tibirdaan nin ke un nan mann tibir a manug. Le ki bii tibir tan be uninfosaal a gbanann nin ni-n,

1 Korenti 2:9

Ke naah sɔb Uwonbɔr a gbɔŋin ke, “Linunbil kaa kan ni, Litul mu kaa gbiri, le uninfosaal a sufu mu kaa nyi, nan wee Uwonbɔr ŋa ni sili ki guun ban ban win ni.”

2 Korenti 1:5

Ti fala a jim Masiya a yinl bu kaah yab man nin, man le ti sufu sɔŋil mu na yin yabig ki tan lagir u ma Masiya bu.

2 Korenti 1:7

Mambu ti jɔɔ tama ni bu ke ni pɔɔ, nan bu-n ti nyi ke naah le ji ti fala man ni, man mu le ni yin kan ti sufu sɔŋil.

Galantiya 3:29

Ni ye Masiya le ye ni ke, man ke ni ye Abiraham a yaabili le, ki li ji u faal ke Uwonbɔr a mɔsiinlin kaah wɔɔn man nin.

Galantiya 4:7

Mambu, ŋaa ji ye uyomi, amaa a nin ye Uwonbɔr a big le; ŋaah ye U big n bu, le U ŋaaŋ U faajiru mu.

Efesusi 3:6

U bɔwoonkaar nmɔn ye nan le, tibɔŋann nmɔn bu le ban kaa ye Juu yaabin fir ki lagin jin lifaal nin Iziral yaab, ki lagin ye gbanann tiba a ninfob, ki jɔɔ waah nan siin limɔsiinl lan Masiya bu-n ki por nin tab.

Filipi 1:29

Uwonbɔr pii sei ni nsan ke ni li tun tenn Masiya wee ni laa pa ye naah ŋa u yada n yaa binba, amaa ke ni ji fala mu u bu.

Filipi 3:10

N ban n li nyi Masiya le nin u kum a fiim a pɔɔmin ki li jɔɔ nɔɔnintab nin u, ki ji fala wan wee u nan jin nin, ki li be ke uma nin u kumin,

Kolosiya 1:24

Daandaan nan ni mɔm, nin maah jin fala kan nim bu-n, le n la gbee nin fala nmɔn le n gbanann nin ki jin nan la paar Masiya a fala a jimin paam, u gbanann nmɔn le ye biwonjiɛm a laguŋ.

Taitus 3:7

U nyunyunbasanl bu le U ke tibɔr ŋan, ti na li ŋa Uwonbɔr a faajib ki jɔɔ limiɛfol lan kaa jɔɔ diɛmin a tama.

Hiibru Yaab 1:14

Naa ye malakam biɛn ye nnaam ban tun itoon le ki tenn ban biɛn yin kan nŋmarimin naa?

Hiibru Yaab 1:2

amaa idaa yan joor nan, u che U bija le pag sei ti, wan wee U ŋau niwann biɛn a faajiru win, nin wan bu wee U nan naan dulinya nan nin.

Hiibru Yaab 6:17

Nan bu-n Uwonbɔr kaah nan ban Un wɔɔn ban na yin kan U mɔsiinlin a gbeemin, ibamɔn ke waa yin kpenn waah bon man nin bu, le U nan poo tipoor.

Jemisi 2:5

N nabum; ni pela man: Naa ye Uwonbɔr le gann ban ye faladam kutingbɔŋ nan a poolin, ke bi li ye biwandam yada a ŋaam bu, wee ki nan ji paab a naam a faal lan wee Uwonbɔr siin limɔsiinl ke u li sei ban ban win naa?

1 Piita 1:4

ki sei ti lifaal lan kaa li nyi buri, bee ki bii bee ki wiiri. Le li be paab ki guu nim,

1 Piita 4:13

Amaa ni che ni li mɔ na nin naah por ki ji Masiya a fala-n bu, wee ni nan kan nmɔn takpen u pagin a kpiirimin.

Tibɔkpiirkaan 21:7

Wan fir ki nyaŋ ke udaan li kan lifaalin biɛn, le N li ye u Wonbɔru le u mu li ye N big.

Tibɔkpiirkaan 3:21

Wan fir ki nyaŋ ke, n li sei udaan nsan wee min nin uma n nan lagin ki kal n naangbɔŋin bu. A li ke maah nan nyaŋ wee min nin n Baa lagin ki kal U naangbɔŋ bu man nin.