Rom Yaab 8:15 - UWONBƆR A GBƆNPƆŊ LIKƆƆNL

¹⁵ Uwonbɔr kaah ta U Naaŋ kan sei ni-n kaa ye Kinaaŋ kan li ŋa ni bi yom wee ni ji li san bijawaami, amaa U Naaŋ nmɔn bu le che ni kpann U naachim. Uma bu le ti kuun ki yi ke, “N Dindaau N Baa.”

Uwumbɔr aagbaŋ

¹⁵ Nfuur Nyaan mu Uwumbɔr tii nimi na, mu aa joo nimi tinaagbiir ke ni san ijawaan. Waafuur Nyaan le ŋa nimi waabim, le ki cha ti yin u ke “Nte.”

Rom Yaab 8:15 ပူးပေါင်းရင်းမြစ်များ

Matiu 25:25

Mambu le n saŋ bijawaam, ki gbii kiboog, ki ta a ligin nmɔn piin. Lig, a ligi nmɔn sɔ, gaa a wan.’

Tibɔnyaan ti Mak ŋmee ti na 14:36

“N baa, n baa, niba li kaa be le ŋaa li fir tun ni. Laa che n nyu kiyiinyɔɔg nan yaan ni; Amaa che a yaa bam le n tun, wee ni laa ye n yaa bami.”

Tibɔnyaan ti Luk ŋmee ti na 11:2

Le U bei bi ke, “Ni yin miɛ Uwonbɔr ke, ni len ke: ‘Ti Baa, che a yinl le be kasi, che a naam n foon.

Tibɔnyaan ti Luk ŋmee ti na 22:42

ki ke, “N Baa, ni ye a bam ke, a laa che n nyu kiyiinyɔɔg nan yaan ni, ki mu laa ye min a bami, amaa ni li ye a yaa bam.”

Tibɔnyaan ti Luk ŋmee ti na 8:28

Waah nan kan Yisa nan le u yigin nmɔpɔɔn ki gbaan Yisa a nintogil, ki tiɛn ke, “Yisa wan ye Uwonbɔr wan be paabin a Bija, min nin fin babu? N baliŋ le, laa mugir mi!”

Tibɔnyaan ti Luk ŋmee ti na 8:37

Le Gereza a tiŋ a ninfob biɛn dan Yisa ban ki nan balin u ke u nya bi tiŋin na, bijawaam kaah nan choo bin bu. Le Yisa nan jir kɔɔ kuŋaluŋin ki fɔr.

Jɔnn 16:8

U nan dan ke, u li ji dulinya tibɔr le dulinya nlu, nin Uwonbɔr a buchin binbem, nin U bɔjil ki wɔɔn:

Jɔnn 20:17

Le Yisa bei u ke, “Laa bibim ki ŋmag mi, nan bu-n maa la jir Baa-n ban ni. Amaa li chaa n nabumin ban ki tan bei bi ke, ‘N chaa jir N Baa nin ni Baa, N Wonbɔru nin ni Wonbɔru win ban le.’ ”

Lituln 16:29

Le uloondiiguurin ke bin sei nŋmi ni, le ki guun kɔɔ weem ki jegil, ki tan gbaan tum Pɔɔl nin Silasi a nintogil.

Lituln 2:37

Bininfobin kaah nan gbir man ni, le bi sufu nan bii takpem, le bi baan Piita nin u tooi tabin ke, “Ti na a buwaab ti yin ŋa nii?”

Rom Yaab 8:16

Uwonbɔr a Naaŋin tɔɔl le jin siɛra ti naaŋin ke ti sin ye Uwonbɔr a buwaab le.

Rom Yaab 8:23

Naa ye ni yaa binba, amaa tim ban wee Uwonbɔr chinn sei ti U Kasi a Naaŋin a looi yin tɔɔl dun le ti sufu ni ki guu n-yonn man wee Uwonbɔr na yin ta ti kpann U tɔɔl a buwaab, ki sei ti nkpenim a manug ti gbanann nin.

Rom Yaab 8:26

Man le ye ni, Kinaaŋin ter ti le ti daburigi yin. Taa nyi taah yin miɛ Uwonbɔr ki ban nan ni, amaa Kasi a Naaŋin tɔɔl le gaa ki miɛ Uwonbɔr ki tenn ti nin ndundun man wee imɔleen kaa li fir pag wɔɔn ni.

Rom Yaab 9:4

bi ma ye Iziral yaab. Bi ma le Uwonbɔr nan ta bi kpann U bimarim; ki che bi jɔɔ U tɔɔl a pag, ki poo tipoopɔnn sei bi, ki sei bi U siim, ki wɔɔn bi baah li jiɛn U man iwonjiɛn niin, le ki siin bi limɔsiinl.

1 Korenti 2:12

Kinaaŋ kan wee ti gaa-n, kaa ye dulinya nan a naaŋi, amaa ki ye Kinaaŋ kan nyan Uwonbɔr ban le. U li che U naaŋin ter ti wee ti biɛ u piini nmɔn.

2 Korenti 11:4

Ni ye uba dan ni ban ki nan bei ni Yisa uba a bɔr wee naa ye Yisa wan a bɔr wee ti nan pagin ke, bee kinaaŋ kan kaa ye Kasi a Naaŋ nke, bee tibɔr tan kaa ye Yisa a bɔŋanni ke, ti ma le ni gaan nbamɔm weem.

Galantiya 2:4

Tibɔr nmɔn nan nyan nnabum man por tibɔkar tenn bi ba ke bi mu ye Yisa a bɔɔnɔɔbin le, bi nan be ti sisiigin le ki pigir ti ki ban bin biɛ taah gaa ti ba Masiya bu man wee ki ŋa ti nsiim a yomi.

Galantiya 5:1

Ye n ba bu le Masiya nan nyan ti tiyomirin. Mambu mann sir nbamɔma, ki laa ji ta tiyomir a naajadaag paan a baa bu.

Efesusi 1:5

U pii nan lol ke U li ta ti ki kpann U buwaab Yisa Masiya bu, U nan lol man le U nungbeelin nin U bam,

2 Timoti 1:7

Uwonbɔr kaa ta Kinaaŋ kan li che ti san bijawaam le sei ti, amaa U sei ti Kinaaŋ kan li che ti jɔɔ npɔɔn le, nin njiɛm nin taah li dar tiba a tul man.

Hiibru Yaab 2:15

wee ki fee ban a binbem biɛn ŋa bi tiyomir nkum bu dulinya nan yaan nin ki gab.

Jemisi 2:19

Ni ŋa yada ke Uwonbɔr ye u ba le kpeŋileŋ. Ni ŋan! Nnaanbiim gbaa tɔɔl ŋa yada man le ki san bijawaam.

1 Jɔnn 4:18

Njiɛm kaa jɔɔ bijawaami. Amaa chasi a jiɛm ŋɔɔ bijawaam le ki nyann, nan bu-n bijawaam ye litudaril le. Uninfo wan san bijawaam kaa be chasi njiɛmin yaan ni.